ಜನವರಿಯಿಂದ ನಮ್ಮ ವಾಹನಗಳ ಬೆಲೆ ಹೆಚ್ಚಿಸಲಿದ್ದೇವೆ; ಟೊಯೊಟಾ ಮೋಟರ್ಸ್

ಭಾರತದಲ್ಲಿ ಟೊಯೊಟಾ ಕಂಪನಿಯು ತನ್ನದೇ ರೀತಿಯ ಅಭಿಮಾನಿ ಬಳಗವನ್ನು ಪಡೆದುಕೊಂಡಿದೆ. ಈಗ ಸಂಸ್ಥೆಯು ತನ್ನ ಎಲ್ಲಾ ವಾಹನಗಳ ಬೆಲೆಯನ್ನು ಮುಂಬರುವ 2018ರಿಂದ ಶೇಕಡಾ ಮೂರರಷ್ಟು ಹೆಚ್ಚಿಸಲಿದೆ. ಹೆಚ್ಚುತ್ತಿರುವ ಬಿಡಿಭಾಗಗಳ ಉಪಯೋಗ ಮತ್ತು ಸರಕು ವೆಚ್ಚವನ್ನು ಆಧರಿಸಿ ಬೆಲೆ ಹೆಚ್ಚಳ ಮಾಡಲು ನಿರ್ಧರಿಸಲಾಗಿದೆ.

ಪ್ರಸ್ತುತ, ಕಂಪನಿಯು ಭಾರತದಲ್ಲಿ ಇಟಿಯೋಸ್ ಲಿವಾ ಮತ್ತು ಇಟಿಯೋಸ್ ಸೆಡಾನ್, ಕರೋಲಾ ಆಲ್ಟಿಸ್, ಕ್ಯಾಮ್ರಿ ಹೈಬ್ರಿಡ್, ಫಾರ್ಚುನರ್ ಎಸ್‌ಯುವಿ, ಇನ್ನೊವಾ ಕ್ರಿಸ್ಟ ಎಂಪಿವಿ, ಲ್ಯಾಂಡ್ ಕ್ರೂಸರ್ ಶ್ರೇಣಿ ಮತ್ತು ಪ್ರಯಸ್ ಹೈಬ್ರಿಡ್‌ಗಳನ್ನು ಒಳಗೊಂಡಿದೆ.

ಸದ್ಯದ ಮಾಹಿತಿ ಪ್ರಕಾರ, ಜನವರಿ ತಿಂಗಳಿನಿಂದ ಪ್ರವೇಶ ಮಟ್ಟದ ಇಟಿಯೋಸ್ ಲಿವಾ ಕಾರು ಈಗಿರುವ ಬೆಲೆಗಿಂತ ಸುಮಾರು ರೂ.16 ಸಾವಿರ ಹೆಚ್ಚಳವಾಗಲಿದೆ ಮತ್ತು ಫಾರ್ಚುನರ್ ಎಸ್‌ಯುವಿ ಕಾರು ರೂ.81 ಸಾವಿರ ಹೆಚ್ಚಳವಾಗಲಿದೆ.

ನೀವೇನಾದರೂ ಟೊಯೊಟಾ ಕಾರನ್ನು ಖರೀದಿಸಲು ನಿರ್ಧರಿಸಿದ್ದರೆ, ಈ ವರ್ಷದಲ್ಲಿಯೇ ಕಾರನ್ನು ಕೊಂಡುಕೊಳ್ಳುವುದು ಉತ್ತಮ. ಟೊಯೊಟಾ ವರ್ಷಾಂತ್ಯದ ಕೊಡುಗೆಗಳನ್ನು ಈಗಾಗಲೇ ಘೋಷಣೆ ಮಾಡಿದೆ. ಈ ಕೊಡುಗೆಗಳನ್ನು ಬಳಸಿಕೊಂಡು ಗ್ರಾಹಕರು ತಮ್ಮ ನೆಚ್ಚಿನ ಕಾರುಗಳನ್ನು ಖರೀದಿಸಬಹುದಾಗಿದೆ.

ಟೊಯೊಟಾ ಕಂಪನಿಯು ಈ ತಿಂಗಳ ಮೊದಲ ವಾರ 'ರಿಮೆಂಬರ್ ಡಿಸೆಂಬರ್' ಎಂಬ ಹೆಸರಿನ ಕ್ಯಾಂಪೇನ್ ಪ್ರಾರಂಭಿಸಿದ್ದು, ಇದರ ಮೂಲಕ ಗ್ರಾಹಕರು ಶೇಕಡಾ 100% ರಷ್ಟು ಆನ್‌ಲೈನ್ ಹಣಕಾಸು ಸೌಕರ್ಯ, ಕೇವಲ 4.99% ರಷ್ಟು ವಿಶೇಷ ಬಡ್ಡಿ ದರ ಮತ್ತು ವಿಶೇಷ ಇಎಂಐ ಪ್ಯಾಕೇಜ್ ಪಡೆದುಕೊಳ್ಳಬಹುದು.

ಸರ್ಕಾರಿ ಮತ್ತು ಕಾರ್ಪೋರೆಟ್ ಉದ್ಯೋಗಿಗಳಿಗೆ ರೂ.40,000 ರಿಂದ 90,000 ವರೆಗಿನ ಮಾದರಿಯನ್ನು ಆದರಿಸಿ ಪ್ರಯೋಜನಗಳನ್ನು ನೀಡುವ ಯೋಜನೆಯನ್ನೂ ಸಹ ಟೊಯೊಟಾ ಹೊಂದಿದೆ. ಈ ವಿಶೇಷ ಕೊಡುಗೆಗಳು ಈ ವರ್ಷದ ಡಿಸೆಂಬರ್ 31 ವರೆಗೆ ಮಾತ್ರ ಮಾನ್ಯವಾಗಿರುತ್ತವೆ.

ಎಲ್ಲಾ ಕಂಪನಿಗಳು ಸುಮ್ಮನಿರುವಾಗ ಟೊಯೊಟಾ ಕಂಪನಿ ಮಾತ್ರ ಏಕೆ ತನ್ನ ಉತ್ಪನ್ನಗಳ ಬೆಲೆ ಹೆಚ್ಚಿಸಿದೆ ? ಎಂದು ನೀವೇನಾದರೂ ಕೇಳಿದರೆ, ಖಂಡಿತ ನಿಮ್ಮ ಊಹೆ ತಪ್ಪು. ಟೊಯೊಟಾ ಕಂಪನಿಯ ಜೊತೆ ಸ್ಕೋಡಾ, ಇಸುಸು ಮತ್ತು ಹೋಂಡಾ ಕಂಪನಿಗಳೂ ಸಹ ತಮ್ಮ ಕಾರುಗಳ ಬೆಲೆಗಳನ್ನು ಭಾರತದಲ್ಲಿ ಹೆಚ್ಚಿಸಲಿವೆ.

ಮುಂಬರುವ ದಿನಗಳಲ್ಲಿ ಇತರ ವಾಹನ ತಯಾರಕ ಕಂಪನಿಗಳು ಮೇಲಿನ ಕಂಪನಿಗಳ ನಿರ್ಧಾರನ್ನು ಕೈಗೊಳ್ಳುವ ನಿರೀಕ್ಷೆ ಇದೆ. ಆದ್ದರಿಂದ, ನೀವೇನಾದರೂ ಕಾರು ಖರೀದಿಸಲು ಯೋಜಿಸುತ್ತಿದ್ದರೆ, ಇದು ಸೂಕ್ತ ಸಮಯ.

Trending articles in DriveSpark Kannada;

ಬೆಂಗಳೂರಿನ ಪ್ರತಿಷ್ಠಿತ ಮಾರುತಿ ಸರ್ವಿಸ್ ಸ್ಟೇಷನ್ ಕರ್ಮಕಾಂಡ ಬಯಲು ಮಾಡಿದ ಗ್ರಾಹಕ !! ವಿಡಿಯೋ

ಬರೋಬ್ಬರಿ 3 ಮರ್ಸಿಡಿಸ್ ಐಷಾರಾಮಿ ಕಾರುಗಳನ್ನು ಯಶ್ ಖರೀದಿಸಿದ್ದು ಏಕೆ ಗೊತ್ತೆ ?

ಮಾಡಿದ ತಪ್ಪಿಗೆ ರೂ.1.61 ಲಕ್ಷ ದಂಡ ಪಾವತಿ ಮಾಡಿದ ಮಾರುತಿ ಸುಜುಕಿ

ಯಾಕ್ರಿ ಲಂಚ ಕೊಡ್ತಿರಾ? ಇನ್ಮುಂದೆ ಸುಲಭದಲ್ಲೇ ಸಿಗಲಿದೆ ಡ್ರೈವಿಂಗ್ ಲೈಸೆನ್ಸ್..!!