ಹೈಡ್ರೋಜನ್ ಫ್ಯಾಮಿಲಿಗೆ ಸ್ವಾಗತ; ಹೋಂಡಾ ಎಫ್‌ಸಿವಿ ಕಾರು

ಹೋಂಡಾ ಮುಂದಿನ ಪೀಳಿಗೆಯ ಫ್ಲೂಯಲ್ ಸೆಲ್ ವಾಹನದ ನಿರ್ವಹಣೆಯಲ್ಲಿ ಗಮನಾರ್ಹ ಬದಲಾವಣೆ ತರಲಾಗಿದೆ. ಈ ಸಾಂಪ್ರಾದಾಯಿಕ ಸೆಡಾನ್ ಶೈಲಿಯ ಹೈಡ್ರೋಜನ್ ಕಾರಿನಲ್ಲಿ ಐದು ಪ್ರಯಾಣಿಕರಿಗೆ ಆರಾಮದಾಯಕವಾಗಿ ಪಯಣಿಸಬಹುದಾಗಿದೆ.

ಇದರಲ್ಲಿ ಆಳವಡಿಸಲಾಗಿರುವ ಹೈಡ್ರೋಜನ್ ಸ್ಟೋರೆಜ್ ಟ್ಯಾಂಕ್ ಮುಖಾಂತರ ಭರ್ತಿ 700 ಕೀ.ಮೀ. ವ್ಯಾಪ್ತಿಯ ವರೆಗೆ ಸಾಗಬಹುದಾಗಿದೆ. ಅಷ್ಟೇ ಯಾಕೆ ಕೇವಲ ಮೂರು ನಿಮಿಷಗಳಲ್ಲೇ ಮರು ತುಂಬಬಹುದಾಗಿದೆ.

ನಿರಂತರ ಅಧ್ಯಯನದ ಬಳಿಕ ಹೋಂಡಾ ಎಫ್‌ಸಿವಿ ಕಾರನ್ನು ಅಭಿವೃದ್ಧಿಪಡಿಸಲಾಗಿದೆ. ಅಲ್ಲದೆ ಇದಕ್ಕಾಗಿ ಸ್ಮಾರ್ಟ್ ಹೈಡ್ರೋಜನ್ ಸ್ಟೇಷನ್ (ಎಸ್‌ಎಚ್‌ಎಸ್) ಅಪ್ಲಿಕೇಷನ್ ಅನ್ನು ಸಹ ಹೋಂಡಾ ಪ್ರೋತ್ಸಾಹಿಸುತ್ತಿದೆ.

ಒಟ್ಟಿನಲ್ಲಿ ಪರಿಸರಕ್ಕೆ ಮಾರಾಕವಾಗಿರುವ ಇಂಧನ ಚಾಲಿತ ಪೆಟ್ರೋಲ್ ಹಾಗೂ ಡೀಸೆಲ್ ಕಾರುಗಳಿಗೆ ಹೋಂಡಾ ಎಫ್‌ಸಿವಿ ವಾಹನಗಳು ಬದಲಿ ವ್ಯವಸ್ಥೆಯಾಗಲಿದೆ. ಅಷ್ಟಕ್ಕೂ ಹೈಡ್ರೋಜನ್ ನಿಯಂತ್ರಿತ ಕಾರುಗಳು ಭಾರತಕ್ಕೆ ಯಾವಾಗ ಪ್ರವೇಶವಾಗಲಿದೆ ಎಂಬುದಕ್ಕೀಗ ಉತ್ತರ ನೀಡುವುದು ಕಷ್ಟಕರವಾಗಿದೆ.