ದೇಶೀಯ ಮಾರುಕಟ್ಟೆಯಲ್ಲಿ ಆಡಿ 'Q5 ವಿಶೇಷ ಆವೃತ್ತಿ' ಬಿಡುಗಡೆ: ಬೆಲೆ ಮತ್ತು ವಿವರಗಳು...

ಪ್ರಸ್ತುತ ಬಿಡುಗಡೆಯಾದ Q5 ವಿಶೇಷ ಆವೃತ್ತಿಯು ಈಗ ಕೆಲವು ಕಾಸ್ಮೆಟಿಕ್ ನವೀಕರಣಗಳನ್ನು ಪಡೆದಿದೆ. ಇದಲ್ಲದೇ ವಿಶೇಷ ಬೆಲೆಯಲ್ಲಿ ಆಕ್ಸೆಸರೀಸ್ ಪ್ಯಾಕೇಜ್ ಕೂಡ ಲಭ್ಯವಿದೆ. ಹೊಸ ಆಡಿ ಕ್ಯೂ5 ವಿಶೇಷ ಆವೃತ್ತಿಯ ಬೆಲೆ ರೂ. 67.05 ಲಕ್ಷ (ಎಕ್ಸ್ ಶೋ ರೂಂ). ಈ ಐಷಾರಾಮಿ ಎಸ್‌ಯುವಿ ವಿನ್ಯಾಸ, ವೈಶಿಷ್ಟ್ಯಗಳು ಮತ್ತು ಇತರ ವಿವರಗಳನ್ನು ಇಲ್ಲಿ ತಿಳಿಯೋಣ.

ಆಡಿ Q5 ವಿಶೇಷ ಆವೃತ್ತಿಯು ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಲಭ್ಯವಿರುತ್ತದೆ. ಆದರೆ ಇದು ಅದರ ಸ್ಟ್ಯಾಂಡರ್ಡ್ ಮಾಡೆಲ್‌ಗಿಂತಲೂ ಹೆಚ್ಚು ದುಬಾರಿಯಾಗಿದೆ. ಅಂದರೆ ರೂ. 84,000 ದಷ್ಟು ಬೆಲೆ ಹೆಚ್ಚಾಗಿದೆ. ಹೊಸ ವಿಶೇಷ ಆವೃತ್ತಿಯು ವಿನ್ಯಾಸ ನವೀಕರಣಗಳನ್ನು ಪಡೆದಿದ್ದರೂ, ಎಂಜಿನ್‌ನಲ್ಲಿ ಯಾವುದೇ ಬದಲಾವಣೆಗಳಾಗಿಲ್ಲ.

ಹಾಗಾಗಿ ಈ ವಿಶೇಷ ಆವೃತ್ತಿ ಕೂಡ ಅದೇ ಕಾರ್ಯಕ್ಷಮತೆಯನ್ನು ನೀಡುತ್ತದೆ. ದೇಶೀಯ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಹೊಸ ಆಡಿ ಕ್ಯೂ5 ವಿಶೇಷ ಆವೃತ್ತಿಯು ಡಿಸ್ಟ್ರಿಕ್ಟ್ ಗ್ರೀನ್ ಮತ್ತು ಐಬಿಸ್ ವೈಟ್ ಎಂಬ ಎರಡು ವಿಶಿಷ್ಟ ಪೇಂಟ್ ಶೇಡ್‌ಗಳಲ್ಲಿಯೂ ಲಭ್ಯವಿದೆ. ಇವೆರಡೂ ನೋಡಲು ಬಹಳ ಆಕರ್ಷಕವಾಗಿವೆ.

