ಸಮಾಧಿಯಾಗಲಿರುವ ಹೋಂಡಾದ 1400 ಕಾರುಗಳು!

ಇದರಿಂದಾಗಿ ಹೋಂಡಾ, ಭಾರತ ಸೇರಿದಂತೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭಾರೀ ನಷ್ಟವನ್ನು ಅನುಭವಿಸುತ್ತಿದೆ. ಇದೀಗ, ಪ್ರವಾಹದಲ್ಲಿ ಹಾಳಾಗಿದ್ದ ಆ ನೂರಾರು ಕಾರುಗಳನ್ನು ನಾಶ ಪಡಿಸುವ ತೀರ್ಮಾನಕ್ಕೆ ಈ ಕಂಪನಿ ಬಂದಿದೆ

ಹೋಂಡಾ ಕಂಪನಿಯೆ ಹೇಳಿರುವ ಪ್ರಕಾರ ಕಂಪನಿ ಬೆಲೆ ಬಾಳುವ ಕಾರುಗಳಾದ ಸಿಟಿ ಸೆಡಾನ್ ಅಲ್ಲದೆ ಬ್ರಿಯೊ ಹ್ಯಾಚ್ ಬ್ಯಾಕ್ ಸೇರಿದಂತೆ 1,400 ಕಾರುಗಳನ್ನು ನಾಶ ಪಡಿಸಲಿದೆ. ಈ ಎಲ್ಲಾ ಕಾರುಗಳನ್ನು ತಯಾರಿಸಿ ಥೈಲ್ಯಾಂಡ್ ನಲ್ಲಿರುವ ಇದರ 'ಆಯುತ್ತಾಯ' ಸ್ಥಾವರದಲ್ಲಿ ಇಡಲಾಗಿತ್ತು.

ಈ ಹಾಳಾದ ಕಾರುಗಳನ್ನು ಪುನಃ ಹೋಂಡಾ ತಯಾರಿಸುವ ಕಂಪನಿಗೆ ಕಳುಹಿಸಿ ಸರಿಪಡಿಸಿ ಮರುಬಳಕೆ ಮಾಡಬಹುದು ಎಂದು ಊಹಿಸಲಾಗಿತ್ತು. ಆದರೆ ಒಂದು ವೇಳೆ ಈ ಕಾರುಗಳನ್ನು ಮರು ಬಳಕೆ ಮಾಡಿದರೆ ಇದರಲ್ಲಿ ಅನೇಕ ಲೋಪ ದೋಷಗಳು ಕಂಡು ಬರಬಹುದು. ಅಲ್ಲದೆ ಈ ಕಾರು ಮರುಬಳಕೆ ಮಾಡಲು ಅಷ್ಟು ಸುರಕ್ಷತೆಯಲ್ಲ ಎಂಬ ಭಯ ಕಾರು ಕೊಳ್ಳುವ ಕಂಪನಿಯವರಿಗೆ ಮತ್ತು ಗ್ರಾಹಕರಲ್ಲಿ ಕಾಣಿಸಿಕೊಂಡಿತ್ತು. ಆದ್ದರಿಂದ ಈ ಕಾರುಗಳನ್ನು ನಾಶ ಮಾಡಲು ತೀರ್ಮಾನಿಸಿದೆ.

ಹೋಂಡಾ ಕಂಪನಿಯ ಈ 1400 ಕಾರುಗಳನ್ನು ಪರಿಸರ ಸ್ನೇಹಿಯಾಗಿ ನಾಶ ಪಡಿಸಲಾಗುವುದು ಎಂಬ ಭರವಸೆಯನ್ನು ನೀಡಿದೆ.