ಮಾರಾಟದಲ್ಲಿ ಟಾಟಾ ಮೋಟಾರ್ಸ್ ಎಸ್‌ಯು‌ವಿಗಳನ್ನು ಹಿಂದಿಕ್ಕಿದ ಎಂಜಿ ಕಂಪನಿಯ ಎಸ್‌ಯು‌ವಿಗಳು

2021ರ ಮಾರ್ಚ್ ತಿಂಗಳಿನಲ್ಲಿ ಹೆಚ್ಚಿನ ವಾಹನ ಕಂಪನಿಗಳ ಮಾರಾಟವು ಹಿಂದಿನ ತಿಂಗಳಿಗಿಂತ ಸುಧಾರಿಸಿದೆ. ಎಂಜಿ ಮೋಟಾರ್ ಕಂಪನಿಯು ಸಹ ತನ್ನ ಮಾರಾಟದಲ್ಲಿ ಏರಿಕೆ ದಾಖಲಿಸಿದೆ. ಸ್ಪೋರ್ಟ್ ಯುಟಿಲಿಟಿ ಸೆಗ್'ಮೆಂಟಿನ ಮಾರಾಟದಲ್ಲಿ ಮೋರಿಸ್ ಗ್ಯಾರೇಜ್ (ಎಂಜಿ ಮೋಟಾರ್ಸ್) ಕಂಪನಿಯ ಎಂಜಿ ಹೆಕ್ಟರ್ ತನ್ನ ಹತ್ತಿರದ ಪ್ರತಿಸ್ಪರ್ಧಿಗಳಾದ ಟಾಟಾ ಸಫಾರಿ ಹಾಗೂ ಹ್ಯಾರಿಯರ್ ಕಾರುಗಳನ್ನು ಹಿಂದಿಕ್ಕಿದೆ.

ಮಾಧ್ಯಮ ವರದಿಗಳ ಪ್ರಕಾರ, ಹ್ಯುಂಡೈ ಕ್ರೆಟಾ ಎಸ್‌ಯು‌ವಿ ಸೆಗ್'ಮೆಂಟಿನಲ್ಲಿ ಹೆಚ್ಚು ಮಾರಾಟವಾದ ಎಸ್‌ಯು‌ವಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಮಾರ್ಚ್‌ ತಿಂಗಳಿನಲ್ಲಿ ಕ್ರೆಟಾ ಎಸ್‌ಯು‌ವಿಯ 12,640 ಯುನಿಟ್‌ಗಳು ಮಾರಾಟವಾಗಿವೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಎಂಜಿ ಹೆಕ್ಟರ್ ಎಸ್‌ಯು‌ವಿಯು ಸಹ ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಿದೆ. ಮಾರಾಟದಲ್ಲಿ ಹೆಕ್ಟರ್ ಹಾಗೂ ಹೆಕ್ಟರ್ ಪ್ಲಸ್ ಮಾದರಿಗಳು ಕಳೆದ ವರ್ಷದ ಮಾರ್ಚ್ ತಿಂಗಳಿಗೆ ಹೋಲಿಸಿದರೆ ಒಟ್ಟು 237%ನಷ್ಟು ಹೆಚ್ಚಳವನ್ನು ದಾಖಲಿಸಿವೆ.

