Just In
- 10 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 11 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 12 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 12 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹತ್ತು ಲಕ್ಷ ಸವಾರಿ ಪೂರ್ಣಗೊಳಿಸಿದ ರ್ಯಾಪಿಡೋ ಆಟೋ ಟ್ಯಾಕ್ಸಿ
ಬೈಕ್ ಟ್ಯಾಕ್ಸಿ ಸೇವೆಯಲ್ಲಿ ಮುಂಚೂಣಿಯಲ್ಲಿರುವ ರ್ಯಾಪಿಡೋ ಕಂಪನಿಯು ತನ್ನ ಆಟೋ ಟ್ಯಾಕ್ಸಿ ಪ್ಲಾಟ್ಫಾರಂನಲ್ಲಿ ಹತ್ತು ಲಕ್ಷ ಸವಾರಿಗಳನ್ನು ಪೂರ್ಣಗೊಳಿಸಿರುವುದಾಗಿ ತಿಳಿಸಿದೆ. ರ್ಯಾಪಿಡೋ ಕಂಪನಿಯು 2020ರ ಅಕ್ಟೋಬರ್ ತಿಂಗಳಿನಲ್ಲಿ ಆಟೋ ಟ್ಯಾಕ್ಸಿ ಸೇವೆಗಳನ್ನು ಆರಂಭಿಸಿತು.
ರ್ಯಾಪಿಡೋ ಕಂಪನಿಯು 25 ನಗರಗಳಲ್ಲಿ ಆಟೋ ಟ್ಯಾಕ್ಸಿ ಸೇವೆಗಳನ್ನು ನೀಡುತ್ತದೆ. ಆರಂಭವಾದ 5 ತಿಂಗಳುಗಳಲ್ಲಿ ಕಂಪನಿಯು 10 ಲಕ್ಷ ಸವಾರಿಯ ಪ್ರಮುಖ ಸಾಧನೆಯನ್ನು ಪೂರ್ಣಗೊಳಿಸಿದೆ. ರ್ಯಾಪಿಡೋ ಕಂಪನಿಯು ತನ್ನ ಆಟೋ ಟ್ಯಾಕ್ಸಿ ಸೇವೆಗಾಗಿ 70,000ಕ್ಕೂ ಹೆಚ್ಚು ಆಟೋ ಡ್ರೈವರ್ಗಳನ್ನು ನೇಮಿಸಿಕೊಂಡಿದೆ. ಮುಂದಿನ ಆರು ತಿಂಗಳುಗಳಲ್ಲಿ 5 ಲಕ್ಷ ಹೊಸ ಆಟೋ ಚಾಲಕರನ್ನು ನೇಮಿಸಿಕೊಳ್ಳಲು ಕಂಪನಿಯು ನಿರ್ಧರಿಸಿದೆ.
ಕಂಪನಿಯು ಮಹಿಳಾ ಸಬಲೀಕರಣದ ಬಗ್ಗೆಯೂ ಗಮನ ಹರಿಸುತ್ತಿದ್ದು, ತರಬೇತಿ ಪಡೆದ ಮಹಿಳಾ ಚಾಲಕರನ್ನು ನೇಮಿಸಿಕೊಂಡಿದೆ. ರ್ಯಾಪಿಡೋ ಆಟೋ ಟ್ಯಾಕ್ಸಿ ಸುರಕ್ಷಿತವಾದ, ಕೈಗೆಟುಕುವ ಬೆಲೆಯ ಸೇವೆಯನ್ನು ಒದಗಿಸುತ್ತದೆ. ಹೈದರಾಬಾದ್, ಚೆನ್ನೈ, ದೆಹಲಿಯಂತಹ ನಗರಗಳಲ್ಲಿ ಟ್ಯಾಕ್ಸಿ ಸೇವೆಗಳಿಗೆ ಹೆಚ್ಚಿನ ಬೇಡಿಕೆ ಇದೆ ಎಂದು ಕಂಪನಿ ಹೇಳಿದೆ.
MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ
ರ್ಯಾಪಿಡೋ ಆಟೋದ ಈ ಸಾಧನೆಯ ಕುರಿತು ಮಾತನಾಡಿರುವ ಕಂಪನಿಯ ಸಹ-ಸಂಸ್ಥಾಪಕ ಅರವಿಂದ್ ಶಂಕಾ, ಕರೋನಾ ಅವಧಿಯಲ್ಲಿ ರ್ಯಾಪಿಡೋ ಸುರಕ್ಷಿತ ಸಾರಿಗೆ ಸಾಧನವಾಗಿ ಹೊರಹೊಮ್ಮಿದೆ. ರ್ಯಾಪಿಡೋ ಆಟೋ ಟ್ಯಾಕ್ಸಿ ತನ್ನ ಗ್ರಾಹಕರಿಗೆ ಸುರಕ್ಷಿತ ಸವಾರಿಯನ್ನು ಒದಗಿಸುವ ವಿಶ್ವಾಸವನ್ನು ಹೊಂದಿದೆ.
ಕರೋನಾ ಸಾಂಕ್ರಾಮಿಕದ ಅವಧಿಯಲ್ಲಿ ದೇಶದಲ್ಲಿ ವೈಯಕ್ತಿಕ ಸಾರಿಗೆ ಸಂಪನ್ಮೂಲಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಈ ಪರಿಸ್ಥಿತಿಯಲ್ಲಿ ರ್ಯಾಪಿಡೋ ಬೈಕ್ ಹಾಗೂ ಆಟೋಗಳು ಜನರಿಗೆ ಸುರಕ್ಷಿತ ಸಾರಿಗೆಯನ್ನು ಒದಗಿಸುತ್ತಿವೆ. ರ್ಯಾಪಿಡೋದಲ್ಲಿರುವ ಪ್ರತಿ ಆಟೋ ಟ್ಯಾಕ್ಸಿ ಹಾಗೂ ಬೈಕುಗಳಲ್ಲಿ ಜಿಪಿಎಸ್ ಆಧಾರಿತ ರೈಡ್ ಟ್ರ್ಯಾಕಿಂಗ್ ಸಿಸ್ಟಂ ಅಳವಡಿಸಲಾಗಿದೆ.
MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು
ರ್ಯಾಪಿಡೋ ಬಳಕೆದಾರರು ತಮ್ಮ ಸವಾರಿಗಳ ಬಗೆಗಿನ ವಿವರಗಳನ್ನು ಆ್ಯಪ್ ಮೂಲಕ ಶೇರ್ ಮಾಡಿಕೊಳ್ಳಬಹುದು. ಸವಾರಿಯ ನಂತರ ಕಂಪನಿಯು ಪ್ರತಿ ಗ್ರಾಹಕರಿಂದ ಪ್ರತಿಕ್ರಿಯೆಯನ್ನು ತೆಗೆದುಕೊಳ್ಳುತ್ತದೆ. ಇದರಿಂದ ತಾನು ನೀಡುವ ಸೇವೆಯ ಬಗೆಗಿನ ಮಾಹಿತಿಯನ್ನು ಕಂಪನಿಯು ಪಡೆಯಬಹುದು. ರ್ಯಾಪಿಡೋ ಕಂಪನಿಯು 2015ರಲ್ಲಿ ಬೈಕ್ ಟ್ಯಾಕ್ಸಿ ಪರಿಕಲ್ಪನೆಯನ್ನು ಭಾರತದಲ್ಲಿ ಪರಿಚಯಿಸಿತು.
ರ್ಯಾಪಿಡೋ ಭಾರತದ ಅತಿದೊಡ್ಡ ಬೈಕ್ ಟ್ಯಾಕ್ಸಿ ಸೇವಾ ಪೂರೈಕೆದಾರ ಕಂಪನಿಯಾಗಿದೆ. ಕಂಪನಿಯು ಹತ್ತುಲಕ್ಷಕ್ಕೂ ಹೆಚ್ಚಿನ ಸವಾರಿ ಪಾಲುದಾರರೊಂದಿಗೆ 100 ನಗರಗಳಲ್ಲಿ ಸೇವೆಯನ್ನು ನೀಡುತ್ತಿದೆ. ರ್ಯಾಪಿಡೋ ಕಂಪನಿಯು ಭಾರತದಲ್ಲಿ ಒಂದು ಕೋಟಿಗೂ ಹೆಚ್ಚು ಗ್ರಾಹಕರನ್ನು ಹೊಂದಿದೆ.
MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ
ಕಂಪನಿಯು ಬೆಂಗಳೂರು, ದೆಹಲಿ, ಮುಂಬೈ, ಹೈದರಾಬಾದ್, ಚೆನ್ನೈ, ಪುಣೆ ಸೇರಿದಂತೆ 100 ನಗರಗಳಲ್ಲಿ ತನ್ನ ಬೈಕ್ ಸೇವೆಯನ್ನು ನೀಡುತ್ತಿದೆ. ಸದ್ಯಕ್ಕೆ 25 ನಗರಗಳಲ್ಲಿ ಆಟೋ ಸೇವೆಯನ್ನು ಆರಂಭಿಸಲಾಗಿದೆ. ರ್ಯಾಪಿಡೋ ಆ್ಯಪ್ ಮೂಲಕ ಬುಕ್ಕಿಂಗ್ ಮಾಡುವವರಿಗೆ ಹಲವು ರಿಯಾಯಿತಿ ಹಾಗೂ ಕೂಪನ್'ಗಳನ್ನು ನೀಡಲಾಗುತ್ತದೆ. ಕ್ಯಾಶ್ಬ್ಯಾಕ್ ಅನ್ನು ಸಹ ನೀಡಲಾಗುತ್ತದೆ.
ಲಾಕ್ಡೌನ್ ಅವಧಿಯಲ್ಲಿ ರ್ಯಾಪಿಡೋ ಕಂಪನಿಯು ಬಿಗ್ ಬಾಸ್ಕೆಟ್, ಬಿಗ್ ಬಜಾರ್ ಹಾಗೂ ಸ್ಪೆನ್ಸರ್'ನಂತಹ ಮಾರಾಟ ಮಳಿಗೆಗಳೊಂದಿಗೆ ಪಾಲುದಾರಿಕೆ ಮಾಡಿಕೊಂಡು ಜನರಿಗೆ ಅಗತ್ಯ ವಸ್ತುಗಳನ್ನು ಮನೆ ಬಾಗಿಲಿಗೆ ತಲುಪಿಸಿತು. ರ್ಯಾಪಿಡೋ ಕಂಪನಿಯ ಡೋರ್ ಡೆಲಿವರಿ ಸರ್ವೀಸ್ ದೇಶದ 90 ನಗರಗಳಲ್ಲಿ ಲಭ್ಯವಿದೆ. ಡೆಲಿವರಿ ಸರ್ವೀಸ್'ಗಾಗಿ 70%ನಷ್ಟು ಚಾಲಕರು ಲಭ್ಯವಿದ್ದಾರೆ. ಕಂಪನಿಯು ತನ್ನ ವಿತರಣಾ ಸೇವೆಗಳನ್ನು ವಿಸ್ತರಿಸಲು ಗ್ರೋಫರ್ಸ್, ಡಂಜೊ, ಫ್ರೆಶ್ಹೋಮ್ನೊಂದಿಗೆ ಸಹಭಾಗಿತ್ವವನ್ನು ಮಾಡಿಕೊಳ್ಳಲಿದೆ.