ಬೆಂಗಳೂರಿನಲ್ಲಿ ಬಿಡುಗಡೆಗೊಂಡ ಹೋಂಡಾ WR-V ಕಾರು: ಬೆಲೆ ಮತ್ತು ವಿವರ ಇಲ್ಲಿದೆ

ಭಾರತ ದೇಶದ ರಾಜಧಾನಿ ದೆಹಲಿಯಲ್ಲಿ ಕೇವಲ ಐದು ದಿನಗಳ ಹಿಂದೆ ಬಿಡುಗಡೆಗೊಂಡು ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿರುವ ಬೆನ್ನಲೇ ಹೋಂಡಾ ಕಂಪನಿ ಹೋಂಡಾ ಡಬ್ಲ್ಯುಆರ್-ವಿ ಕಾರನ್ನು ಬೆಂಗಳೂರಿನಲ್ಲಿಯೂ ಬಿಡುಗಡೆಗೊಳಿಸಿ ಪ್ರಕಟಣೆ ಹೊರಡ

By Girish

Published: Tuesday, March 21, 2017, 12:41 [IST]

ಕ್ರೀಡಾ ಬಳಕೆಯ ವಾಹನದ ಅಂಶಗಳನ್ನು ಒಳಗೊಂಡಿರುವ ಹೋಂಡಾ ಡಬ್ಲ್ಯೂಆರ್-ವಿ ಕಾರು ಬೆಂಗಳೂರಿನಲ್ಲಿ ಬಿಡುಗಡೆಗೊಂಡಿದ್ದು, ಕಾರಿನ ಬೆಲೆ ರೂ. ರೂ. 7,90,500 ಲಕ್ಷ( ಎಕ್ಸ್ ಷೋ ರೂಂ ಬೆಂಗಳೂರು) ನಿಗದಿಪಡಿಸಲಾಗಿದೆ.

ಬೆಂಗಳೂರಿನಲ್ಲಿ ಬಿಡುಗಡೆಗೊಂಡ ಹೋಂಡಾ WR-V ಕಾರು: ಬೆಲೆ ಮತ್ತು ವಿವರ ಇಲ್ಲಿದೆ

ಮೂರು ವಾರಗಳ ಹಿಂದೆ ಹೋಂಡಾ ಕಂಪನಿಯು ಈ ಕಾರನ್ನು ಗ್ರಾಹಕರಿಗೆ ಬುಕ್ ಮಾಡಲು ಅನುವು ಮಾಡಿಕೊಟ್ಟ ದಿನದಿಂದ ಇಲ್ಲಿಯವರೆಗೆ 1000ಕ್ಕೂ ಹೆಚ್ಚು ಕಾರುಗಳು ಬುಕ್ ಆಗುವ ಮೂಲಕ ಯಶಸ್ವಿ ಕಾರುಗಳ ಪಟ್ಟಿಗೆ ಸೇರ್ಪಡೆಗೊಂಡಿದೆ.

ಹೊಚ್ಚ ಹೊಸ ಹೋಂಡಾ ಡಬ್ಲ್ಯೂಆರ್-ವಿ ಕಾರು16-ಇಂಚಿನ ಅಲಾಯ್ ಚಕ್ರಗಳನ್ನು ಪಡೆದುಕೊಂಡಿದ್ದು, ಪ್ರಸಕ್ತ ಗ್ರಾಹಕರ ಬೇಡಿಕೆಗಳಿಗೆ ಸರಿ ಹೊಂದುವಂತಹ ವಿನ್ಯಾಸ ಹೊಂದಿದೆ.

ವಿನೂತನ ಹೋಂಡಾ ಕ್ರಾಸ್ ಓವರ್ ಡಬ್ಲ್ಯೂಆರ್-ವಿ ಕಾರು 1.2-ಲೀಟರ್ ಪೆಟ್ರೋಲ್ ಎಂಜಿನ್ ಹಾಗು 1.5-ಲೀಟರ್ ಡೀಸೆಲ್ ಎಂಜಿನ್ ಎಂಬ ಎರಡು ಮಾದರಿಗಳಲ್ಲಿ ಲಭ್ಯವಿದೆ.

ಹೋಂಡಾ ಕಂಪನಿಯ ಜಾಝಿ ಮತ್ತು ಸಿಟಿ ಕಾರಿಗೆ ಹೋಲಿಸಿದರೆ, ಹೋಂಡಾ ಡಬ್ಲ್ಯೂಆರ್-ವಿ ಕಾರು ಹೆಚ್ಚು ಎತ್ತರವಾಗಿದ್ದು, ಅಗಲವಾದ ಕಾರು ಎನ್ನಿಸಿಕೊಂಡಿದೆ.