ಟಾಟಾ ಹ್ಯಾರಿಯರ್ ಕಳೆದ ಮಾರ್ಚ್ ತಿಂಗಳ ಮಾರಾಟದಲ್ಲಿ 12.51%ನಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಈ ಎಸ್‌ಯು‌ವಿಯ ಒಟ್ಟು 2,284 ಯುನಿಟ್‌ಗಳು ಮಾರ್ಚ್ ತಿಂಗಳಲ್ಲಿ ಮಾರಾಟವಾಗಿದ್ದರೆ, ಫೆಬ್ರವರಿ ತಿಂಗಳಿನಲ್ಲಿ 2,030 ಯುನಿಟ್‌ಗಳು ಮಾರಾಟವಾಗಿದ್ದವು.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಇತ್ತೀಚೆಗೆ ಬಿಡುಗಡೆಯಾದ ಟಾಟಾ ಸಫಾರಿಯ 2,148 ಯುನಿಟ್‌ಗಳು ಮಾರ್ಚ್ ತಿಂಗಳಿನಲ್ಲಿ ಮಾರಾಟವಾಗಿವೆ. ಫೆಬ್ರವರಿ ತಿಂಗಳಿಗೆ ಹೋಲಿಸಿದರೆ ಸಫಾರಿಯ ಮಾರಾಟವು ಮಾರ್ಚ್ ತಿಂಗಳಿನಲ್ಲಿ 25.83%ನಷ್ಟು ಹೆಚ್ಚಾಗಿದೆ.

ಫೆಬ್ರವರಿ ತಿಂಗಳಿನಲ್ಲಿ ಟಾಟಾ ಸಫಾರಿಯ 1,707 ಯುನಿಟ್‌ಗಳು ಮಾರಾಟವಾಗಿದ್ದವು. ಟಾಟಾ ಹ್ಯಾರಿಯರ್ ಹಾಗೂ ಟಾಟಾ ಸಫಾರಿ ಎರಡೂ ಮಾದರಿಗಳ ಒಟ್ಟು 4,432 ಯುನಿಟ್‌ಗಳು ಮಾರ್ಚ್ ತಿಂಗಳಿನಲ್ಲಿ ಮಾರಾಟವಾಗಿವೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಇದೇ ವೇಳೆ 6 ಸೀಟರ್ ಹಾಗೂ 7 ಸೀಟರ್'ಗಳ ಆವೃತ್ತಿಗಳಲ್ಲಿ ಲಭ್ಯವಿರುವ ಎಂಜಿ ಹೆಕ್ಟರ್ ಹಾಗೂ ಹೆಕ್ಟರ್ ಪ್ಲಸ್'ನ ಒಟ್ಟು 4,720 ಯುನಿಟ್‌ಗಳು ಮಾರ್ಚ್ ತಿಂಗಳಿನಲ್ಲಿ ಮಾರಾಟವಾಗಿವೆ.

ಮಾರ್ಚ್ ತಿಂಗಳಲ್ಲಿ ಈ ಎರಡೂ ಮಾದರಿಗಳು ಮಾರಾಟದಲ್ಲಿ ಟಾಟಾ ಕಂಪನಿಯ ಎಸ್‌ಯು‌ವಿಗಳನ್ನು ಹಿಂದಿಕ್ಕಿವೆ. ಎಂಜಿ ಮೋಟಾರ್ ಕಂಪನಿಯು ಈ ಜನಪ್ರಿಯ ಎಸ್‌ಯು‌ವಿಯ ಬೆಲೆಯನ್ನು ಏಪ್ರಿಲ್ 1ರಿಂದ ಹೆಚ್ಚಿಸಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

6 ಸೀಟರ್'ನಗಳ ಹೆಕ್ಟರ್ ಪ್ಲಸ್ ಮಾದರಿಯ ಬೆಲೆ ರೂ.13.35 ಲಕ್ಷಗಳಿಂದ ರೂ.19.43 ಲಕ್ಷಗಳಾದರೆ, 7 ಸೀಟರ್'ಗಳ ಮಾದರಿಯ ಹೆಕ್ಟರ್ ಪ್ಲಸ್ ಬೆಲೆ ರೂ.17.50 ಲಕ್ಷದಿಂದ ರೂ.19.61 ಲಕ್ಷಗಳಾಗಿದೆ.

