ತವರೂರಿನಲ್ಲಿ ನೂತನ ಸಾಂಟಾಫೆ ಅನಾವರಣ

ದಕ್ಷಿಣ ಕೊರಿಯಾ ಮೂಲದ ಮುಂಚೂಣಿಯ ಸಂಸ್ಥೆಯಾಗಿರುವ ಹ್ಯುಂಡೈ, ತವರೂರಿನಲ್ಲಿ ಅತಿ ನೂತನ ಸಾಂಟಾಫೆ ಕ್ರೀಡಾ ಬಳಕೆಯ ವಾಹನವನ್ನು ಅನಾವರಣಗೊಳಿಸಿದೆ. ವಿಶೇಷವೆಂದರೆ ಪ್ರಸ್ತುತ ಮಾದರಿಯು ಸದ್ಯದಲ್ಲೇ ಭಾರತ ಮಾರುಕಟ್ಟೆಯನ್ನು ತಲುಪಲಿದೆ.

ಭಾರತದಲ್ಲಿ ಹ್ಯುಂಡೈನಿಂದ ಲಭ್ಯವಿರುವ ಏಕ ಮಾತ್ರ ಸಂಪೂರ್ಣ ವೈಶಿಷ್ಟ್ಯಗಳುಳ್ಳ ಎಸ್ ಯುವಿ ಇದಾಗಿದ್ದು, ಪ್ರೀಮಿಯಂ ಕ್ರೀಡಾ ವಾಹನಗಳ ವಿಭಾಗದಲ್ಲಿ ಗ್ರಾಹಕರಿಗೆ ಇನ್ನು ಹೆಚ್ಚಿನ ಆಯ್ಕೆಯನ್ನು ಒದಗಿಸಲಿದೆ.

ಹೊಸ ಸಾಂಟಾಫೆ ಕಾರಿನಲ್ಲಿ ಐಚ್ಛಿಕ ಪ್ಯಾನರಾಮಿಕ್ ಸನ್ ರೂಫ್ ಆಯ್ಕೆಯೂ ಲಭ್ಯವಾಗಲಿದೆ. ಇದರಲ್ಲಿ 18 ಹಾಗೂ 19 ಇಂಚುಗಳ ಅಲಾಯ್ ವೀಲ್ ಗಳ ಆಯ್ಕೆಯೂ ಇರಲಿದೆ.

ಇನ್ನು ಕಾರಿನೊಳಗೆ ಎಲ್ಲ ಹೊಸತನದ ಡ್ಯಾಶ್ ಬೋರ್ಡ್ ನೀಡಲಾಗುವುದು. ಹಾಗೆಯೇ ಆರಾಮದಾಯಕತೆ ಹಾಗೂ ಅನುಕೂಲಕ್ಕೆ ಹೆಚ್ಚಿನ ಆದ್ಯತೆ ಕೊಡಲಾಗಿದೆ. ಉಳಿದಂತೆ ಜೆಬಿಎಲ್ ಸರೌಂಡ್ ಸಿಸ್ಟಂ, ಡೈನಾಮಿಕ್ ಬಾಗುವ ಲೈಟ್ಸ್, ಸ್ಮಾರ್ಟ್ ಹೈ ಬೀಮ್ ಸಹಾಯ, ಕ್ರೂಸ್ ಕಂಟ್ರೋಲ್, ಸ್ವಯಂಚಾಲಿತ ಬ್ರೇಕಿಂಗ್ ಹಾಗೂ 360 ಡಿಗ್ರಿ ಕ್ಯಾಮೆರಾ ಸೇವೆಯಿರಲಿದೆ.