Just In
- 1 hr ago Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- 1 hr ago ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು?
- 3 hrs ago HSRP ನಂಬರ್ ಪ್ಲೇಟ್ನಲ್ಲಿ ನಡೆಯುತ್ತಿದೆ ಭಾರೀ ಮೋಸ: ಬುಕ್ ಮಾಡದವರು ಇದನ್ನು ಗಮನಿಸಿ!
- 3 hrs ago Nissan Magnite: ಕಾಮಧೇನುವಾದ ನಿಸ್ಸಾನ್ ಮ್ಯಾಗ್ನೈಟ್.. 6 ಲಕ್ಷ ಬೆಲೆ, 20 ಕಿ.ಮೀ ಮೈಲೇಜ್
Don't Miss!
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಂತ ಕೈಗೆಟುಕುವ ಹ್ಯಾಚ್ಬ್ಯಾಕ್ ಮಾದರಿಗಳಿವು
ಕಳೆದ ಎರಡು ವರ್ಷಗಳಿಂದ ಭಾರತದಲ್ಲಿ ಕಾರುಗಳ ಬೆಲೆಗಳು ವೇಗವಾಗಿ ಬೆಳೆಯುತ್ತಿವೆ. ಇನ್ಪುಟ್ ಮತ್ತು ಉತ್ಪಾದನಾ ವೆಚ್ಚಗಳಲ್ಲಿನ ಹೆಚ್ಚಳವು ವಾಹನಗಳ ಬೆಲೆಗಳ ಏರಿಕೆಗೆ ಮುಖ್ಯ ಕಾರಣವಾಗಿದೆ ಎಂದು ಕಂಪನಿಗಳು ಹೇಳುತ್ತಿವೆ.
ಹೊಸ ಕಾರನ್ನು ಖರೀದಿಸುವವರಿಗೆ ಇದು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿದ್ದು, ಹೊಸ ಆರ್ಥಿಕ ವರ್ಷ ಮತ್ತು ಹೊಸ ಕ್ಯಾಲೆಂಡರ್ ವರ್ಷ ಪ್ರಾರಂಭವಾಗುತ್ತಿದ್ದಂತೆ ವಾಹನಗಳ ಬೆಲೆ ಏರಿಕೆ ಕಂಪನಿಗಳಿಗೆ ಒಂದು ಸಮಾರಂಭವಾಗಿ ಮಾರ್ಪಟ್ಟಿದೆ. ಕಂಪನಿಗಳು ಒಂದಲ್ಲ ಒಂದು ಕಾರಣ ಹೇಳಿಕೊಂಡು ಕೆಲ ತಿಂಗಳುಗಳಿಂದ ಬೆಲೆಗಳನ್ನು ಹೆಚ್ಚಿಸಲು ಪ್ರಯತ್ನಿಸುತ್ತವೆ ಎಂಬುದು ಕಟು ಸತ್ಯವಾಗಿದೆ.
ಈ ಕಾರಣಗಳಿಂದಾಗಿ ಹೊಸ ಕಾರನ್ನು ಖರೀದಿಸಲು ಬಯಸುವ ಗ್ರಾಹಕರು ಹೆಚ್ಚು ಹಣವನ್ನು ಖರ್ಚು ಮಾಡಬೇಕಾಗುತ್ತಿದೆ. ಈ ನಡುವೆಯೂ ಕೆಲ ಬ್ರ್ಯಾಂಡ್ಗಳು ಗ್ರಾಹಕರಿಗೆ ಹತ್ತಿರವಾಗಳು ಕೈಗೆಟುಕುವ ಬೆಲೆಗೆ ಕೆಲ ಹ್ಯಾಚ್ಬ್ಯಾಕ್ ಮಾದರಿಗಳನ್ನು ಪರಿಚಯಿಸಿದ್ದು, ಸಣ್ಣ ಬಜೆಟ್ನಲ್ಲಿ ಹೊಸ ಕಾರನ್ನು ಖರೀದಿಸಲು ಯೋಜಿಸಿದ್ದರೆ ಈ ಕಾರುಗಳನ್ನು ಖಂಡಿತವಾಗಿಯೂ ನೀವು ಪರಿಗಣಿಸಬಹುದು.