ಇನ್ನು ಟಾಟಾ ಹ್ಯಾರಿಯರ್ ಎಸ್‌ಯು‌ವಿಯ ಬೆಲೆ ರೂ.13.99 ಲಕ್ಷದಿಂದ ರೂ.20.45 ಲಕ್ಷಗಳಾದರೆ, ಸಫಾರಿ ಎಸ್‌ಯು‌ವಿಯ ಬೆಲೆ ರೂ.14.70 ಲಕ್ಷದಿಂದ ರೂ.21.46 ಲಕ್ಷಗಳಾಗಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಎಂಜಿ ಮೋಟಾರ್ ಕಂಪನಿಯು ಗುಜರಾತ್'ನಲ್ಲಿರುವ ತನ್ನ ಹ್ಯಾಲೊಲ್ ಉತ್ಪಾದನಾ ಘಟಕದಲ್ಲಿ 50,000 ಯುನಿಟ್ ಹೆಕ್ಟರ್ ಉತ್ಪಾದನೆಯನ್ನು ಪೂರ್ಣಗೊಳಿಸಿದೆ. ಈ ಘಟಕವು ವರ್ಷಕ್ಕೆ 80,000 ಯುನಿಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಘಟಕದಲ್ಲಿ 2,500 ಉದ್ಯೋಗಿಗಳು ಕೆಲಸ ಮಾಡುತ್ತಾರೆ. ಎಂಜಿ ಮೋಟಾರ್ ಭಾರತದಲ್ಲಿ ಬಿಡುಗಡೆಯಾದಾಗಿನಿಂದ ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿದೆ. ಕಂಪನಿಯು 2019ರ ಜುಲೈ ತಿಂಗಳಿನಲ್ಲಿ ಎಂಜಿ ಹೆಕ್ಟರ್ ಎಸ್‌ಯು‌ವಿ ಬಿಡುಗಡೆಗೊಳಿಸುವ ಮೂಲಕ ದೇಶಿಯ ಮಾರುಕಟ್ಟೆಗೆ ಕಾಲಿಟ್ಟಿತು.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಎಸ್‌ಯು‌ವಿಯು ದೇಶೀಯ ಮಾರುಕಟ್ಟೆಯಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಕಂಪನಿಯು ಹೆಕ್ಟರ್ ಎಸ್‌ಯು‌ವಿಯನ್ನು ಹಲವು ಟ್ರಾನ್ಸ್'ಮಿಷನ್ ಆಯ್ಕೆಗಳೊಂದಿಗೆ ನೀಡುತ್ತಿರುವ ಕಾರಣಕ್ಕೆ ಹೆಚ್ಚಿನ ಸಂಖ್ಯೆಯ ಗ್ರಾಹಕರನ್ನು ಆಕರ್ಷಿಸಲು ಸಾಧ್ಯವಾಗಿದೆ.

ಬಿಡುಗಡೆಯಾದಾಗಿನಿಂದ ಇದುವರೆಗೂ ಕಂಪನಿಯು ಭಾರತದಲ್ಲಿ 50,000 ಯುನಿಟ್ ಹೆಕ್ಟರ್ ಎಸ್‌ಯು‌ವಿಗಳನ್ನು ಮಾರಾಟ ಮಾಡಿದೆ.ಈ ವರ್ಷದ ಆರಂಭದಲ್ಲಿ ಕಂಪನಿಯು 7 ಸೀಟರ್'ಗಳ ಮಾದರಿಯನ್ನು ಬಿಡುಗಡೆಗೊಳಿಸಿತು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಎಂಜಿ ಮೋಟಾರ್ ಕಂಪನಿಯು ಈಗ ಹೆಕ್ಟರ್ ಹಾಗೂ ಗ್ಲೋಸ್ಟರ್ ವಾಹನಗಳನ್ನು ಪರೀಕ್ಷಿಸುತ್ತಿದೆ. ಕಂಪನಿಯ ಹ್ಯಾಲೊಲ್ ಘಟಕದ ಬಳಿ ಹೆಕ್ಟರ್ ಹಾಗೂ ಗ್ಲೋಸ್ಟರ್'ಗಳನ್ನು ಪರೀಕ್ಷಿಸಲಾಗುತ್ತಿದೆ.