ಜೀಪ್ ಕಂಪಾಸ್‌ಗೆ ಪ್ರತಿಸ್ಪರ್ಧಿಯಾಗುತ್ತಾ ಫಿಯೆಟ್ ಹೊಸ ಎಸ್‌ಯುವಿ?

ಎಸ್‌ಯುವಿ ಕಾರು ಮಾದರಿಗಳಿಗೆ ದೇಶಿಯ ಮಾರುಕಟ್ಟೆ ಅತ್ಯುತ್ತಮ ಬೇಡಿಕೆಯಿದ್ದು, ಈ ನಿಟ್ಟಿಯಲ್ಲಿ ಫಿಯೆಟ್ ಸಂಸ್ಥೆ ಕೂಡಾ ಜೀಪ್ ಕಂಪಾಸ್ ಎಸ್‌ಯುವಿಗೆ ಹೋಲುವ ಕಾರು ಮಾದರಿಯನ್ನು ಬಿಡುಗಡೆಗೊಳಿಸುತ್ತಿರುವುದು ಭಾರೀ ಚರ್ಚೆಗೆ ಕಾರಣವಾಗಿದೆ.

ಫಿಯೆಟ್ ನಿರ್ಮಾಣದ ಮತ್ತೊಂದು ಬಹುನೀರಿಕ್ಷಿತ ಪುಂಟೊ ಸೆಡಾನ್ ಕಾರು ಸದ್ಯದಲ್ಲೇ ಬಿಡುಗಡೆಯಾಗುತ್ತಿದ್ದು, ಈ ಹಿನ್ನೆಲೆ ಹೊಸ ಮಾದರಿಯ ಎಸ್‌ಯುವಿ ಬಿಡುಗಡೆಯು ವಿಳಂಬವಾಗುತ್ತಿದೆ ಎನ್ನಲಾಗಲಿದೆ.

ಹೀಗಾಗಿ 2018ರ ಜನವರಿ ಇಲ್ಲವೇ ಫೆಬ್ರುವರಿ ಅಂತ್ಯಕ್ಕೆ ಬಿಡುಗಡೆಯಾಗುವ ಬಗ್ಗೆ ಸುಳಿವು ಸಿಕ್ಕಿದ್ದು, ಹೊರ ವಿನ್ಯಾಸಗಳು ನೇರವಾಗಿ ಜೀಪ್ ಕಂಪಾಸ್ ಮಾದರಿಗಳನ್ನೇ ಹೊಲುತ್ತಿರುವುದು ಮತ್ತೊಂದು ವಿಶೇಷತೆ ಕಾರಣವಾಗಿದೆ.

ಇನ್ನು ಗ್ರಾಹಕರ ಬೇಡಿಕೆಯಂತೆ ಪೆಟ್ರೋಲ್ ಮತ್ತು ಡಿಸೇಲ್ ಎರಡು ಆವೃತ್ತಿಯಲ್ಲೂ ಫಿಯೆಟ್ ಎಸ್‌ಯುವಿ ಬಿಡುಗಡೆ ಮಾಡಲಾಗುತ್ತಿದ್ದು, ಪೆಟ್ರೋಲ್ ಆವೃತ್ತಿಯು 1.8-ಲೀಟರ್ ಎಂಜಿನ್ ಮತ್ತು ಡಿಸೇಲ್ ಆವೃತ್ತಿಯು 2.0-ಲೀಟರ್ ಎಂಜಿನ್ ಹೊಂದಿರಲಿದೆ ಎಂಬ ಮಾಹಿತಿ ದೊರೆತಿದೆ.

ಜೊತೆಗೆ ಡೀಸೆಲ್ ಆವೃತ್ತಿಯು 170-ಬಿಎಚ್‌ಪಿ ಮತ್ತು ಪೆಟ್ರೋಲ್ ಆವೃತ್ತಿಯು 138-ಬಿಎಚ್‌ಪಿ ಉತ್ಪಾದನಾ ಶಕ್ತಿ ಹೊಂದಿದ್ದು, ಆಲ್ ವಿಲ್ಹ್ ಡ್ರೈವಿಂಗ್ ಸೌಲಭ್ಯದ ಜೊತೆಗೆ 6-ಸ್ಪೀಡ್ ಮ್ಯಾನುವಲ್ ಹಾಗೂ 9-ಸ್ಪೀಡ್ ಆಟೋ ಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿದೆ.

ಇದರ ಜೊತೆಗೆ 5-ಇಂಚಿನ ಯು ಕನೆಕ್ಟ್ ಇನ್ಪೋಟೈನ್‌ಮೆಂಟ್ ಸ್ಟಿಸ್ಟಂ ಹಾಗೂ ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾ, ಪನೊರಾಮಿಕ್ ಸನ್‌ರೂಫ್ ಜೊತೆಗೆ ಹೆಚ್ಚಿನ ಸುರಕ್ಷತೆಗೆ 7 ಏರ್‌ಬ್ಯಾಗ್ ಸೌಲಭ್ಯವನ್ನು ಕಲ್ಪಿಸಲಾಗಿದೆ.

ಒಟ್ಟಿನಲ್ಲಿ ಜೀಪ್ ಕಂಪಾಸ್ ವೈಶಿಷ್ಟ್ಯತೆಗಳನ್ನು ಹೊತ್ತುಬರುತ್ತಿರುವ ಫಿಯೆಟ್ ಎಸ್‌ಯುವಿ ಕಾರು ಈಗಾಗಲೇ ಆಟೋ ಉದ್ಯಮದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದು, ಐಷಾರಾಮಿ ಪುಂಟೊ ಸೆಡಾನ್ ಬಿಡುಗಡೆಗಡೆ ನಂತರವಷ್ಟೇ ಎಸ್‌ಯುವಿ ಕಾರು ಬಿಡುಗಡೆಯಾಗಲಿದೆ.