ಕೋವಿಡ್ -19 ಲಸಿಕೆ ಸಾಗಾಣಿಕೆಗೆ ಬಂತು ಹೊಸ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನ

ಈ ತ್ರಿಚಕ್ರ ವಾಹನವನ್ನು ಉತ್ಪಾದಿಸಿರುವ ಉದ್ದೇಶವು ಕೋವಿಡ್ - 19 ಲಸಿಕೆಯನ್ನು ದೇಶದ ಮೂಲೆ ಮೂಲೆಗೆ ಸಾಗಿಸುವುದು ಎಂದು ಕಂಪನಿ ತಿಳಿಸಿದೆ. ಬ್ಯಾಟರಿ ಚಾಲಿತ ಈ ವಾಹನವು ಕೋವಿಡ್ - 19 ಲಸಿಕೆಯನ್ನು -22 ಡಿಗ್ರಿ ತಾಪಮಾನದಲ್ಲಿ 72 ಗಂಟೆಗಳ ಕಾಲ ಇರಿಸಿಕೊಳ್ಳಲಿದೆ. ಈ ವಾಹನದ ಅನುಕೂಲಗಳ ಬಗ್ಗೆ ವಿವರಿಸಿದ ಕಂಪನಿಯು ಈ ತ್ರಿಚಕ್ರ ವಾಹನವು ಬ್ಯಾಟರಿ ಮೂಲಕ ಚಲಿಸುವುದರಿಂದ ಪರಿಸರ ಸ್ನೇಹಿಯಾಗಿರಲಿದೆ ಎಂದು ಹೇಳಿದೆ.

ಹಳ್ಳಿಗಳು, ನಗರಗಳು ಹಾಗೂ ಕರೋನಾ ವ್ಯಾಕ್ಸಿನೇಷನ್ ಕೇಂದ್ರಗಳಿಂದ ಹೆಚ್ಚು ದೂರವಿರುವ ಸ್ಥಳಗಳಿಗೆ ಈ ವಾಹನವು ಚಲಿಸಲಿದೆ. ಈ ತ್ರಿಚಕ್ರ ವಾಹನವು ಸಂಪೂರ್ಣ ಬ್ಯಾಟರಿ ಚಾಲಿತವಾಗಿರುವುದರಿಂದ ಇದನ್ನು ಚಲಾಯಿಸುವ ವೆಚ್ಚ ತುಂಬಾ ಕಡಿಮೆಯಾಗಿದೆ ಎಂದು ಕಂಪನಿ ಹೇಳಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ವಾಹನದ ಚಾಲನೆಗೆ ಪ್ರತಿ ಕಿ.ಮೀಗೆ 50 ಪೈಸೆ ವೆಚ್ಚವಾಗುತ್ತದೆ. ಈ ವಾಹನದಲ್ಲಿರುವ ಬ್ಯಾಟರಿಯನ್ನು ಪೂರ್ತಿಯಾಗಿ ಚಾರ್ಜ್ ಮಾಡಿದ ನಂತರ ಈ ವಾಹನವು 70 ಕಿ.ಮೀಗಳವರೆಗೆ ಚಲಿಸುತ್ತದೆ.

960 ಕೆಜಿ ತೂಕವನ್ನು ಹೊಂದಿರುವ ಈ ಲಸಿಕೆ ವಾಹನದ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 50 ಕಿ.ಮೀಗಳಾಗಿದೆ. ಈ ವಾಹನದಲ್ಲಿರುವ ವ್ಯಾಕ್ಸಿನ್ ಕಂಟೇನರ್, 1340 ವ್ಯಾ ಕೂಲಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಕಂಟೇನರ್, ಲಸಿಕೆಯನ್ನು -20 ° ಸೆಲ್ಸಿಯಸ್ ತಾಪಮಾನದಲ್ಲಿ 72 ಗಂಟೆಗಳವರೆಗೆ ತಂಪಾಗಿಡಬಲ್ಲದು. ಈ ಎಲೆಕ್ಟ್ರಿಕ್ ತ್ರಿಚಕ್ರ ವಾಹನದಲ್ಲಿ ರಿಜನರೇಟಿವ್ ಬ್ರೇಕಿಂಗ್ ಸಿಸ್ಟಂ ಅಳವಡಿಸಲಾಗಿದೆ. ಈ ಸಿಸ್ಟಂ ಬ್ರೇಕಿಂಗ್ ಮಾಡುವಾಗ ಬ್ಯಾಟರಿಯನ್ನು ಚಾರ್ಜ್ ಮಾಡುತ್ತದೆ.

ದೇಶದಲ್ಲಿನ ವ್ಯಾಕ್ಸಿನೇಷನ್ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡು ಈ ವಾಹನವನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಈ ವಾಹನದ ಬಿಡುಗಡೆ ಸಮಾರಂಭದಲ್ಲಿ ಒಮೆಗಾ ಸೈಕಿ ಮೊಬಿಲಿಟಿ ತಿಳಿಸಿದೆ. ಈ ವಾಹನವು ಎಂಜಿನ್ ಹೊಂದಿಲ್ಲವಾದ್ದರಿಂದ ಡೀಸೆಲ್ ತ್ರಿಚಕ್ರ ವಾಹನಗಳಂತೆ ಯಾವುದೇ ಮಾಲಿನ್ಯವನ್ನು ಹೊರಸೂಸುವುದಿಲ್ಲ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಒಮೆಗಾ ಸೈಕಿ ಮೊಬಿಲಿಟಿ ಕಂಪನಿಯ ಎಂಡಿ ಡಾ.ಡೆಬ್ ಮುಖರ್ಜಿ ಮಾತನಾಡಿ, ಈ ವಾಹನವು ದೂರದ ಪ್ರದೇಶಗಳಿಗೆ ಲಸಿಕೆಯನ್ನು ಸುಲಭವಾಗಿ ತಲುಪಿಸುತ್ತದೆ.ಇದರ ಜೊತೆಗೆ ಈ ವಾಹನವನ್ನು ಇತರ ಲಸಿಕೆ ಹಾಗೂ ಆಹಾರ ಪದಾರ್ಥಗಳನ್ನು ಸಾಗಿಸಲು ಸಹ ಬಳಸಬಹುದು ಎಂದು ಹೇಳಿದರು.