Just In
- 1 hr ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 2 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 4 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 4 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Movies Puttakkana Makkalu:ಸ್ನೇಹಾ ಕೈ ಸೇರಿಯೇ ಬಿಡ್ತು ವಿಚ್ಛೇದನದ ಪೇಪರ್; ಮುಂದೇನು?
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ಸಫಾರಿ ಕಾರು ಮಾಲೀಕ ಕಳುಹಿಸಿದ ಇ-ಮೇಲ್'ಗೆ ತಕ್ಷಣವೇ ಸ್ಪಂದಿಸಿದ ಟಾಟಾ ಮೋಟಾರ್ಸ್
ಸಾಮಾನ್ಯವಾಗಿ ಕಾರು ವಿತರಕರು ಕಾರುಗಳನ್ನು ಸರ್ವೀಸ್ ಸೆಂಟರ್'ನಲ್ಲಿ ಸರ್ವೀಸ್ ಮಾಡಿಸುವಂತೆ ಸಲಹೆ ನೀಡುತ್ತಾರೆ. ಇತ್ತೀಚಿಗೆ ಹೊಸ ಸಫಾರಿ ಎಸ್ಯುವಿಯನ್ನು ಸರ್ವೀಸ್ ಸೆಂಟರ್'ಗೆ ಕೊಂಡೊಯ್ದ ಕಾರು ಮಾಲೀಕರಿಗೆ ವಿಭಿನ್ನ ಅನುಭವವಾಗಿದೆ.
ಈ ಅನುಭವವನ್ನು ಅವರು ವೀಡಿಯೊ ಮೂಲಕ ಹಂಚಿಕೊಂಡಿದ್ದಾರೆ. ಈ ಲೇಖನದಲ್ಲಿ ಟಾಟಾ ಮೋಟಾರ್ಸ್ ಸರ್ವೀಸ್ ಸೆಂಟರ್ ಅವರಿಗೆ ಯಾವ ರೀತಿ ಸರ್ವೀಸ್ ನೀಡಿತು, ಆ ಕಾರು ಮಾಲೀಕರು ಯಾವ ರೀತಿಯ ಅನುಭವವನ್ನು ಅನುಭವಿಸಿದರು ಎಂಬುದನ್ನು ನೋಡೋಣ.
ಟಾಟಾ ಮೋಟಾರ್ಸ್ ಕಂಪನಿಯು ತನ್ನ ಹೊಸ ಸಫಾರಿ ಎಸ್ಯುವಿಯನ್ನು ಇತ್ತೀಚಿಗೆ ಬಿಡುಗಡೆಗೊಳಿಸಿತು. ಈ ಎಸ್ಯುವಿಯು ಅಲ್ಪ ಅವಧಿಯಲ್ಲಿಯೇ ಜನಪ್ರಿಯತೆಯನ್ನು ಪಡೆದಿದೆ. ಟಾಟಾ ಮೋಟಾರ್ಸ್ ಈ ಎಸ್ಯುವಿಯ ಬಗ್ಗೆ ವಿವಿಧ ರೀತಿಯಲ್ಲಿ ಪ್ರಚಾರ ಮಾಡುತ್ತಿದೆ.
MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ
ಟಾಟಾ ಮೋಟಾರ್ಸ್ ಇತ್ತೀಚೆಗೆ ಪುಣೆ-ಮುಂಬೈ ಎಕ್ಸ್ಪ್ರೆಸ್ವೇಯಲ್ಲಿ ಟಾಟಾ ಸಫಾರಿಗೆ ಸಂಬಂಧಿಸಿದ ಬೃಹತ್ ಜಾಹೀರಾತು ಬ್ಯಾನರ್ ಅನ್ನು ಸ್ಥಾಪಿಸಿದೆ. ಈ ಬ್ಯಾನರ್ ಭಾರತದ ಅತಿದೊಡ್ಡ ಜಾಹೀರಾತು ಬ್ಯಾನರ್ ಆಗಿದೆ.
ಇದರ ಜೊತೆಗೆ ಐಪಿಎಲ್ ಪಂದ್ಯಗಳ ವೇಳೆ ಕ್ರಿಕೆಟ್ ಮೈದಾನದಲ್ಲಿ ಸಫಾರಿ ಎಸ್ಯುವಿಯನ್ನು ಪ್ರದರ್ಶಿಸಲು ಟಾಟಾ ಮೋಟಾರ್ಸ್ ನಿರ್ಧರಿಸಿದೆ. ಈ ರೀತಿಯ ಜಾಹೀರಾತುಗಳಲ್ಲದೆ ಕೆಲವು ಸಫಾರಿ ಕಾರು ಮಾಲೀಕರು ಸಹ ಸಫಾರಿ ಕಾರಿನ ಪರವಾಗಿ ಜಾಹೀರಾತು ನೀಡುತ್ತಿದ್ದಾರೆ.
MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು
ಈ ಜಾಹೀರಾತುಗಳು ಗ್ರಾಹಕರಿಗೆ ಅಮೂಲ್ಯವಾಗಿವೆ ಎಂಬುದು ಗಮನಿಸಬೇಕಾದ ಸಂಗತಿ. ಈ ಲೇಖನದಲ್ಲಿರುವ ಘಟನೆ ಗ್ರಾಹಕರ ಅಮೂಲ್ಯ ಜಾಹೀರಾತಿನ ಬಗ್ಗೆಯೂ ಇದೆ. ಜೊತೆಗೆ ಟಾಟಾ ಮೋಟಾರ್ಸ್ ಸರ್ವೀಸ್ ಸೆಂಟರ್'ನ ಅವಸ್ಥೆಯ ಬಗ್ಗೆಯೂ ಹೇಳಿದ್ದಾರೆ.
ಈ ಸಂಬಂಧ ಅವರು ಎರಡು ವೀಡಿಯೊಗಳನ್ನು ಬಿಡುಗಡೆಗೊಳಿಸಿದ್ದಾರೆ. ಒಂದು ವೀಡಿಯೊದಲ್ಲಿ ಟಾಟಾ ಮೋಟಾರ್ಸ್ ಸರ್ವೀಸ್ ಸೆಂಟರ್'ನ ಅಸಮರ್ಪಕ ಕಾರ್ಯದ ಬಗ್ಗೆ ದೂರಿದ್ದಾರೆ.
MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ
ಎರಡನೇ ವೀಡಿಯೊದಲ್ಲಿ ಟಾಟಾ ಮೋಟಾರ್ಸ್ ತನ್ನ ದೂರಿಗೆ ಹೇಗೆ ಸ್ಪಂದಿಸಿತು ಎಂಬುದನ್ನು ಹೇಳಿದ್ದಾರೆ. ಈ ಸಫಾರಿ ಕಾರಿನ ಮಾಲೀಕರು ತಮ್ಮ ಕಾರಿಗೆ ಮೊದಲ ಸರ್ವೀಸ್ ಮಾಡಿಸಲು ಕಾರ್ ಅನ್ನು ಟಾಟಾ ಮೋಟಾರ್ಸ್ ಕಂಪನಿಯ ಅಧಿಕೃತ ಸರ್ವೀಸ್ ಸೆಂಟರ್'ನಲ್ಲಿ ಬಿಟ್ಟಿದ್ದಾರೆ.
ಸರ್ವೀಸ್ ನಂತರ ಕಾರ್ ಅನ್ನು ಮನೆಗೆ ಕೊಂಡೊಯ್ಯುವಾಗ ಇನ್ಸ್'ಟ್ರೂಮೆಂಟ್ ಕ್ಲಸ್ಟರ್ನಲ್ಲಿ ಡೀಸೆಲ್ ಎಕಾಸ್ಟ್ ಫ್ಲ್ಯುಯಿಡ್ ಪ್ರಮಾಣ ಕಡಿಮೆಯಾಗಿದೆ ಎಂಬ ಎಚ್ಚರಿಕೆ ಸಂದೇಶ ಬಂದಿದೆ.
MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು
ಡೀಸೆಲ್ ಎಕಾಸ್ಟ್ ಫ್ಲ್ಯುಯಿಡ್ ಯೂರಿಯಾವನ್ನು ಒಳಗೊಂಡಿರುವ ಪ್ರಮುಖ ದ್ರವವಾಗಿದೆ. ಇದು ಮಾಲಿನ್ಯ ಪ್ರಮಾಣವನ್ನು ಕಡಿಮೆ ಮಾಡಲು ನೆರವಾಗುತ್ತದೆ. ಈ ಫ್ಲ್ಯುಯಿಡ್ ಇಲ್ಲದಿದ್ದರೆ ಕಾರಿನ ಚಲನೆಗೆ ಅಡ್ಡಿಯಾಗುತ್ತದೆ.
ಈ ಪ್ರಮುಖ ದ್ರವದ ಬಗ್ಗೆ ಸರ್ವೀಸ್ ಸೆಂಟರ್ ಸಿಬ್ಬಂದಿ ಗಮನ ಹರಿಸದೇ ಇರುವ ಬಗ್ಗೆ ಆತಂಕಗೊಂಡ ಸಫಾರಿ ಕಾರಿನ ಮಾಲೀಕರು ಅದನ್ನು ತುಂಬಿಸಲು ಮತ್ತೆ ಅದೇ ಸರ್ವೀಸ್ ಸೆಂಟರ್'ಗೆ ತೆರಳಿದ್ದಾರೆ.