ಹ್ಯುಂಡೈ ಸ್ಯಾಂಟ್ರೋ
ಹ್ಯುಂಡೈ ಸ್ಯಾಂಟ್ರೋ ಎಲ್ಲರಿಗೂ ಪರಿಚಿತವಿರುವ ಒಂದು ಮಾದರಿ. ಪ್ರಸ್ತುತ ಸ್ಯಾಂಟ್ರೋ ಬಜೆಟ್ ಕಾರ್ ಸೆಗ್ಮೆಂಟ್ನ ಅತ್ಯುತ್ತಮ ಮಾದರಿಗಳಲ್ಲಿ ಒಂದಾಗಿದೆ, ಈ ಹ್ಯಾಚ್ಬ್ಯಾಕ್ 1.1-ಲೀಟರ್ ಪೆಟ್ರೋಲ್ ಎಂಜಿನ್ ಆಗಿದ್ದು, ಇದನ್ನು 5-ಸ್ಪೀಡ್ ಮ್ಯಾನುವಲ್ ಗೇರ್ಬಾಕ್ಸ್ ಅಥವಾ 5-ಸ್ಪೀಡ್ ಎಎಂಟಿ ಆಟೋಮ್ಯಾಟಿಕ್ನಂತಹ ಆಯ್ಕೊಂದಿಗೆ ಖರೀದಿಸಬಹುದು.
ಹ್ಯುಂಡೈ ಸ್ಯಾಂಟ್ರೋದ 1.1-ಲೀಟರ್ ಆವೃತ್ತಿಯು 69 ಬಿಹೆಚ್ಪಿ ಪವರ್ನಲ್ಲಿ 99 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದಲ್ಲದೆ, ಕಂಪನಿಯು ಈ ಪ್ರವೇಶ-ಮಟ್ಟದ ಹ್ಯಾಚ್ಬ್ಯಾಕ್ನಲ್ಲಿ ಸಿಎನ್ಜಿ ಆಯ್ಕೆಯನ್ನು ಸಹ ನೀಡುತ್ತಿದೆ. ನ್ಯಾಚುರಲ್ ಗ್ಯಾಸ್ ಆದರಿಸಿದರೆ, ಎಂಜಿನ್ ಶಕ್ತಿಯು 60 ಬಿಹೆಚ್ಪಿ ಮತ್ತು 85 ಎನ್ಎಂ ಟಾರ್ಕ್ಗೆ ಇಳಿಯುತ್ತದೆ.
ಇನ್ನು ಇದರಲ್ಲಿ ಮ್ಯಾನುವಲ್ ಗೇರ್ ಬಾಕ್ಸ್ ಆಯ್ಕೆ ಮಾತ್ರ ಲಭ್ಯವಿದೆ. ಹ್ಯುಂಡೈ ಸ್ಯಾಂಟ್ರೋ ಬೆಲೆ 4.86 ಲಕ್ಷ ರೂ.ಗಳಿಂದ 6.44 ಲಕ್ಷ ರೂ.ಗಳವರೆಗೆ (ಎಕ್ಸ್ ಶೋರೂಂ ಇಂಡಿಯಾ) ಇದೆ.
ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ
ಮಾರುತಿಯ ಸಣ್ಣ ಕ್ರಾಸ್ಓವರ್ ಹ್ಯಾಚ್ಬ್ಯಾಕ್ನ ಎಸ್-ಪ್ರೆಸ್ಸೊ ಇಂದು ರಸ್ತೆಗಳಲ್ಲಿ ಸಂಚರಿಸುತ್ತಿರುವ ವರ್ಣರಂಜಿತ ಉಪಸ್ಥಿತಿಯಾಗಿದೆ. ಆರಂಭಿಕ ದಿನಗಳಲ್ಲಿ ಇದರ ವಿನ್ಯಾಸದ ಬಗ್ಗೆ ಅನೇಕ ಟೀಕೆಗಳು ಬಂದರೂ ಸಹ, ನಿಧಾನವಾಗಿ ಜನರಲ್ಲಿ ಜನಪ್ರಿಯವಾಯಿತು.
ಎಸ್-ಪ್ರೆಸ್ಸೊದ ಯಶಸ್ಸು ಅದರ ನೋಟದಿಂದ ಆಗಲಿಲ್ಲ ಬದಲಾಗಿ ಅದರ ಪ್ರಾಯೋಗಿಕತೆಯಿಂದಲೇ ಜನಪ್ರಿಯವಾಯಿತು. ಬಜೆಟ್ ಕಾರ್ ಸೆಗ್ಮೆಂಟ್ನಲ್ಲಿ ಉತ್ತಮ ಒಳಾಂಗಣ ಸ್ಥಳಾವಕಾಶವನ್ನು ಒದಗಿಸುವ ಮಾದರಿಯೂ ಇದಾಗಿದೆ. ಮಾರುತಿ ಸುಜುಕಿ ಕಾರು 1.0-ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದ್ದು, 68 ಬಿಹೆಚ್ಪಿ ಪವರ್ನಲ್ಲಿ 90 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಇದನ್ನು 5-ಸ್ಪೀಡ್ ಮ್ಯಾನುವಲ್ ಅಥವಾ 5-ಸ್ಪೀಡ್ ಎಎಂಟಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ನೊಂದಿಗೆ ಮಾರಾಟ ಮಾಡಲಾಗುತ್ತಿದೆ. ಗ್ರಾಹಕರು ಈ ಕಾರಿನಲ್ಲಿ ಸಿಎನ್ಜಿ ಆಯ್ಕೆಯನ್ನು ಸಹ ಪಡೆಯಬಹುದಾಗಿದೆ. ಪರ್ಯಾಯ ಎಂಜಿನ್ ಆಯ್ಕೆಯು 78 ಎನ್ಎಂ ಟಾರ್ಕ್ ಆಗಿದ್ದು, 59 ಬಿಹೆಚ್ಪಿ ಪವರ್ ಹೊಂದಿದೆ. ಕಾರಿನ ಎಕ್ಸ್ ಶೋರೂಂ ಬೆಲೆ 3.85 ಲಕ್ಷ ರೂ.ಗಳಿಂದ 5.56 ಲಕ್ಷ ರೂ.ಗಳವರೆಗೆ ಇದೆ.
ರೆನಾಲ್ಟ್ ಕ್ವಿಡ್
ರೆನಾಲ್ಟ್ ಕ್ವಿಡ್ ಸಣ್ಣ ಕ್ರಾಸ್ಓವರ್ ಹ್ಯಾಚ್ಬ್ಯಾಕ್ ಸೆಗ್ಮೆಂಟ್ನಲ್ಲಿ ಅತ್ಯಂತ ಸುಂದರವಾದ ಕಾರ್ ಆಗಿದೆ. ಈ ಮಾದರಿಯು ಸಣ್ಣ ಕಾರು ವಿಭಾಗದಲ್ಲಿ ಇತಿಹಾಸವನ್ನು ನಿರ್ಮಿಸುವಲ್ಲಿ ಯಶಸ್ವಿಯಾಗಿದೆ. ಕ್ವಿಡ್ ಅನ್ನು 800 ಸಿಸಿ ಪೆಟ್ರೋಲ್ ಎಂಜಿನ್ ಮತ್ತು 1.0-ಲೀಟರ್ 3-ಸಿಲಿಂಡರ್ ಪೆಟ್ರೋಲ್ ಎಂಜಿನ್ಲ್ಲಿ ಖರೀದಿಸಬಹುದು, ಇದು 54 ಬಿಹೆಚ್ಪಿ ಪವರ್ನಲ್ಲಿ 72 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
1.0-ಲೀಟರ್ ಆವೃತ್ತಿಯು 68 ಬಿಹೆಚ್ಪಿ ಪವರ್ ಮತ್ತು 91 ಎನ್ಎಂ ಟಾರ್ಕ್ ಅನ್ನು ನೀಡುತ್ತದೆ. ಎರಡೂ ಎಂಜಿನ್ಗಳಲ್ಲಿ 5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಲಭ್ಯವಿದೆ. ಸಾಮರ್ಥ್ಯದ ಘಟಕದಲ್ಲಿ ಒಂದು ಎಎಂಟಿ ಆಟೋಮ್ಯಾಟಿಕ್ ಅನ್ನು ಸಹ ಆಯ್ಕೆ ಮಾಡಬಹುದು. ರೆನಾಲ್ಟ್ ಕ್ವಿಡ್ ಹ್ಯಾಚ್ಬ್ಯಾಕ್ ಬೆಲೆ 4.49 ಲಕ್ಷ ರೂ.ಗಳಿಂದ 5.83 ಲಕ್ಷ ರೂ.ಗಳವರೆಗೆ (ಎಕ್ಸ್ ಶೋರೂಂ ಇಂಡಿಯಾ) ಇದೆ.
