ಮುಂಬೈನಲ್ಲಿ 2014 ಮಾರುತಿ ಸುಜುಕಿ ಆಟೋಕ್ರಾಸ್

ಮಾರುತಿ ಸುಜುಕಿ ಮೋಟಾರುಸ್ಪೋರ್ಟ್ ಸದ್ಯದಲ್ಲೇ 2014 ಆಟೋಕ್ರಾಸ್ ಚಾಲೆಂಜ್ ಆಯೋಜನೆ ಮಾಡಲಿದ್ದು, ವಾಣಿಜ್ಯ ನಗರಿ ಮುಂಬೈ ಇದಕ್ಕಾಗಿ ಸಕಲ ರೀತಿಯಲ್ಲಿ ಸಿದ್ಧಗೊಂಡಿದೆ.

ದೇಶದ ಬಹುನಿರೀಕ್ಷಿತ ಮೋಟಾರುಸ್ಪೋರ್ಟ್ ಕ್ರೀಡೆಗಳಲ್ಲಿ ಒಂದಾಗಿರುವ ಆಟೋಕ್ರಾಸ್ ಚಾಲೆಂಜ್ 2002ನೇ ಇಸವಿಯಲ್ಲಿ ಮೊದಲ ಬಾರಿಗೆ ಆಯೋಜನೆಯಾಗಿತ್ತು.

ಸಾಹಸ ಚಾಲನೆ ಇಷ್ಟಪಡುವವರಿಗೆ ಮಾರುತಿ ಮೊಟೊಕ್ರಾಸ್ ಮೋಟಾರುಸ್ಪೋರ್ಟ್ ಅದ್ಭುತ ಅನುಭವ ನೀಡಲಿದೆ. ದಕ್ಷಿಣ್ ಡೇರ್, ಡೆಸರ್ಟ್ ಸ್ಟ್ರೋಮ್ ಮತ್ತು ರೈಡ್ ದಿ ಹಿಮಾಲಯ ಸ್ಪರ್ಧೆಗಳು ಇದಕ್ಕೆ ಸಮಾನವಾಗಿದೆ.

ಹೆಚ್ಚಿನ ಸಂಖ್ಯೆಯ ಯುವ ಗ್ರಾಹಕರನ್ನು ಮೋಟಾರು ಸ್ಪೋರ್ಟ್ಸ್‌ನತ್ತ ಸೆಳೆಯುವುದು ಸಂಸ್ಥೆಯ ಇರಾದೆಯಾಗಿದೆ. ಇಲ್ಲಿ ನುರಿತ ಚಾಲಕರೊಂದಿಗೆ ಅನುಭವ ಹಂಚಿಕೊಳ್ಳುವ ಅವಕಾಶವೂ ಯುವ ರೇಸರುಗಳಿಗೆ ಸಿಗಲಿದೆ.