ಕೆಲವು ಸ್ಟೈಲಿಂಗ್ ಪ್ಯಾಕೇಜ್‌ಗಳನ್ನು ಬಾಹ್ಯ ವಿನ್ಯಾಸಕ್ಕೆ ವ್ಯತಿರಿಕ್ತವಾಗಿ ಕಾಣಬಹುದು. ವಿಂಗ್ ಮಿರರ್‌ಗಳಿಗೆ ಬ್ಲ್ಯಾಕ್ಡ್ ಔಟ್ ಫಿನಿಶ್, ಗ್ರಿಲ್ ಮತ್ತು ಟೈಲ್‌ಗೇಟ್‌ನಲ್ಲಿ ಆಡಿ ಲೋಗೋ, ರೂಫ್ ರೈಲ್‌ಗಳು ಮತ್ತು 5-ಸ್ಪೋಕ್ ವೀಲ್‌ಗಳಿಗೆ ಹೊಸ ಗ್ರ್ಯಾಫೈಟ್ ಗ್ರೇ ಫಿನಿಶ್ ಇದರಲ್ಲಿ ಸೇರಿದೆ.

Audi Q5 ವಿಶೇಷ ಆವೃತ್ತಿಯ ಒಳಭಾಗವು ಯಾವುದೇ ಪ್ರಮುಖ ನವೀಕರಣಗಳನ್ನು ಪಡೆಯುವುದಿಲ್ಲ, ಆದರೆ ಇದು ಬಿಡಿಭಾಗಗಳ ಪ್ಯಾಕೇಜ್ ಅನ್ನು ಹೊಂದಿದೆ. ಯಾವುದೇ ನವೀಕರಣಗಳಿಲ್ಲದಿದ್ದರೂ, ರನ್ನಿಂಗ್ ಬೋರ್ಡ್‌ಗಳು ಮತ್ತು ಸಿಲ್ವರ್‌ ಫಿನಿಷ್ಡ್ 'ಆಡಿ ರಿಂಗ್' ಫಾಯಿಲ್ ಅನ್ನು ನೀಡಿದೆ. ವಿಶೇಷ ಬೆಲೆಯ ಅಕ್ಸೆಸೊರಿ ಪ್ಯಾಕೇಜ್ ಅನ್ನು ಆಡಿ ನೀಡುತ್ತಿದೆ.

Audi Q5 ವಿಶೇಷ ಆವೃತ್ತಿಯ ಒಳಭಾಗವು ಯಾವುದೇ ಪ್ರಮುಖ ನವೀಕರಣಗಳನ್ನು ಪಡೆಯುವುದಿಲ್ಲ, ಆದರೆ ಇದು ಬಿಡಿಭಾಗಗಳ ಪ್ಯಾಕೇಜ್ ಅನ್ನು ಹೊಂದಿದೆ. ಯಾವುದೇ ನವೀಕರಣಗಳಿಲ್ಲದಿದ್ದರೂ, ರನ್ನಿಂಗ್ ಬೋರ್ಡ್‌ಗಳು ಮತ್ತು ಸಿಲ್ವರ್‌ ಫಿನಿಷ್ಡ್ 'ಆಡಿ ರಿಂಗ್' ಫಾಯಿಲ್ ಅನ್ನು ನೀಡಿದೆ. ವಿಶೇಷ ಬೆಲೆಯ ಅಕ್ಸೆಸೊರಿ ಪ್ಯಾಕೇಜ್ ಅನ್ನು ಆಡಿ ನೀಡುತ್ತಿದೆ.

ಕಂಪನಿಯ ಈ ವಿಶೇಷ ಆವೃತ್ತಿಯು ಪ್ರಮಾಣಿತ ಮಾದರಿಯ ಬಹುತೇಕ ಎಲ್ಲಾ ವೈಶಿಷ್ಟ್ಯಗಳನ್ನು ಪಡೆಯುತ್ತದೆ. ಆದ್ದರಿಂದ ಇದು ಪನೋರಮಿಕ್ ಸನ್‌ರೂಫ್, ಮೆಮೊರಿ ವಿತ್ ಮೂವಿಂಗ್ ಫ್ರಂಟ್ ಸೀಟ್, ತ್ರೀ-ಝೋನ್ ಕ್ಲೈಮೆಟ್ ಕಂಟ್ರೋಲ್, ಆಂಬಿಯೆಂಟ್ ಲೈಟಿಂಗ್, 10.1-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, 12.3-ಇಂಚಿನ ಆಡಿ ವರ್ಚುವಲ್ ಕಾಕ್‌ಪಿಟ್ ಇತ್ಯಾದಿಗಳನ್ನು ಪಡೆದಿದೆ.