ಕಾರಿನ ಒಳಭಾಗದಲ್ಲಿ, 7-ಇಂಚಿನ್ ಟಚ್ ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಡಿಸ್‌ಪ್ಲೈ ಮತ್ತು ನೆವಿಗೆಶನ್ ಹೊಂದಿದೆ. ವೈ-ಫೈ, ಬ್ಲೂಟೂತ್ ಕನೆಕ್ಟಿವಿಟಿ, ಒಂದು HDMI ಪೋರ್ಟ್, 1.5 ಜಿಬಿ ಇಂಟರನಲ್ ಮೆಮೊರಿ, ಎರಡು USB ಸ್ಲಾಟ್ ಮತ್ತು ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ ಸೌಲಭ್ಯಗಳನ್ನು ಇರಿಸಲಾಗಿದೆ.

ಬೆಂಗಳೂರಿನಲ್ಲಿ ಅಮೋಘವಾಗಿ ಬಿಡುಗಡೆಗೊಂಡಿರುವ ಈ ಹೋಂಡಾ ಡಬ್ಲ್ಯೂಆರ್-ವಿ ಕಾರು, ಎಲ್‌ಇಡಿ ಡಿಆರ್‌ಎಸ್ ಹೆಡ್‌ಲ್ಯಾಂಪ್ ವ್ಯವಸ್ಥೆ ಹೊಂದಿದ್ದು, ರಾತ್ರಿ ಪ್ರಯಾಣದ ಕ್ಲಿಷ್ಟತೆಯನ್ನು ಕಡಿಮೆಗೊಳಿಸಿದೆ.

ವಿನೂತನ ಹೊರ ವಿನ್ಯಾಸ ಹೊಂದಿರುವ ಈ ಕ್ರಾಸ್ ಓವರ್ ಹೋಂಡಾ ಡಬ್ಲ್ಯುಆರ್-ವಿ ಕಾರು, ಎಸ್, ಎಸ್(ಡೀಸೆಲ್), ವಿಎಕ್ಸ್ , ವಿ ಎಕ್ಸ್(ಡೀಸೆಲ್) ಎಂಬ ನಾಲ್ಕು ವಿವಿಧ ವಿಧಗಳಲ್ಲಿ ಬಿಡುಗೆಡೆಗೊಂಡಿದೆ.

ಹೋಂಡಾ ಡಬ್ಲ್ಯೂಆರ್-ವಿ ಕಾರಿನ ಬೆಲೆ (ಎಕ್ಸ್ ಷೋ ರೂಂ ಬೆಂಗಳೂರು)

ಎಸ್ ಆವೃತಿ - ರೂ. 7.9 ಲಕ್ಷ

ಎಸ್ ಡೀಸೆಲ್ - ರೂ. 8.94 ಲಕ್ಷ

ವಿಎಕ್ಸ್ - ರೂ. 9.14 ಲಕ್ಷ

ವಿಎಕ್ಸ್‌ ಡೀಸೆಲ್ - ರೂ. 10.15 ಲಕ್ಷ

ಹೋಂಡಾ ಕಂಪನಿಯ ಮತ್ತೊಂದು ಕಾರು 'ಜಾಝ್' ಕಾರಿನ ಕ್ರೇಸ್ಓವರ್ ಮಾದರಿಯನ್ನು ಮತ್ತಷ್ಟು ಅಂದಗೊಳಿಸಿ ಮತ್ತು ಹೆಚ್ಚು ತಂತ್ರಜ್ಞಾನದೊಂದಿಗೆ ಹೋಂಡಾ ಡಬ್ಲ್ಯೂಆರ್-ವಿ ಕಾರನ್ನು ಬೆಂಗಳೂರಿನಲ್ಲಿ ಅನಾವರಣಗೊಳಿಸಿದೆ.

5-ಸ್ಪೀಡ್ ಮ್ಯಾನುವಲ್ ಹಾಗು 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಹೊಂದಿರುವ ಈ ಕಾರು, ಪ್ರತಿ ಲೀಟರ್ ಪೆಟ್ರೋಲಿಗೆ 17.5 ಕಿಲೋ ಮೀಟರ್ ಹಾಗೂ ಪ್ರತಿ ಲೀಟರ್ ಡೀಸೆಲ್ ಇಂಧನಕ್ಕೆ 25.5 ಕಿ.ಲೋ ಮೈಲೇಜ್ ನೀಡಲಿದೆ.