ಮೈಕ್ರಾಕ್ಕಿಂತ ಅಗ್ಗದ ನಿಸ್ಸಾನ್ ಸಣ್ಣಕಾರು ಬೇಕಾ?

ಜಪಾನಿನ ಕಾರುತಯಾರಿಕಾ ಕಂಪನಿ ನೂತನ ಸಣ್ಣಕಾರು ನಿಸ್ಸಾನ್ ಮೈಕ್ರಾಕ್ಕಿಂತ ಅಗ್ಗವಿರಲಿದೆ ಎಂದು ಮೂಲಗಳು ಹೇಳಿವೆ. ದೇಶದ ಮಧ್ಯಮವರ್ಗದ ಗ್ರಾಹಕರನ್ನು ಗಮನದಲ್ಲಿಟ್ಟುಕೊಂಡು ನೂತನ ಕಾರನ್ನು ವಿನ್ಯಾಸ ಮಾಡುತ್ತಿದೆಯಂತೆ.

"ಭಾರತದ ಸಣ್ಣಕಾರು ಮಾರುಕಟ್ಟೆಯಲ್ಲಿ ಸಾಕಷ್ಟು ಅವಕಾಶವಿದೆ. ಹೀಗಾಗಿ ಮೈಕ್ರಾಕ್ಕಿಂತ ಅಗ್ಗದ ಕಾರೊಂದನ್ನು ಹೊರತರುವ ಕುರಿತು ನಾವು ಪ್ರಯತ್ನಿಸುತ್ತಿದ್ದೇವೆ" ಎಂದು ನಿಸ್ಸಾನ್ ಮೋಟರ್ ಇಂಡಿಯಾದ ಸಿಇಒ ಕಿಮಿನೊಡು ತೊಕುಯಮಾ ಹೇಳಿದ್ದಾರೆ.

ನೂತನ ಸಣ್ಣಕಾರು 2012ರಲ್ಲಿ ದೆಹಲಿಯಲ್ಲಿ ನಡೆಯಲಿರುವ ವಾಹನ ಪ್ರದರ್ಶನದಲ್ಲಿ ಅನಾವರಣಗೊಳ್ಳುವ ನಿರೀಕ್ಷೆಯಿದೆ. ಕಂಪನಿಯು ದೇಶದಲ್ಲಿ ತನ್ನ ಮಾರುಕಟ್ಟೆ ಪಾಲನ್ನು ಹೆಚ್ಚಿಸಿಕೊಳ್ಳಲು ಸಣ್ಣಕಾರೇ ಸೂಕ್ತ ಎಂದು ಬಲವಾಗಿ ನಂಬಿದೆಯಂತೆ. ಈಗಾಗಲೇ ನಿಸ್ಸಾನ್ ಮೈಕ್ರಾ ದೇಶದಲ್ಲಿ ಮೋಡಿಮಾಡಿರುವುದರಿಂದ ಕಂಪನಿಗೆ ಹುಮ್ಮಸ್ಸು ಹೆಚ್ಚಾಗಿದೆ ಎಂದು ತೊಕುಯಮಾ ಹೇಳಿದ್ದಾರೆ. ಮುಂದಿನ ಪುಟದಲ್ಲಿದೆ ಆಲ್ಟೋಗೆ ಫೈಟ್ ನೀಡಲು ಬರೋ ಕಾರು!!