ವಿಶ್ವ ದರ್ಜೆಯ ರಸ್ತೆಗಳಾಗಿ ಬದಲಾಗಲಿವೆ ದೆಹಲಿ ರಸ್ತೆಗಳು

ದೆಹಲಿಯ ಎಲ್ಲಾ 500 ಕಿ.ಮೀ ರಸ್ತೆಗಳನ್ನು ಅಂತರರಾಷ್ಟ್ರೀಯ ಮಾನದಂಡಗಳ ಪ್ರಕಾರ ಮರುವಿನ್ಯಾಸಗೊಳಿಸಲಾಗುವುದೆಂದು ಕ್ರೇಜ್ರಿವಾಲ್ ಹೇಳಿದರು. ಈ ಯೋಜನೆಯಲ್ಲಿ ಚಾಂದನಿ ಚೌಕ್‌ಗೆ ಹೋಗುವ ಮುಖ್ಯ ರಸ್ತೆಯನ್ನು ಮೂಲವಾಗಿಸಲಾಗುವುದು. ಕೇಜ್ರಿವಾಲ್ ರವರು ಮೂರು ವಾರಗಳಲ್ಲಿ ವಿವರವಾದ ಯೋಜನೆಯನ್ನು ಮಂಡಿಸುವಂತೆ ಲೋಕೋಪಯೋಗಿ ಇಲಾಖೆಗೆ ಸೂಚಿಸಿದ್ದಾರೆ.

ದೆಹಲಿಯು, ಬೇರೆ ದೇಶಗಳ ರಾಜಧಾನಿಯಂತೆ ಅಭಿವೃದ್ಧಿಯಾಗಬೇಕು. ಇದರಿಂದ ಪ್ರಪಂಚದ ಮುಂದೆ ದೆಹಲಿ ಚಿತ್ರಣವೇ ಬದಲಾಗಲಿದೆ. ದೆಹಲಿಯ ರಸ್ತೆಗಳನ್ನು ಸುಧಾರಿಸಲು ಸರ್ಕಾರವು ನಿರಂತರವಾಗಿ ಶ್ರಮಿಸುತ್ತಿದೆ ಎಂದು ಅವರು ಹೇಳಿದರು.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ದೆಹಲಿಗೆ ಪ್ರತಿವರ್ಷ ವಲಸೆ ಹೋಗುವವರ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ದೆಹಲಿಯ ರಸ್ತೆಗಳ ಹೊರೆ ಗಣನೀಯವಾಗಿ ಹೆಚ್ಚುತ್ತಿದೆ. ಈ ಕಾರಣಕ್ಕೆ ರಸ್ತೆಗಳನ್ನು ವಿಸ್ತರಿಸುವ ಅಗತ್ಯವಿದೆ. ರಸ್ತೆಗಳ ಸ್ಥಿತಿ ಸುಧಾರಿಸಲು ಹೊಸ ಟೆಕ್ನಾಲಜಿಗಳನ್ನು ಅಳವಡಿಸಿಕೊಳ್ಳಲಾಗುತ್ತಿದೆ ಎಂದು ಅವರು ಹೇಳಿದರು.

ರಸ್ತೆಗಳನ್ನು ವಿಸ್ತರಿಸುವುದರ ಜೊತೆಗೆ ಪರಿಸರದ ಬಗ್ಗೆಯೂ ಕಾಳಜಿ ವಹಿಸಲಾಗುತ್ತಿದೆ ಎಂದು ಕೇಜ್ರಿವಾಲ್ ಹೇಳಿದರು. ವಿಸ್ತರಿಸಿದ ರಸ್ತೆಗಳ ಬದಿಯಲ್ಲಿ ಸಾಕಷ್ಟು ಸಂಖ್ಯೆಯ ಸಸಿಗಳನ್ನು ನೆಡುವುದರಿಂದ ಪರಿಸರ ಮಾಲಿನ್ಯವನ್ನು ತಪ್ಪಿಸಬಹುದು ಎಂದು ಅವರು ಹೇಳಿದರು.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಹೊಸ ರಸ್ತೆಗಳ ಅಭಿವೃದ್ಧಿಯು ಬಿಲ್ಟ್, ಅಪರೇಟ್ ಹಾಗೂ ಟ್ರಾನ್ಸ್ ಫಾರ್ (ಬಿಒಟಿ) ಮಾದರಿಯಲ್ಲಿ ನಡೆಯಲಿದೆ. ಇದರದಿಯಲ್ಲಿ ರಸ್ತೆಯನ್ನು ನಿರ್ಮಿಸುವ ಕಂಪನಿಯು ಅದರ ನಿರ್ವಹಣೆಯನ್ನು15 ವರ್ಷಗಳವರೆಗೆ ವಹಿಸಿಕೊಳ್ಳಲಿದೆ ಎಂದು ಅವರು ಹೇಳಿದರು.

ಈ ಹಿಂದೆ ಅಂದಾಜು ಮಾಡಲಾಗಿದ್ದ ಪ್ರಕಾರ ಈ ರಸ್ತೆಗಳ ವಿಸ್ತರಣೆಯು 2019ರ ಡಿಸೆಂಬರ್ ವೇಳೆಗೆ ಪೂರ್ಣಗೊಳ್ಳಬೇಕಿತ್ತು. ಈಗ ಹೊಸ ಗಡುವಿನ ಪ್ರಕಾರ ಆಗಸ್ಟ್ 2021ರ ವೇಳೆಗೆ ಪೂರ್ಣಗೊಳ್ಳಲಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಅನೇಕ ಕಡೆ ರಸ್ತೆಗಳು ಚಿಕ್ಕದಾಗಿರುವುದರಿಂದ ಟ್ರಾಫಿಕ್ ಜಾಮ್ ಸಮಸ್ಯೆ ಉಂಟಾಗುತ್ತಿದೆ. ರಸ್ತೆಗಳನ್ನು ವಿಸ್ತರಿಸುವ ಮೂಲಕ ಈ ಸಮಸ್ಯೆಯನ್ನು ನಿವಾರಿಸಲಾಗುವುದೆಂದು ಕೇಜ್ರಿವಾಲ್ ಹೇಳಿದರು.