ಪೊಲೀಸ್ ಪಡೆಗೆ ಸೇರ್ಪಡೆಗೊಂಡ 36 ಫೋರ್ಸ್ ಟ್ರ್ಯಾಕ್ ಎಸ್‌ಯುವಿಗಳು

ಈ ಫೋರ್ಸ್ ಟ್ರ್ಯಾಕ್‌ಗಳು ಆಂಧ್ರಪ್ರದೇಶ ಪೊಲೀಸ್ ಪಡೆಯನ್ನು ಇನ್ನಷ್ಟು ಬಲಪಡಿಸುತ್ತವೆ ಎಂದು ಜಗನ್ ಮೋಹನ್ ರೆಡ್ಡಿ ಹೇಳಿದರು. ಆಂಧ್ರ ಪೊಲೀಸ್ ಪಡೆಯಲ್ಲಿದ್ದ ಹಳೆಯ ವಾಹನಗಳ ಬದಲಿಗೆ ಈ 36 ವಾಹನಗಳನ್ನು ಸೇರ್ಪಡೆಗೊಳಿಸಲಾಗಿದೆ. ದೇಶದ ಹಲವು ಪೊಲೀಸ್ ಪಡೆಗಳು ಫೋರ್ಸ್ ಟ್ರ್ಯಾಕ್ ಎಸ್‌ಯುವಿಗಳನ್ನು ಗಸ್ತು ತಿರುಗಲು ಬಳಸುತ್ತವೆ.

ಫೋರ್ಸ್ ಕಂಪನಿಯು ಭಾರತದಲ್ಲಿ ಕಮರ್ಷಿಯಲ್ ವಾಹನಗಳನ್ನು ಹಾಗೂ ಪಿಕ್-ಅಪ್ ಟ್ರಕ್‌ಗಳನ್ನು ಮಾರಾಟ ಮಾಡುತ್ತದೆ. ಕಂಪನಿಯು ಇತ್ತೀಚಿಗಷ್ಟೇ ಟ್ರ್ಯಾಕ್ಸ್ ಕ್ರೂಸರ್ ಹಾಗೂ ಸ್ಟಾರ್ಮ್‌ ವಾಹನಗಳ ಬಿಎಸ್ 6 ಮಾದರಿಗಳನ್ನು ಬಿಡುಗಡೆಗೊಳಿಸಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಫೋರ್ಸ್ ಟ್ರ್ಯಾಕ್ಸ್ ಕ್ರೂಸರ್ ಬಿಎಸ್ 6 ಮಾದರಿಯ ಬೆಲೆ ರೂ.11 ಲಕ್ಷಗಳಾದರೆ, ಸ್ಟಾರ್ಮ್ ಬಿಎಸ್ 6 ಮಾದರಿಯ ಬೆಲೆ ರೂ.11.06 ಲಕ್ಷಗಳಾಗಿದೆ. ಟ್ರ್ಯಾಕ್ಸ್ ಕ್ರೂಸರ್ ವಾಹನವನ್ನು 9 ಸೀಟರ್ ಪ್ಲಸ್ ಡ್ರೈವರ್ ಹಾಗೂ 12 ಸೀಟರ್ ಪ್ಲಸ್ ಡ್ರೈವರ್ ಎಸಿ ಹಾಗೂ ನಾನ್ ಎಸಿ ಮಾದರಿಗಳಲ್ಲಿ ಬಿಡುಗಡೆಗೊಳಿಸಲಾಗಿದೆ. ಈ ಮಾದರಿಗಳ ಗರಿಷ್ಠ ಬೆಲೆ ರೂ.12.88 ಲಕ್ಷಗಳಾಗಿದೆ.

