ಭಾರತ ನಿರ್ಮಿತ ಫೋಕ್ಸ್‌ವ್ಯಾಗನ್ ವೆಂಟೊ ಕಾರು ವಿದೇಶಗಳಲ್ಲಿ ದಾಖಲೆ ಮಾರಾಟ

ಫೋಕ್ಸ್‌ವ್ಯಾಗನ್ ಇಂಡಿಯಾ ತನ್ನ ಪ್ರಸಿದ್ಧ ಎಡ ಬದಿ ಚಾಲನೆ ಮಾಡುವ ಕಾರುಗಳಾದ ಪೋಲೊ ಮತ್ತು ವೆಂಟೊ ಕಾರುಗಳನ್ನು ಮೆಕ್ಸಿಕೊ ದೇಶಕ್ಕೆ ಹೆಚ್ಚು ರಫ್ತು ಮಾಡುತ್ತಿದ್ದು, ಈ ಕಾರುಗಳು ಹೆಚ್ಚಿನ ಬೇಡಿಕೆ ಪಡೆದುಕೊಂಡಿರುವ ಕಾರಣದಿಂದಾಗಿ ಕಂಪನಿ ಪೂರೈಕೆಯನ್ನು ಹೆಚ್ಚಿಸಿದೆ.

ಭಾರತದಲ್ಲಿ ನಿರ್ಮಿಸಿದ ಫೋಕ್ಸ್‌ವ್ಯಾಗನ್ ವೆಂಟೊ ಪ್ರಯಾಣಿಕ ಕಾರು ಮೆಕ್ಸಿಕೊ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾದ ಕಾರು ಎಂಬ ಖ್ಯಾತಿ ಪಡೆದಿದ್ದು, ಇಲ್ಲಿಯವರೆಗೆ 2,10,000 ಕಾರುಗಳು ಮಾರಾಟಗೊಂಡಿವೆ.

ಪ್ರಸಿದ್ಧ ಕಾರು ತಯಾರಕ ಸಂಸ್ಥೆಯಾದ ಫೋಕ್ಸ್‌ವ್ಯಾಗನ್ ಪುಣೆ ಘಟಕದಲ್ಲಿ ನಿರ್ಮಿಸಿದ ಕಾರುಗಳನ್ನು ಕಳೆದ ನಾಲ್ಕು ವರ್ಷಗಳಿಂದ ಮೆಕ್ಸಿಕೊ ದೇಶಕ್ಕೆ ರಫ್ತು ಮಾಡುತ್ತಿದ್ದು, ಅತಿ ಕಡಿಮೆ ಸಮಯದಲ್ಲಿ ದೊಡ್ಡ ಧಾಖಲೆ ನಿರ್ಮಿಸಿದೆ.

ಫೋಕ್ಸ್‌ವ್ಯಾಗನ್ ಕಂಪನಿ ಇಲ್ಲಿಯವರಿಗೆ ಉತ್ತರ ಅಮೆರಿಕಾ, ದಕ್ಷಿಣ ಅಮೆರಿಕಾ, ಆಫ್ರಿಕಾ ಮತ್ತು ಏಷ್ಯಾ ಖಂಡಗಳಲ್ಲಿ ಇರುವಂತಹ 35 ದೇಶಗಳಿಗೆ ಭಾರತ ನಿರ್ಮಿತ ಕಾರುಗಳನ್ನು ರಫ್ತು ಮಾಡುತ್ತಿದೆ. ಕಂಪನಿ ಇಲ್ಲಿಯವರೆಗೆ 3,10,000ಕ್ಕೂ ಹೆಚ್ಚು ಕಾರುಗಳನ್ನು ಈ ನಾಲ್ಕು ಖಂಡಗಳಿಗೆ ರಫ್ತು ಮಾಡಿದೆ.

ಮೆಕ್ಸಿಕನ್ ಮಾರುಕಟ್ಟೆಯಲ್ಲಿ ಜೆಟ್ಟಾ ಕ್ಲಾಸಿಕ್ ಕಾರಿಗೆ ಬದಲಾಗಿ ಬಿಡುಗಡೆಗೊಳಿಸಿದ ವಿ.ಡಬ್ಲ್ಯೂ ವೆಂಟೊ ಕಾರು ತನ್ನ ವಿನ್ಯಾಸ, ದೃಢವಾದ ಬೆಳವಣಿಗೆ, ಅತ್ಯಧಿಕ ಸುರಕ್ಷತಾ ಮಾನದಂಡಗಳಿಂದಾಗಿ ಅತಿ ಕಡಿಮೆ ಸಮಯದಲ್ಲಿ ಹೆಚ್ಚು ಪ್ರಖ್ಯಾತಿ ಪಡೆದುಕೊಂಡಿದೆ.

ಫೋಕ್ಸ್‌ವ್ಯಾಗನ್ ಸಂಸ್ಥೆಯ ಪುಣೆ ಘಟಕ ಹೆಚ್ಚು ಸೌಲಭ್ಯಗಳನ್ನು ಹೊಂದಿದ್ದು, ಸದ್ಯ ರೂ 5,720 ಕೋಟಿ ಬೆಳೆಯಷ್ಟು ಬಂಡವಾಳ ತೊಡಗಿಸಲಾಗಿದೆ. ಈ ಘಟಕವು ಶೇಕಡಾ 82 %ರಷ್ಟು ಸ್ಥಳೀಕರಣ ಮಟ್ಟ ಗಳಿಸಿಕೊಂಡಿದೆ.

ಫೋಕ್ಸ್‌ವ್ಯಾಗನ್ ಕಂಪನಿಯು ಮೇಕ್ ಇನ್ ಇಂಡಿಯಾ ಪ್ರಯೋಜನಗಳನ್ನು ಸರಿಯಾದ ರೀತಿಯಲ್ಲಿ ಉಪಯೋಗಿಸಿಕೊಂಡು ಹೆಚ್ಚು ಲಾಭ ಪಡೆದುಕೊಂಡಿದೆ. ಭಾರತ ನಿರ್ಮಿತ ಕಾರೊಂದು ಈ ಮಟ್ಟದಲ್ಲಿ ಪ್ರಖ್ಯಾತಿ ಪಡೆದುಕೊಡಿರುವುದು ಭಾರತದ ಹೆಮ್ಮೆಯ ವಿಚಾರವಾಗಿದೆ.