ಧೂಳೆಬ್ಬಿಸಲಿರುವ ಮಾರುತಿಯ ಪ್ರಪ್ರಥಮ 800ಸಿಸಿ ಡೀಸೆಲ್ ಕಾರು

ದೇಶದ ಅತಿ ದೊಡ್ಡ ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿ, 800ಸಿಸಿ ಎಂಜಿನ್ ಹೊಂದಿರುವ ಡೀಸೆಲ್ ಕಾರು ಬಿಡುಗಡೆ ಮಾಡಲಿರುವ ವಿಚಾರ ಎಲ್ಲರಿಗೂ ತಿಳಿದಿದೆ. ಪ್ರಮುಖವಾಗಿಯೂ ಸಣ್ಣ ಕಾರು ಖರೀದಿಗಾರರನ್ನು ಗುರಿಯಾಗಿರಿಸಿಕೊಂಡು ಮಾರುತಿ ನೂತನ ಕಾರು ಲಾಂಚ್ ಮಾಡಲಿದೆ.

ಇನ್ನೊಂದೆಡೆ ದೇಶದ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾದ ಟಾಟಾ ಮೋಟಾರ್ಸ್ ಸಹ, ಅತಿ ಚಿಕ್ಕ ಡೀಸೆಲ್ ಎಂಜಿನ್ ಕಾರು ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ. ಇದು ಮುಂದಿನ ದಿನಗಳಲ್ಲಿ ನಿಕಟ ಪೈಪೋಟಿಗೆ ಕಾರಣವಾಗಲಿದೆ.

ನೂತನ ಕಾರು ಖರೀದಿಸಿ

ಪ್ರಸ್ತುತ ಲಭ್ಯವಿರುವ ಮಾಹಿತಿ ಪ್ರಕಾರ ಮಾರುತಿಯ ನೂತನ 800ಸಿಸಿ ಡೀಸೆಲ್ ಕಾರು ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಾಣಲಿದೆ. ಇದು ಖಂಡಿತವಾಗಿಯೂ ನೋಡುಗರ ಪಾಲಿಗೆ ರಸದೌತಣವಾಗಲಿದೆ. ಮೂಲಗಳ ಪ್ರಕಾರ ಮಾರುತಿಯ ನೂತನ ಕಾರು 30 ಕೀ.ಮೀ. ಗಳಷ್ಟು ಮೈಲೇಜ್ ನೀಡುವಲ್ಲಿ ಸಕ್ಷಮವಾಗಲಿದೆ. ಇದು ಕೂಡಾ ಗ್ರಾಹಕರ ನಿರೀಕ್ಷೆಯನ್ನು ಇಮ್ಮಡಿಗೊಳಿಸುವಂತಾಗಿದೆ.