ದೇಶದ ಪುರಾತನ ಕಾರು 'ಅಂಬಾಸಿಡರ್' ಮತ್ತೆ ಸುದ್ದಿ ಮಾಡ್ತಿದೆ !!

ಹಿಂದುಸ್ತಾನ್ ಮೋಟರ್ಸ್ ಸಿ.ಕೆ ಬಿರ್ಲಾ ಗ್ರೂಪ್ ಒಡೆತನದಲ್ಲಿ ಇತ್ತಾದರೂ ಎರಡು ಕಂಪನಿಗಳ ಒಪ್ಪಂದದ ಮೇರೆಗೆ ಈ ನಿರ್ದಾರಕ್ಕೆ ಬರಲಾಗಿದೆ. 80 ಕೋಟಿ ಮೌಲ್ಯದ ಒಪ್ಪಂದ ಇದಾಗಿದ್ದು, ಇನ್ನು ಮುಂದೆ ಪ್ಯೂಜೊ ಬ್ರಾಂಡ್ ಅಡಿಯಲ್ಲಿ ಅಂಬಾಸಿಡರ್ ಕಾರು ಬರಲಿದೆ.

"ನಾವು ಬ್ರಾಂಡ್ ನ ರಾಯಭಾರತ್ವ ಮತ್ತು ಟ್ರೇಡ್ ಮಾರ್ಕ್ ಗಳನ್ನು ಕಂಪನಿಗೆ ಮಾರಲು ಒಪ್ಪಂದ ಮಾಡಿಕೊಂಡಿದ್ದೇವೆ" ಎಂದು ಸಿ ಕೆ ಬಿರ್ಲಾ ಸಮೂಹದ ವಕ್ತರಾರು ಸ್ಪಷ್ಟ ಪಡಿಸಿದ್ದಾರೆ.

"ಒಪ್ಪಂದದಿಂದ ಬಂದ ಆದಾಯದಲ್ಲಿ ನೌಕರರ ಮತ್ತು ಸಾಲ ನೀಡಿದವರ ಬಾಕಿ ತೀರಿಸಲು ಬಳಸುವ ಸಲುವಾಗಿ ಈ ನಿರ್ದಾರಕ್ಕೆ ಬರಲಾಗಿದೆ" ಎಂದು ವಕ್ತರಾರು ಹೇಳಿದರು.

ಏಳು ದಶಕದ ಹಿಂದೆ ಮಾರಿಸ್ ಆಕ್ಸ್ ಫರ್ಡ್ ಎರಡನೇ ಸರಣಿಯ ಪರಿಷ್ಕರಣೆಯ ಭಾಗವಾಗಿ ಸಣ್ಣ ಪುಟ್ಟ ಬದಲಾವಣೆಯೊಂದಿಗೆ ಹಿಂದುಸ್ತಾನ್ ಮೋಟರ್ಸ್ ಬಿಡುಗಡೆಗೊಳಿಸಿದ ಅಂಬಾಸಿಡರ್ ಕಾರು ಮತ್ತೆ ಹಿಂತಿರುಗಿ ನೋಡಿದ್ದೇ ಇಲ್ಲ.

1980 ರ ಅವಧಿಯಲ್ಲಿ ಅಂಬಾಸಿಡರ್ ಕಾರು ಮುಟ್ಟಿದೆಲ್ಲಾ ಚಿನ್ನವಾಗತೊಡಗಿತು. ಭಾರತದ ರಸ್ತೆಗಳಲ್ಲಿ, ಆಗಿನ ಚಿತ್ರಗಳಲ್ಲಿ ಅಂಬಾಸೆಡರ್ ಕಾರಿನದೇ ಕಾರುಬಾರು.

ಹೊಸ ನೀರು ಬಂದ ಮೇಲೆ ಹಳೆ ನೀರು ಮರೆಯಾಗಲೇ ಬೇಕು ಎನ್ನುವ ಲೋಕನಿಯಮದಡಿ ಅಂಬಾಸಿಡರ್ ನ ಜನಪ್ರಿಯತೆ ಕುಂದುತ್ತಾ ಬಂದಿತು.

ಎಷ್ಟರ ಮಟ್ಟಿಗೆ ಎಂದರೆ 2013-14 ಅವಧಿಯಲ್ಲಿ ಕೇವಲ 2500 ಗಿಂತ ಕಡಿಮೆ ಕಾರುಗಳು ಮಾರಾಟವಾಗಿವೆ ಎಂದರೆ ನೀವೇ ಊಹಿಸಿಕೊಳ್ಳಿ. ಇಂತಹ ಪರಿಸ್ಥಿತಿಯಲ್ಲಿ ಪ್ಯೂಜೊ ಈ ಬ್ರಾಂಡ್ ಅನ್ನು ತನ್ನದಾಗಿಸಿಕೊಂಡಿರುವ ಉದ್ದೇಶವೇನು ಎಂಬುದು ಇನ್ನೂ ನಿಗೂಢವಾಗಿದ್ದರೂ, ಮುಂದೆ ಪ್ಯೂಜೊ ಮತ್ತೆ ಭಾರತದ ಮಾರುಕಟ್ಟೆಗೆ ಪ್ರವೇಶಿಸಲಿದೆ.