MOSTREAD: ಲಾಕ್ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ
ಅಲ್ಲಿದ್ದ ಸರ್ವೀಸ್ ಸೆಂಟರ್ ಸಿಬ್ಬಂದಿ ಆ ದ್ರವ ತುಂಬಲು ಕನಿಷ್ಠ ಒಂದು ಗಂಟೆ ಬೇಕಾಗುತ್ತದೆ ಎಂದು ಹೇಳಿದ್ದಾರೆ. ಇದು ಸಫಾರಿ ಕಾರು ಮಾಲೀಕರಿಗೆ ಮತ್ತಷ್ಟು ಕಿರಿಕಿರಿಯನ್ನುಂಟು ಮಾಡಿದೆ. ಸಾಮಾನ್ಯವಾಗಿ ಡೀಸೆಲ್ ಎಕಾಸ್ಟ್ ಫ್ಲ್ಯುಯಿಡ್ ಪೂರ್ತಿಯಾಗಿ ತುಂಬಲು ಕೇವಲ ಎರಡು ನಿಮಿಷಗಳು ಸಾಕು.
ಆದರೆ ಒಂದು ಗಂಟೆ ಕಾದು ಅಸಮಾಧಾನಗೊಂಡ ಸಫಾರಿ ಕಾರು ಮಾಲೀಕರು ಟಾಟಾ ಮೋಟಾರ್ಸ್ ಕಂಪನಿಯ ಗ್ರಾಹಕ ಸೇವಾ ಕೇಂದ್ರಕ್ಕೆ ಇ-ಮೇಲ್ ಕಳುಹಿಸಿದ್ದಾರೆ. ಅವರು ದೂರು ನೀಡಿದ ಕೂಡಲೇ ಟಾಟಾ ಮೋಟಾರ್ಸ್ ಕಂಪನಿಯ ಅಧಿಕಾರಿಗಳು ಅವರನ್ನು ಸಂಪರ್ಕಿಸಿ ವಿವರಣೆ ಪಡೆದಿದ್ದಾರೆ.
MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್
ಟಾಟಾ ಸಫಾರಿ ಹೊಸ ವಾಹನವಾಗಿರುವುದರಿಂದ ಸರ್ವೀಸ್ ಸೆಂಟರ್ ಸಿಬ್ಬಂದಿಗೆ ಈ ಕಾರಿನ ಬಗ್ಗೆ ಹೆಚ್ಚು ತಿಳಿದಿಲ್ಲ. ಈ ಕಾರಣಕ್ಕೆ ವಿಳಂಬವಾಗಿದೆ ಎಂದು ಸಮಜಾಯಿಷಿ ನೀಡಿದ್ದಾರೆ.
ತಕ್ಷಣವೇ ಟಾಟಾ ಮೋಟಾರ್ಸ್ ಕಂಪನಿಯ ಅಧಿಕಾರಿಗಳು ಸಫಾರಿ ಕಾರು ಮಾಲೀಕರ ಸಮಸ್ಯೆಗೆ ಪರಿಹಾರ ನೀಡಿದ್ದಾರೆ. ಜೊತೆಗೆ ಸರ್ವೀಸ್ ಸೆಂಟರ್'ನಲ್ಲಿ ಉಂಟಾದ ಅನಾನುಕೂಲತೆಗಾಗಿ ಅವರ ಬಳಿ ಕ್ಷಮೆಯಾಚಿಸಿದ್ದಾರೆ.
MOSTREAD: ಟ್ರ್ಯಾಕ್ಟರ್ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್ಗಳಿರಲು ಕಾರಣಗಳಿವು
ಗ್ರಾಹಕರು ಕಾರು ತಯಾರಕ ಕಂಪನಿಗಳಿಂದ ಈ ರೀತಿಯ ಪ್ರತಿಕ್ರಿಯೆಯನ್ನೇ ನಿರೀಕ್ಷಿಸುತ್ತಾರೆ. ಟಾಟಾ ಮೋಟಾರ್ಸ್ ಕಂಪನಿಯ ಅಧಿಕಾರಿಗಳು ಸಮಸ್ಯೆಗೆ ಸ್ಪಂದಿಸಿದ ರೀತಿಗೆ ಸಫಾರಿ ಕಾರಿನ ಮಾಲೀಕರು ಖುಷಿಯಾಗಿದ್ದಾರೆ.
ಇದರ ಬಗ್ಗೆ ಅವರು ಎರಡನೇ ವೀಡಿಯೊದಲ್ಲಿ ಮಾಹಿತಿ ನೀಡಿದ್ದಾರೆ. ಗ್ರಾಹಕರ ಕುಂದುಕೊರತೆಗಳನ್ನು ತಕ್ಷಣವೇ ಪರಿಹರಿಸಲು ಟಾಟಾ ಮೋಟಾರ್ಸ್ ಕಂಪನಿಯುಇಂತಹ ಕ್ರಮಗಳನ್ನು ತೆಗೆದುಕೊಳ್ಳುತ್ತಿರುವುದು ಇದೇ ಮೊದಲಲ್ಲ. ಈ ಮೊದಲು ಸಹ ಈ ರೀತಿಯ ಅನೇಕ ಘಟನೆಗಳು ನಡೆದಿವೆ ಎಂಬುದು ಗಮನಾರ್ಹ.