2019ರ ಹೊತ್ತಿಗೆ ಫೋಕ್ಸ್‌ವ್ಯಾಗನ್ ಕಾರುಗಳು ಪರಸ್ಪರರ ಮಾತನಾಡಿಕೊಳ್ಳುತ್ತವೆ

ಇತ್ತೀಚಿಗೆ ಅಟೋದ್ಯಮದಲ್ಲಿ ಅದ್ಯಾಧುನಿಕ ತಂತ್ರಜ್ಞಾನದ ಆವಾಹನೆ ಹೆಚ್ಚಾಗಿದ್ದು, ಇದಕ್ಕೆ ಉದಾಹರಣೆ ಎಂಬಂತೆ ಫೋಕ್ಸ್‌ವ್ಯಾಗನ್ ಆಟೋನಮಸ್ ತಂತ್ರಜ್ಞಾನವನ್ನು ಪರಿಚಯಿಸಲು ಮುಂದಾಗಿದ್ದು, ಈ ತಂತ್ರಜ್ಞಾನದಿಂದಾಗಿ ಕಾರುಗಳು ವಿಚಾರ ವಿನಿಮಯ ಮಾಡಿಕೊಳ್ಳಲಿವೆ.

ಈ ವಿಚಾರ ಖಂಡಿತ ನಮ್ಮೆಲರಿಗೂ ಆಶ್ಚರ್ಯ ಉಂಟು ಮಾಡಲಿದೆ, ಏನಪ್ಪಾ ಇದು ಕಾರುಗಳು ಮಾತನಾಡಿಕೊಳ್ಳಲಿವೆಯೇ ? ಎಂದು ನೀವೇನಾದ್ರು ಕೇಳುದ್ರೆ, ಖಂಡಿತ 'ಹೌದು' ಎನ್ನುವ ಉತ್ತರವನ್ನು ಫೋಕ್ಸ್‌ವ್ಯಾಗನ್ ನೀಡಲಿದೆ.

ಫೋಕ್ಸ್‌ವ್ಯಾಗನ್ ಸಂಸ್ಥೆಯು pWLAN ತಂತ್ರಜ್ಞಾನನ್ನು ಕಾರಿನಲ್ಲಿ ಅಳವಡಿಸಲು ಮುಂದಾಗಿದ್ದು, ಈ ತಂತ್ರಜ್ಞಾನದ ಮೂಲಕ 500 ಮೀಟರ್ ಅಂತರದೊಳಗೆ ಕಾರುಗಳು ಮಾಹಿತಿಯನ್ನು ಹಂಚಿಕೊಳ್ಳಲಿವೆ.

ಎಚ್ಚರಿಕೆಯ ಗಂಟೆ , ಸಂಚಾರ ವ್ಯವಸ್ಥೆ ಮತ್ತು ರಸ್ತೆ ಪರಿಸ್ಥಿತಿಗಳ ಬಗ್ಗೆ ಸಂವಹನ ಮಾಡಬಹುದಾದ ತಂತ್ರಜ್ಞಾನವನ್ನು ಈ ಕಾರು ಹೊಂದಿರಲಿದ್ದು, ಇದರಿಂದಾಗಿ ಮುಂದಾಗುವ ಹಲವು ರೀತಿಯ ಅಪಾಯಗಳನ್ನು ತಡೆಗಟ್ಟಲು ಸಹಾಯವಾಗಲಿದೆ.

ಆರಂಭದಲ್ಲಿ, ಎಚ್ಚರಿಕೆ ಮತ್ತು ಸ್ಥಳೀಯ ಮಾಹಿತಿಗೆ ಸೀಮಿತಗೊಳಿಸಲಿದ್ದು, ಮುಂದಿನ ಹಂತಗಳಲ್ಲಿ ನೈಜ ಸಮಯದ ಟ್ರಾಫಿಕ್ ಸ್ಥಿತಿಯಂತಹ ಮಾಹಿತಿ ವಿನಿಮಯಕ್ಕೆ ತಂತ್ರಜ್ಞಾನವನ್ನು ವಿಸ್ತರಿಸಬಹುದಾಗಿದೆ.

ಈ ವ್ಯವಸ್ಥೆಯನ್ನು ಸ್ಥಳೀಕರಿಸಲಾಗಿದ್ದು, ಇದರಿಂದಾಗಿ ಡೇಟಾ ಸಂಗ್ರಹಣೆ ಅಥವಾ ನೆಟ್‌ವರ್ಕ್ ಕವರೇಜ್ ಅಗತ್ಯತೆಯನ್ನು ನಿವಾರಿಸುತ್ತದೆ. PWLAN ತಂತ್ರಜ್ಞಾನವನ್ನು ಪಡೆದುಕೊಂಡಿರುವ ಎಲ್ಲಾ ಕಾರುಗಳು ಸಹ ಪರಸ್ಪರ ಸಂವಹನ ಮಾಡಬಹುದು ಎಂದು ಸಂಸ್ಥೆ ತಿಳಿಸಿದೆ.