ಸೈಕಲ್ ಸವಾರರೇ ಇನ್ನು ನೆಮ್ಮದಿಯಿಂದ ಚಲಿಸಿ

ಸಮೀಕ್ಷಾ ವರದಿಗಳ ಪ್ರಕಾರ ಯುರೋಪ್ ಟ್ರಾಫಿಕ್‌ನಲ್ಲಿ ಕಾರು ಜತೆಗಿನ ಅಪಘಾತದಿಂದಾಗಿ ಶೇಕಡಾ 50ರಷ್ಟು ಸೈಕಲ್ ಸವಾರರು ತಮ್ಮ ಪ್ರಾಣವನ್ನು ಕಳೆದುಕೊಳ್ಳುತ್ತಿದ್ದಾರೆ.

ವೋಲ್ವೋ ಸೈಕಲಿಸ್ಟ್ ಡಿಟೆಕ್ಷನ್ ಸಿಸ್ಟಂನಲ್ಲಿ ಅಳವಡಿಸಲಾಗಿರುವ ಸೊನಾರ್‌ನಂತಹ ಸೆನ್ಸಾರ್ ಸಿಸ್ಟಂ ಕಾರಿನ ಹತ್ತಿರದಲ್ಲಿರುವ ಸೈಕಲ್‌ಗಳನ್ನು ಪತ್ತೆ ಹಚ್ಚಲಿದೆ. ಹಾಗೆಯೇ ಸೆಂಟ್ರಲ್ ಕಂಟ್ರೋಲ್ ಯುನಿಟ್ ನಿರಂತರವಾಗಿ ಟ್ರಾಫಿಕ್ ಸಿಗ್ನಲ್‌ಗಳ ಬಗ್ಗೆ ಮಾಪನ ಮಾಡಲಿದೆ.

ಇದರ ಜತೆ ಜೋಡಣೆ ಮಾಡಲಾದ ರಿಯರ್ ವ್ಯೂ ಕ್ಯಾಮೆರಾ ಸೈಕಲ್ ಸವಾರ ಸೇರಿದಂತೆ ಪಾದಚಾರಿ ಹಾಗೂ ಇತರ ವಾಹನಗಳನ್ನು ಪತ್ತೆ ಹಚ್ಚಲು ನೆರವಾಗಲಿದೆ. ಅಂದ ಹಾಗೆ ನಿಮ್ಮ ಮುಂದೆ ಪಾದಚಾರಿಯಂತೆ ನಡೆದುಕೊಳ್ಳುವ ಯಾವುದಾದರೂ ಒಂದು ಕಾರು ಇದ್ದಲ್ಲಿ ಅದು ವೋಲ್ವೋ ಮಾತ್ರವಾಗಿರಲಿದೆ.

2013ರ ಮಧ್ಯಂತರ ಅವಧಿಯಲ್ಲಿ ಈ ಎಲ್ಲ ನೂತನ ಫೀಚರ್‌ಗಳು ವೋಲ್ವೋ ಕಾರಿಗೆ ಆಳವಡಿಕೆಯಾಗಲಿದೆ. ವೋಲ್ವೋ ವಿ40, ಎಸ್‌60, ವಿ60, ಎಕ್ಸ್‌ಸಿ60, ವಿ70, ಎಕ್ಸ್‌ಸಿ70 ಹಾಗೂ ಎಸ್80 ಮಾಡೆಲ್‌ಗಳಲ್ಲಿ ಇದು ಆಳವಡಿಕೆಯಾಗಲಿದೆ.

ಆಟೋ ಜಗತ್ತಿನಲ್ಲೇ ಇದೇ ಮೊದಲ ಬಾರಿಗೆ ಇಂತಹದೊಂದು ತಂತ್ರಜ್ಞಾನ ಅಭಿವೃದ್ಧಿಪಡಿಸಲಾಗಿದೆ.

ಇದೇ ಸಂದರ್ಭದಲ್ಲಿ ಭವಿಷ್ಯದಲ್ಲಿ ಮತ್ತಷ್ಟು ಡಿಟೆಕ್ಷನ್ ಸಿಸ್ಟಂ ಅಭಿವೃದ್ಧಿಪಡಿಸಲು ವೋಲ್ವೋ ಯೋಜನೆ ಹೊಂದಿದೆ. ಕುದುರೆ ಹಾಗೂ ಜಿಂಕೆಗಳಂತಹ ವನ್ಯ ಜೀವಿಗಳನ್ನು ಸಂರಕ್ಷಿಸುವುದು ಇದರ ಉದ್ದೇಶವಾಗಿದೆ.

ಈ ಎಲ್ಲ ವಿಚಾರಗಳು ಪಾದಚಾರಿಗಳ ಬಗ್ಗೆಯಿದ್ದ ವೋಲ್ವೋ ಕಾಳಜಿಯನ್ನು ಎತ್ತಿ ತೋರಿಸುತ್ತಿದೆ.