2022ರ ಎಲಾಂಟ್ರಾ ಎನ್ ಪರ್ಫಾಮೆನ್ಸ್ ಕಾರನ್ನು ಅನಾವರಣಗೊಳಿಸಿದ ಹ್ಯುಂಡೈ

ಈ ಹ್ಯುಂಡೈ ಎಲಾಂಟ್ರಾ ಎನ್ ಹಾಟ್ ಸೆಡಾನ್ ನಲ್ಲಿ ಎಲ್, 4-ಸಿಲಿಂಡರ್ ಟರ್ಬೋಚಾರ್ಜ್ಡ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 276 ಬಿಹೆಚ್‌ಪಿ ಪವರ್ ಮತ್ತು 392 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ ಎನ್-ಗ್ರಿನ್ ಶಿಫ್ಟ್ ಕಾರ್ಯವನ್ನು ಒಳಗೊಂಡ 8-ಸ್ಪೀಡ್ ಡ್ಯುಯಲ್ ಕ್ಲಚ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ ಅನ್ನು ಒಳಗೊಂಡಿದೆ.

ಎಲಾಂಟ್ರಾ ಎನ್ 5.3 ಸೆಕೆಂಡುಗಳಲ್ಲಿ 0 ದಿಂದ 60 ಮೈಲ್ ವೇಗವನ್ನು ಪಡೆದುಕೊಳುತ್ತದೆ ಎಂದು ಬ್ರ್ಯಾಂಡ್ ಹೇಳಿದೆ. ಈ ಕಾರಿನಲ್ಲಿ ಸೀಮಿತ ಸ್ಲಿಪ್ ಡಿಫರೆನ್ಷಿಯಲ್ ಮುಂಭಾಗದ ಆಕ್ಸಲ್‌ನಲ್ಲಿ ವ್ಹೀಲ್ ಗಳಿಗೆ ಪವರ್ ಅನ್ನು ಕಳುಹಿಸುತ್ತದೆ.

ಈ ಸೆಡಾನ್ ಮಾದರಿಯಲ್ಲಿ 245/35-ಸೀರಿಸ್ ಮೈಕೆಲಿನ್ ಪೈಲಟ್ ಸ್ಪೋರ್ಟ್ 4ಎಸ್ ಸಮ್ಮರ್ ಟೈರ್‌ಗಳನ್ನು ಹೊಂದಿರುವ 19 ಇಂಚಿನ ಎನ್-ನಿರ್ದಿಷ್ಟ ವ್ಹೀಲ್ ಗಳನ್ನು ಒಳಗೊಂಡಿರುತ್ತದೆ.

ಸ್ಟ್ಯಾಂಡರ್ಡ್ ಮಾದರಿಗೆ ಹೋಲಿಸಿದರೆ, ಈ ಸೆಡಾನ್ ತ್ವರಿತ ಸ್ಟೀಯರಿಂಗ್ ಮತ್ತು ಗಟ್ಟಿಯಾದ ಸಸ್ಪೆಂಕ್ಷನ್ ಸೆಟಪ್ ಅನ್ನು ಹೊಂದಿದೆ. ಇನ್ನು ಈ ಕಾರಿನ ಹಲವಾರು ಪರ್ಫಾಮೆನ್ಸ್ ಆಧಾರಿತ ತಂತ್ರಜ್ಙಾನಗಳನ್ನು ಒಳಗೊಂಡಿದೆ.

ಎಲಾಂಟ್ರಾ ಎನ್ ಕಾರಿನಲ್ಲಿ ನವೀಕರಿಸಿದ ಬ್ರೇಕ್ ಪ್ಯಾಡ್‌ಗಳೊಂದಿಗೆ 14.1-ಇಂಚಿನ ಮುಂಭಾಗದ ರೋಟಾರ್‌ಗಳು, ಸ್ಟೀಯರಿಂಗ್ ಮೌಂಟಡ್ ಬ್ಲೂ ಬಟನ್ ಮೂಲಕ ಪ್ರವೇಶಿಸಬಹುದಾದ ಪೂರ್ಣ-ಆನ್ ಎನ್ ಪರ್ಫಾಮೆನ್ಸ್ ಸೆಟ್ಟಿಂಗ್ ಸೇರಿದಂತೆ ಅನೇಕ ಡ್ರೈವ್ ಮೋಡ್‌ಗಳಿವೆ.

2022ರ ಎಲಾಂಟ್ರಾ ಎನ್ ಕಾರಿನ ಒಳಭಾಗದಲ್ಲಿ 10.3-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಜೊತೆಗೆ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ ಮತ್ತು ಹಲವಾರು ಡ್ರೈವರ್ ಅಸಿಸ್ಟ್ ಫೀಚರ್ಸ್ ಗಳೊಂದಿಗೆ ಸೋರ್ಟ್ಸ್ ಸೀಟುಗಳನ್ನು ಒಳಗೊಂಡಿವೆ.

ಇನ್ನು ಈ ಹೊಸ ಹ್ಯುಂಡೈ ಎಲಾಂಟ್ರಾ ಎನ್ ಸಾಮಾನ್ಯ ಮಾದರಿಗಿಂತ ಸ್ಪೋರ್ಟಿಯರ್ ಆಗಿ ಕಾಣುತ್ತದೆ. ಇದರಲ್ಲಿ ಕೆಲವು ಪ್ರಮುಖ ವಿನ್ಯಾಸ ಅಂಶಗಳು ಸ್ಪಾಯ್ಲರ್, ರೆಡ್ ಸೈಡ್ ಸಿಲ್ ವಿಸ್ತರಣೆಗಳು, ದೊಡ್ಡ ಎಕ್ಸಾಸ್ಟ್ ಪೈಪ್ ಗಳಿವೆ ಮತ್ತು ರೇರ್ ವಿಂಗ್ ಅನ್ನು ಹೊಂದಿದೆ.

ಕಾರ್ಯಕ್ಷಮತೆ-ಆಧಾರಿತ ಎಲಾಂಟ್ರಾ ಎನ್ ಅನ್ನು ಮೊದಲು ದಕ್ಷಿಣ ಕೊರಿಯಾ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಬಹುದು. ನಂತರ ಇತರ ಅಮೆರಿಕ ಮತ್ತು ಯುರೋಪ್ ಸೇರಿದಂತೆ ಇತರ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಬಿಡುಗಡೆಗೊಳಿಸಬಹುದು.