ಆಡಿ Q5 ವಿಶೇಷ ಆವೃತ್ತಿಯು 2.0-ಲೀಟರ್ ನಾಲ್ಕು ಸಿಲಿಂಡರ್ ಟರ್ಬೊ-ಪೆಟ್ರೋಲ್ ಎಂಜಿನ್ ಅನ್ನು ಪಡೆಯುತ್ತದೆ. ಇದು 249 HP ಪವರ್ ಮತ್ತು 370 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ ಅನ್ನು 7-ಸ್ಪೀಡ್ ಡ್ಯುಯಲ್-ಕ್ಲಚ್ ಸ್ವಯಂಚಾಲಿತ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ.

ಇದು ಕೇವಲ 6.3 ಸೆಕೆಂಡುಗಳಲ್ಲಿ 0 ರಿಂದ 100 kmph ವೇಗವನ್ನು ಪಡೆಯುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 237 ಕಿಲೋಮೀಟರ್ ಆಗಿದೆ. ಆಡಿ Q5 ವಿಶೇಷ ಆವೃತ್ತಿಯು ಒಟ್ಟು 6 ಡ್ರೈವಿಂಗ್ ಮೋಡ್‌ಗಳನ್ನು ಪಡೆಯುತ್ತದೆ. ಅವುಗಳೆಂದರೆ ಕಂಫರ್ಟ್, ಡೈನಾಮಿಕ್, ಇಂಡಿವಿಜುವಲ್, ಆಟೋ, ದಕ್ಷತೆ ಮತ್ತು ಆಫ್ ರೋಡ್ ಮೋಡ್‌ಗಳು.

ಇವುಗಳ ಮೂಲಕ ಬಳಕೆದಾರರು ತಮ್ಮ ಆಯ್ಕೆಯ ಡ್ರೈವಿಂಗ್ ಮೋಡ್‌ನಲ್ಲಿ ಚಾಲನೆ ಮಾಡಬಹುದು. ಇವೆಲ್ಲವೂ ವಾಹನ ಬಳಕೆದಾರರಿಗೆ ಉತ್ತಮ ಚಾಲನಾ ಅನುಭವವನ್ನು ನೀಡುತ್ತವೆ. ಇನ್ನು ಆಡಿ ಕಂಪನಿ ಎಲ್ಲರಿಗೂ ತಿಳಿದಿರುವಂತೆ ಪ್ರೀಮಿಯಂ ಬ್ರಾಂಡ್ ಆಗಿದ್ದು, ಇದರ Q5 ಮಾದರಿಯು ಇತ್ತೀಚೆಗೆ ಭಾರೀ ಬೇಡಿಕೆಯನ್ನು ಪಡೆದುಕೊಂಡಿದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ:

ಈಗಾಗಲೇ ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದಿರುವ ಆಡಿ ಕ್ಯೂ5 ಎಸ್ ಯುವಿ ವಿಶೇಷ ಆವೃತ್ತಿಯಲ್ಲಿ ಬಿಡುಗಡೆಯಾಗಲಿದ್ದು, ಹೆಚ್ಚಿನ ಆಡಿ ಗ್ರಾಹಕರು ಖರೀದಿಸಲು ಅವಕಾಶವಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಹೊಸ ಆಡಿ ಕ್ಯೂ5 ಎಸ್‌ಯುವಿಯು ಮರ್ಸಿಡಿಸ್ ಬೆಂಝ್, ಬಿಎಂಡಬ್ಲ್ಯು ಎಕ್ಸ್3, ಲ್ಯಾಂಡ್ ರೋವರ್ ಡಿಸ್ಕವರಿ ಸ್ಪೋರ್ಟ್ ಮತ್ತು ವೋಲ್ವೋ ಎಕ್ಸ್‌ಸಿ60 ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಲಿದೆ.