ಕಾರಿನ ಗೇರ್ ಸ್ಕಿಪ್ ಮಾಡುವುದರಿಂದ ಗೇರ್‌ಬಾಕ್ಸ್ ಹಾಳಾಗುತ್ತಾ.?

ಸಾಕಷ್ಟು ಪ್ರಖ್ಯಾತಿ ಪಡೆದುಕೊಡಿರುವ ಮಾನ್ಯುಯಲ್ ಕಾರುಗಳಲ್ಲಿ ಗೇರ್‌ಬಾಕ್ಸ್‌ನ ಕಡೆ ಹೆಚ್ಚು ಗಮನಹರಿಸಬೇಕಾಗುತ್ತದೆ. ಕಾರಿನ ಜೊತೆ ಯಾವುದೇ ರೀತಿಯ ವಿವರಣೆ ನೀಡುವ ಗೈಡ್ ಓದಿದರೂ ಸಹ, ತಾವೇ ಕಾರನ್ನು ಚಲಾಯಿಸದ ಹೊರತು, ಅದರ ಬಗ್ಗೆ ಸವಿವರವಾಗಿ ತಿಳಿದುಕೊಳ್ಳುವುದು ಕಷ್ಟ ಸಾದ್ಯ.

ದಿನವೂ ಸಹ ಮಾನ್ಯುಯಲ್ ಗೇರ್ ಬಾಕ್ಸ್ ಕಾರನ್ನು ಚಾಲನೆ ಮಾಡುವ ಚಾಲಕನಿಗೆ, ಕಾರಿನ ಮೇಲೆ ಹಿಡಿತವಿರುತ್ತದೆ ಮತ್ತು ಕಾರಿನ ಗೇರ್ ಹಾಕುವ ವಿಧಾನದ ಬಗ್ಗೆ ತಿಳುವಳಿಕೆ ಇರುತ್ತದೆ.

ಸಾಮಾನ್ಯವಾಗಿ ಮಾನ್ಯುಯಲ್ ಗೇರ್ ಬಾಕ್ಸ್‌ನಲ್ಲಿ ಐದರಿಂದ ಆರು ಗೇರ್‌‌ಗಳನ್ನು ಹೊಂದಿರುವ ಕಾರುಗಳನ್ನು ನಾವು ನೋಡುತ್ತೇವೆ. ಗೇರ್‌ಗಳನ್ನು ಕೆಲವೊಂದು ಬಾರಿ ಎರಡನೇ ಗೇರ್‌ನಿಂದ ಯೋಚನೆ ಮಾಡದೆ ನಾಲ್ಕನೇ ಗೇರ್ ಹಾಕಿಬಿಡುತ್ತೇವೆ.

ಹಾಗಾದ್ರೆ, ಈ ರೀತಿ ಗೇರ್‌ಗಳನ್ನು ಸ್ಕಿಪ್ ಮಾಡುವುದು ಸರಿಯೇ ? ಈ ರೀತಿ ಮಾಡಿದರೆ ಗೇರ್ ಬಾಕ್ಸ್‌ಗೆ ತೊಂದರೆ ಆಗುತ್ತದೆಯೇ ? ಈ ರೀತಿ ಮಾಡುವುದು ಸುರಕ್ಷಿತವಾಗಿದೆಯೇ? ಎಂಬೆಲ್ಲಾ ಪ್ರೆಶ್ನೆಗಳು ಎಲ್ಲಾ ಕಾರು ಚಾಲಕರನ್ನು ಕಾಡುವುದು ಸಹಜ ಎನ್ನಬಹುದು. ಈ ಬಗ್ಗೆ ಒಂದಿಷ್ಟು ಮಾಹಿತಿ ನಾವಿಂದು ಕೊಡಲು ಪ್ರಯತ್ನಿಸಿದ್ದೇವೆ, ಮುಂದೆ ಓದಿ...

ಈ ಬಗ್ಗೆ ಆಟೋಮೊಬೈಲ್ ಎಂಜಿನಿಯರ್‌ಗಳನ್ನು ಕೇಳಿದಾಗ, ಅವರು ನೀಡುವ ಉತ್ತರ ಹೌದು !! ಎಂದೇ ಆಗಿರುತ್ತದೆ. ಗೇರ್ ಸ್ಕಿಪ್ ಮಾಡುವುದರಿಂದ ಯಾವುದೇ ರೀತಿಯ ತೊಂದರೆ ಆಗುವುದಿಲ್ಲ ಎಂದು ವಿವರ ನೀಡುತ್ತಾರೆ.

ಗೇರ್ ಅಪ್ ಶಿಫ್ಟಿಂಗ್ ಅಥವಾ ಡೌನ್ ಶಿಫ್ಟಿಂಗ್ ಮಾಡುವ ಸಂದರ್ಭದಲ್ಲಿ ನೀವು ಈ ಪದ್ದತಿಯನ್ನು ಅನುಸರಿಸಬಹುದು. ಆದಾಗ್ಯೂ, ಸಾಕಷ್ಟು ಅನುಭವ ಹೊಂದಿರುವ ಚಾಲಕರು ಮಾತ್ರ ಈ ಪ್ರಯೋಗಕ್ಕೆ ಕೈಹಾಕಬಹುದು ಎಂದು ಎಚ್ಚರಿಸುತ್ತಾರೆ.

ನೀವು ಮೂರನೇ ಗೇರ್‌ನಿಂದ ಐದನೇ ಗೇರ್‌ಗೆ ಸ್ಥಳಾಂತರಿಸಿದರೆ ಮತ್ತು ಸಾಮಾನ್ಯ ರೀತಿಯಲ್ಲಿ ಮತ್ತು ಅದೇ ವೇಗದಲ್ಲಿ ಕ್ಲಚ್ ಹೊರಡಿಸಿದರೆ, ಅಸಮತೋಲನದಿಂದ ಕಾರು ಎಳೆದಂತೆ ಭಾಸವಾಗುತ್ತದೆ. ಈ ಕಾರಣಕ್ಕಾಗಿಯೇ ನಾವು ಕೊಂಚ ಮಟ್ಟಿಗೆ ಎಚ್ಚರದಿಂದ ಗೇರ್ ಶಿಫ್ಟ್ ಮಾಡುವುದನ್ನು ರೂಡಿಸಿಕೊಳ್ಳಬೇಕಾಗಿದೆ.

ಹೌದು, ಇಷ್ಟೆಲ್ಲಾ ವಿಚಾರ ನಮಗೆ ತಿಳಿಸಿದ್ದೀರಿ... ಮೊದಲನೇ ಗೇರ್ ಹೊರತುಪಡಿಸಿ ಬೇರೆ ಗೇರ್ ಸಹಾಯದೊಂದಿಗೆ ಕಾರನ್ನು ನಿಂತಿರುವ ಸ್ಥಳದಿಂದ ಮೂವ್ ಮಾಡಬಹುದೇ ? ಎಂಬ ಪ್ರೆಶ್ನೆ ಕೇಳಿದರೆ, ಅದಕ್ಕೂ ಸಹ 'ಹೌದು' ಎಂದೇ ಉತ್ತರವಾಗುತ್ತದೆ. ಸೊ, ಇನ್ಮೇಲೆ ಹೆಚ್ಚು ತಲೆ ಕೆಡಿಸಿಕೊಳ್ಳದೆ, ಗೇರ್ ಸ್ಕಿಪ್ ಮಾಡಿ... ಖುಷಿಯಾಗಿರಿ...