ದಟ್ಸನ್ ರೆಡಿ-ಗೋ
ನಿಸ್ಸಾನ್ನ ಬಜೆಟ್ ಕಾರು ವಿಭಾಗವಾಗಿದಲ್ಲಿರುವ ಎಂಟ್ರಿ ಲೆವೆಲ್ ಹ್ಯಾಚ್ಬ್ಯಾಕ್ ಸೆಗ್ಮೆಂಟ್ ನಲ್ಲಿ ರೆಡಿ-ಗೋ ಅನ್ನು ಅತ್ಯಂತ ಚಿಕ್ಕ ಕಾರು ಎನ್ನಬಹುದು. ನಿರಾಶಾದಾಯಕ ಸಂಗತಿಯೆಂದರೆ, ರೆಡಿ-ಗೋ ಭಾರತದಲ್ಲಿ ಹೆಚ್ಚು ಜನಪ್ರಿಯತೆ ಪಡೆದಿಲ್ಲ. ಆದರೂ ಇದು ಕೈಗೆಟುಕುವ, ಮಿತವ್ಯಯದ ಕಾರು ಮಾದರಿಗಳಲ್ಲಿ ಒಂದಾಗಿದೆ.
ದಟ್ಸನ್ ರೆಡಿ-ಗೋ ಗ್ರಾಹಕರು 0.8-ಲೀಟರ್ ಪೆಟ್ರೋಲ್, 68 ಬಿಹೆಚ್ಪಿ ಮತ್ತು 1.0-ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕೆಗಳನ್ನು 91 ಎನ್ಎಂ ಟಾರ್ಕ್ ಶಕ್ತಿಯೊಂದಿಗೆ ಬರುತ್ತದೆ. ಇದು 54 ಬಿಹೆಚ್ಪಿ ಮತ್ತು 72 ಎನ್ಎಂ ಟಾರ್ಕ್ ಅನ್ನು ನೀಡುತ್ತದೆ.
5-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಆಯ್ಕೆಯನ್ನು ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದ್ದು, 5-ಸ್ಪೀಡ್ ಎಎಂಟಿ ಆಯ್ಕೆಯು ದೊಡ್ಡ ಎಂಜಿನ್ನಲ್ಲಿಯೂ ಲಭ್ಯವಿದೆ. ಕಾರಿನ ಎಕ್ಸ್ ಶೋರೂಂ ಬೆಲೆ 3.83 ಲಕ್ಷ ರೂ.ಗಳಿಂದ 4.95 ಲಕ್ಷ ರೂ.ಗಳವರೆಗೆ ಇದೆ.
ಮಾರುತಿ ಸುಜುಕಿ ಆಲ್ಟೋ 800
ಮಾರುತಿ ಸುಜುಕಿ ಆಲ್ಟೋ 800, ಬಜೆಟ್ ಕಾರು ವಿಭಾಗದಲ್ಲಿ ಅತ್ಯಂತ ಜನಪ್ರಿಯ ಮಾದರಿಯಾಗಿದೆ. ವಿಶೇಷವೆಂದರೆ, ಆಲ್ಟೋ ಹ್ಯಾಚ್ಬ್ಯಾಕ್ ಮಾರುತಿ ಸುಜುಕಿಯ ಪ್ಯಾಸೆಂಜರ್ ಕಾರ್ ಲೈನ್-ಅಪ್ನಲ್ಲಿ 3.25 ಲಕ್ಷ ರೂ.ಗಳಿಂದ 4.95 ಲಕ್ಷ ರೂ.ಗಳವರೆಗೆ ಅತ್ಯಂತ ಕೈಗೆಟುಕುವ ಬೆಲೆಯ ವಾಹನವಾಗಿದೆ.
ಆಲ್ಟೋ 0.8-ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದ್ದು, 48 ಬಿಹೆಚ್ಪಿಯಲ್ಲಿ 69 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ವಾಹನವನ್ನು ಸಿಎನ್ಜಿ ಆಯ್ಕೆಯಲ್ಲಿ ಸಹ ಖರೀದಿಸಬಹುದು. ಇದು 41 ಬಿಹೆಚ್ಪಿ ಪವರ್ನಲ್ಲಿ 60 ಎನ್ಎಂ ಟಾರ್ಕ್ ಅನ್ನು ನೀಡುತ್ತದೆ. ಆಲ್ಟೋ ಗೇರ್ ಬಾಕ್ಸ್ ಆಯ್ಕೆಯಲ್ಲಿ ಕೇವಲ 5-ಸ್ಪೀಡ್ ಮ್ಯಾನುವಲ್ ಅನ್ನು ಮಾತ್ರ ನೀಡುತ್ತದೆ.