ಆಲ್ಟೊ ಹಿಂದಿಕ್ಕಿದ ಡಿಜೈರ್ ನಂ.1; ಟಾಪ್ 10 ಪಟ್ಟಿ ಯಾವುದು?

By Nagaraja

Published: Wednesday, August 20, 2014, 17:52 [IST]

ದೇಶದ ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ಆಲ್ಟೊ ಸಣ್ಣ ಕಾರಿನ ಅಧಿಪತ್ಯ ಕೊನೆಗೊಳಿಸಿರುವ ಮಾರುತಿಯದ್ದೇ ಆಗಿರುವ ಮಗದೊಂದು ಜನಪ್ರಿಯ ಮಾದರಿಯಾಗಿರುವ ಸ್ವಿಫ್ಟ್ ಡಿಜೈರ್ ಅಗ್ರಸ್ಥಾನ ದಾಖಲಿಸಿಕೊಂಡಿದೆ.

ಇವನ್ನೂ ಓದಿ: ಅತಿದೊಡ್ಡ 10 ವಾಹನ ತಯಾರಕ ಸಂಸ್ಥೆಗಳು

2014 ಜುಲೈ ತಿಂಗಳ ಮಾರಾಟ ಅಂಕಿಅಂಶದಲ್ಲಿ ಇಂತಹದೊಂದು ಗಮನಾರ್ಹ ಸಾಧನೆ ದಾಖಲಾಗಿದೆ. ಮಾರುಕಟ್ಟೆಯಲ್ಲಿ ಹೋಂಡಾ ಅಮೇಜ್‌ನಂತಹ ತಾಜಾ ಮಾದರಿಗಳ ಪೈಪೋಟಿಯನ್ನು ಸಮರ್ಥವಾಗಿ ಎದುರಿಸಿರುವ ಡಿಜೈರ್ ಕಾಂಪಾಕ್ಟ್ ವಿಭಾಗದಲ್ಲಿ ಉತ್ತಮ ಮಾರಾಟ ದಾಖಲಿಸುವಲ್ಲಿ ಯಶಸ್ವಿಯಾಗಿದೆ. ಈ ಮೂಲಕ ಸಾಂಪ್ರದಾಯಕವಾಗಿ ಸಣ್ಣ ಕಾರುಗಳನ್ನು ಖರೀದಿಸುತ್ತಿರುವವರು ನಿಧಾನವಾಗಿ ದೊಡ್ಡ ಕಾರುಗಳತ್ತ ವಾಲುತ್ತಿರುವ ದೃಶ್ಯ ಕಂಡುಬಂದಿದೆ. ಸ್ಮರ್ಧಾತ್ಮಕ ದರಗಳಲ್ಲಿ ಹೊಸ ಮಾದರಿಗಳು ದೊರಕುತ್ತಿರುವುದೇ ಇದರ ಹಿಂದಿರುವ ಪ್ರಮುಖ ಕಾರಣವಾಗಿದೆ. ಇಂದಿನ ಈ ಲೇಖನದಲ್ಲಿ 2014 ಜುಲೈ ತಿಂಗಳ ಮಾರಾಟದ ಆಧಾರದಲ್ಲಿ ಟಾಪ್ 10 ಕಾರು ಮಾದರಿಗಳ ಬಗ್ಗೆ ಮಾಹಿತಿಯನ್ನು ಕೊಡಲಿದ್ದೇವೆ.