ಸ್ಪಾಟ್ ಟೆಸ್ಟಿಂಗ್ ನಡೆಸಿದ ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌

ಈ ಮಧ್ಯೆ ತಮಿಳುನಾಡು ಪಾಸಿಂಗ್ ಹೊಂದಿರುವ ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌‌ವೊಂದು‌ ಹೊಸೂರು ಬಳಿ ಕಾಣಿಸಿಕೊಂಡಿದ್ದು, ನ್ಯೂ ಜನರೇಷನ್ ಟೆಕ್ನಾಲಜಿ ಪ್ರೇರಿತ ಅಂಶಗಳನ್ನು ಹೊಸ ಮಾದರಿಯ ಫ್ಯೂಸೊ ಟ್ರಕ್‌ನಲ್ಲಿ ಪರಿಚಯಿಸಲಾಗುತ್ತಿದೆ.

ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌‌‌ಗಳು ಡಬಲ್ ರಿರ್ ಚಕ್ರಗಳನ್ನು ಹೊಂದಿದ್ದು, ಭಾರೀ ಗಾತ್ರದ ಸರಕು ಸೇವೆಗಳಿಗೆ ಅನುಕೂಲಕರವಾಗುವಂತೆ ಹೊಸ ಉತ್ಪನ್ನಗಳನ್ನು ಮಿಟ್ಸುಬಿಸಿ ಫ್ಯೂಸೊ ಟ್ರಕ್ ಆಂಡ್ ಬಸ್ ಕಾರ್ಪೋರೇಷನ್ ಸಂಸ್ಥೆಯು ಅಭಿವೃದ್ಧಿಗೊಳಿಸಿದೆ.

ಈಗಾಗಲೇ ಮಿಟ್ಸುಬಿಸಿ ಫ್ಯೂಸೊ ಟ್ರಕ್ ಆಂಡ್ ಬಸ್ ಕಾರ್ಪೋರೇಷನ್ ಸಂಸ್ಥೆಯು ಜಪಾನ್‌ ಮಾರುಕಟ್ಟೆಯಲ್ಲಿ ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌ ಬಿಡುಗಡೆಗೊಳಿಸಿದ್ದು, ಸದ್ಯ ಭಾರತದಲ್ಲೂ ಬಿಡುಗಡೆಗೊಳಿಸುವ ನಿಟ್ಟಿನಲ್ಲಿ ಹೊಸ ಮಾದರಿಗಳನ್ನು ವಿನ್ಯಾಸಗೊಳಿಸುತ್ತಿದೆ.

ಜಪಾನ್ ಬಿಡುಗಡೆಯಾಗಿರುವ ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌ ಮಾದರಿಯೂ 10.7-ಲೀಟರ್ ಸಿಕ್ಸ್ ಸಿಲಿಂಡರ್ ಡೀಸೆಲ್ ಎಂಜಿನ್ ಹೊಂದಿದ್ದು, 12-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್, ಹೊಂದಿವೆ.

ಇನ್ನು ಅಂತರ್‌ರಾಷ್ಟ್ರೀಯ ಮಟ್ಟದಲ್ಲಿ ಡೈಮ್ಲರ್ ಸಂಸ್ಥೆಯೇ ಫ್ಯೂಸೊ ಟ್ರಕ್‌ಗಳ ಉತ್ಪಾದನೆ ಉಸ್ತುವರಿ ವಹಿಸಿಕೊಂಡಿರುತ್ತದೆ. ಆದ್ರೆ ಇದೀಗ ಭಾರತದಲ್ಲಿ ಫ್ಯೂಸೊ ಬಿಡುಗಡೆಯಾಗುತ್ತಿರುವ ಹಿನ್ನೆಲೆ ಭಾರತ್ ಬೆಂಝ್ ಸಂಸ್ಥೆಯು ಹೊಸ ಟ್ರಕ್ ಬಿಡುಗಡೆಯ ಹೊಣೆ ಹೊತ್ತಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಉತ್ತಮ ಕಾರ್ಯಕ್ಷಮತೆ ಟ್ರಕ್ ಮಾದರಿಗಳಿಗೆ ಭಾರತದಲ್ಲಿ ಭಾರೀ ಬೇಡಿಕೆಯಿದ್ದು, ಈ ನಿಟ್ಟಿನಲ್ಲಿ ಸೂಪರ್ ಗ್ರೇಟ್ ಫ್ಯೂಸೊ ಟ್ರಕ್‌‌ ಬಿಡುಗಡೆಯಾಗುತ್ತಿರುವುದು ಭಾರೀ ಗಾತ್ರದ ಸರಕು ಸಾಗಾಟ ಪ್ರಕ್ರಿಯೆಗಳಿಗೆ ಸಹಕಾರಿಯಾಗಲಿವೆ.