ಪ್ರಯಾಣಿಕ ಕಾರಾಗಿ ಬಿಂಬಿಸುವುದೇ ಅಂಬಿ ಮುಂದಿರುವ ಸವಾಲು?

ಈ ಹೊಸ ಎಂಜಿನ್ ಬಂದ ಮೇಲೂ ನಿರೀಕ್ಷಿಸದಷ್ಟು ಯಶ ಸಾಧಿಸುವಲ್ಲಿ ಅಂಬಾಸಿಡರ್ ವಿಫಲವಾಗಿತ್ತು. ಇವೆಲ್ಲಕ್ಕೂ ಮಾರ್ಗೋಪಾಯವೆಂಬಂತೆ ಆಧುನಕೆತೆಗೆ ಹೊಂದಿಕೊಂಡು ಹೊಸ ತಂತ್ರಜ್ಞಾನ ಅವಿಷ್ಕರಿಸುವುದೊಂದೇ ಅಂಬಿ ಮುಂದಿರುವ ಮಾರ್ಗವಾಗಿತ್ತು.

ಆದರೆ ಇಲ್ಲಿ ಪಶ್ಚಿಮ ಬಂಗಾಳ ಮೂಲದ ಈ ಕಂಪನಿಗೆ ಎದುರಾಗಿದ್ದ ಪ್ರಮುಖ ಸಮಸ್ಯೆ ಏನೆಂದರೆ ಹೊಸ ಎಂಜಿನ್ ನಿರ್ಮಿಸುವಷ್ಟು ಹೂಡಿಕೆ ಮಾಡಲು ಆರ್ಥಿಕವಾಗಿ ಶಕ್ತವಾಗಿಲ್ಲ. ಇದು ಇತರ ಕಾರು ಕಂಪನಿಗಳಿಂದ ಎಂಜಿನ್ ಆಮದುಕೊಳ್ಳಲು ಅಂಬಿಯನ್ನು ಪ್ರೇರಿಪಿಸಿದೆ.

ಇದರ ಫಲವೆಂಬಂತೆ ಫಿಯೆಟ್ ಮಲ್ಟಿಜೆಟ್ ಎಂಜಿನ್ ಆಮದು ಮಾಡಿಕೊಳ್ಳಲು ಅಂಬಿ ಯೋಚನೆ ನಡೆಸುತ್ತಿದೆ. ಈ ಬಗ್ಗೆ ಸರಿಯಾದ ಸಂದರ್ಭದಲ್ಲಿ ಮಾಹಿತಿ ಹೊರಗೆಡಲಿದ್ದೇವೆ ಎಂದು ಅಂಬಿ ಅಧ್ಯಕ್ಷ ಉತ್ತಮ್ ಬೋಸ್ ತಿಳಿಸಿದ್ದಾರೆ.

ಮುಂದಿನ ವರ್ಷ ಲಾಂಚ್ ಆಗಲಿರುವ ನಾಲ್ಕು ಮೀಟರ್ ಪರಿಧಿಯೊಳಗಿನ ಅಂಬಾಸಿಡರ್, ಸಾಮಾನ್ಯ ಅಂಬಾಸಿಡರ್‌ಗಿಂತಲೂ ಭಿನ್ನವಾಗಿ ಯುವ ಗ್ರಾಹಕರನ್ನು ಹೆಚ್ಚೆಚ್ಚು ಆಕರ್ಷಿಸುವ ನಿರೀಕ್ಷೆಯಲ್ಲಿದೆ.

2012-13 ಆರ್ಥಿಕ ವರ್ಷದಲ್ಲಿ ಹಿಂದೂಸ್ತಾನ್ ಮೋಟಾರ್ಸ್, 4000 ಅಂಬಾಸಿಡರ್ ಯುನಿಟ್‌ಗಳನ್ನಷ್ಟೇ ಮಾರಾಟಗೈಯುವಲ್ಲಿ ಯಶಸ್ವಿಯಾಗಿತ್ತು. ಹೊಸತಾದ ಬಿಎಸ್4 ಎಂಜಿನ್ ಆಗಮನದೊಂದಿಗೆ ಈ ಸಂಖ್ಯೆಯು ಪ್ರಸಕ್ತ ಆರ್ಥಿಕ ಸಾಲಿನ ಅಂತ್ಯದ ವೇಳೆಗೆ 6000 ಸಂಖ್ಯೆಗೆ ಏರಿಕೆಯಾಗುವ ನಿರೀಕ್ಷೆಯನ್ನಿಟ್ಟುಕೊಂಡಿದೆ.

ನೈಜ ಪರಿಸ್ಥಿತಿಯಲ್ಲಿ ಶೇಕಡಾ 70ಕ್ಕಿಂತಲೂ ಅಂಬಾಸಿಡರ್ ಮಾರಾಟ ಟ್ಯಾಕ್ಸಿ ಮಾರುಕಟ್ಟೆಯಲ್ಲಿ ನಡೆಯುತ್ತಿದೆ. ಪ್ರಸ್ತುತ ಈ ಕಳಂಕವನ್ನು ದೂರ ಮಾಡಿ 'ಪ್ರಯಾಣಿಕ ಕಾರೆಂದು' ಬಿಂಬಿಸುವುದು ಅಂಬಿ ಮುಂದಿರುವ ದೊಡ್ಡ ಸವಾಲಾಗಿದೆ.

ಅಂದ ಹಾಗೆ ಮುಂಬರುವ ದಿನಗಳಲ್ಲಿ ಆಗಮನವಾಗಲಿರುವ ಫಿಯೆಟ್ ಎಂಜಿನ್ ಪಡೆದ ನಾಲ್ಕು ಮೀಟರ್ ಪರಿಧಿಯೊಳಗಿನ ಅಂಬಿ ಕಾರು, ಮಹಾನಗರಗಳ ಹೊರತಾಗಿ ಉಪನಗರ ಹಾಗೂ ಗ್ರಾಮೀಣ ಮಾರುಕಟ್ಟೆಯನ್ನು ಹೆಚ್ಚೆಚ್ಚು ಟಾರ್ಗೆಟ್ ಮಾಡಲಿದೆ.