ಇನ್ನು ಸ್ಟಾರ್ಮ್ ಬಿಎಸ್ 6 ಅನ್ನು 11 ಸೀಟರ್ ಪ್ಲಸ್ ಡ್ರೈವರ್ ಸೀಟುಗಳೊಂದಿಗೆ ಎಸಿ ಹಾಗೂ ನಾನ್ ಎಸಿ ಮಾದರಿಗಳಲ್ಲಿ ಬಿಡುಗಡೆಗೊಳಿಸಲಾಗಿದೆ. ಈ ಮಾದರಿಗಳ ಬೆಲೆ ಎಕ್ಸ್ ಶೋರೂಂ ದರದಂತೆ ಕ್ರಮವಾಗಿ ರೂ.11.06 ಲಕ್ಷ ಹಾಗೂ ರೂ.12.83 ಲಕ್ಷಗಳಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಎರಡೂ ವಾಹನಗಳನ್ನು ಡೀಸೆಲ್ ಎಂಜಿನ್ ಹಾಗೂ ಎಬಿಎಸ್'ನೊಂದಿಗೆ ಮಾರಾಟ ಮಾಡಲಾಗುತ್ತದೆ. ಫೋರ್ಸ್ ಟ್ರ್ಯಾಕ್ಸ್ ಕ್ರೂಸರ್ ಬಿಎಸ್ 6 ಮಾದರಿಯನ್ನು ಆಧುನಿಕ ಸುರಕ್ಷತಾ ನಿಯಮಗಳಡಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ.

ಈ ವಾಹನದ ಮುಂಭಾಗದಲ್ಲಿ ಹೊಸ ಗ್ರಿಲ್, ಬಂಪರ್ ಹಾಗೂ ಹೆಡ್‌ಲ್ಯಾಂಪ್ ಕ್ಲಸ್ಟರ್ ಅನ್ನು ಅಳವಡಿಸಲಾಗಿದೆ. ಹಿಂಭಾಗದಲ್ಲಿ ಹೊಸ ವರ್ಟಿಕಲ್ ಮೌಂಟ್ ಟೇಲ್‌ಲ್ಯಾಂಪ್ ನೀಡಲಾಗಿದೆ. ಇದರ ಬಾಕ್ಸ್ ಪ್ರೊಫೈಲ್ ಅನ್ನು ಹಳೆಯ ಮಾದರಿಯಿಂದ ಪಡೆಯಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಫೋರ್ಸ್ ಟ್ರ್ಯಾಕ್ಸ್ ಕ್ರೂಸರ್ ಬಿಎಸ್ 6 ಮಾದರಿಯಲ್ಲಿರುವ ಹೊಸ ಡ್ಯಾಶ್‌ಬೋರ್ಡ್ ಹೆಚ್ಚಿನ ಪ್ರೀಮಿಯಂ ಅನುಭವವನ್ನು ನೀಡುತ್ತದೆ. ಇದರ ಜೊತೆಗೆ ಡ್ಯುಯಲ್ ಟೋನ್ ಕಲರ್ ಥೀಮ್, ಬ್ಲೂ ಲೈಟ್ ಎಂಐಡಿ ಹೊಂದಿರುವ ಹೊಸ ಇನ್ಸ್'ಟ್ರೂಮೆಂಟ್ ಕನ್ಸೋಲ್ ನೀಡಲಾಗಿದೆ.

ಫೋರ್ಸ್ ಟ್ರ್ಯಾಕ್ಸ್ ಕ್ರೂಸರ್ ಹಾಗೂ ಸ್ಟಾರ್ಮ್ ಮಾದರಿಗಳಲ್ಲಿ 2596 ಸಿಸಿಯ ಬಿಎಸ್ 6 ಡೀಸೆಲ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 90 ಬಿಹೆಚ್‌ಪಿ ಪವರ್ ಹಾಗೂ 250 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್'ನೊಂದಿಗೆ 5 ಸ್ಪೀಡಿನ ಮ್ಯಾನುವಲ್ ಗೇರ್ ಬಾಕ್ಸ್ ಜೋಡಿಸಲಾಗಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಇದರ ಜೊತೆಗೆ ಫ್ರಂಟ್ ಡಿಸ್ಕ್ ಹಾಗೂ ಹಿಂಭಾಗದಲ್ಲಿ ಡ್ರಮ್ ಬ್ರೇಕ್'ಗಳನ್ನು ನೀಡಲಾಗಿದೆ. ಫೋರ್ಸ್ ಮೋಟಾರ್ಸ್ ಕಂಪನಿಯು ಈ ಎರಡೂ ವಾಹನಗಳ ಮೇಲೆ 3 ವರ್ಷ ಅಥವಾ 3 ಲಕ್ಷ ಕಿ.ಮೀ ವಾರಂಟಿ ಹಾಗೂ 6 ವರ್ಷಗಳ ಫ್ರೀ ಸರ್ವೀಸ್ ನೀಡುತ್ತದೆ.