ಹದಿ ಹರೆಯದ ಯುವತಿಯರಿಗೆ 'ಡ್ರೈವಿಂಗ್ ಟಿಪ್ಸ್'

ಮೊಬೈಲ್ ಚಿಟ್-ಚಾಟ್ ಬಿಟ್ಟುಬಿಡಿ

ಟಿನೇಜ್ ಹುಡುಗಿಯರಲ್ಲಿ ನಮ್ಮ ಮೊದಲ ವಿನಂತಿ ಏನೆಂದರೆ ಕನಿಷ್ಠ ಪಕ್ಷ ಡ್ರೈವಿಂಗ್ ಸಂದರ್ಭದಲ್ಲಾದರೂ ಮೊಬೈಲ್ ಚಾಟಿಂಗ್‌ಗಳಿಂದ ದೂರವಿರಿ. ಹಾಗೆಯೇ ಒಳಬರುವ ಯಾವುದೇ ಕಾಲ್‌ಗಳನ್ನು ಸ್ವೀಕರಿಸದೆ ಮೊಬೈಲ್ ಸೈಲಂಟ್ ಮೋಡ್‌ನಲ್ಲಿರಿಸಿದರೆ ಒಳಿತು.

ಗಾಜು ಮೆಕಪ್ ಮಿರರ್ ಅಲ್ಲ

ಇನ್ನು ಕಾರಿನ ಗಾಜುಗಳನ್ನು ಮೆಕಪ್ ಮಿರರ್ ಎಂಬುದಾಗಿ ತಪ್ಪಾಗಿ ಅರ್ಥೈಸಿಕೊಳ್ಳದಿರಿ. ಚಾಲನೆ ಸಂದರ್ಭದಲ್ಲಿ ಸಂಪೂರ್ಣ ಗಮನ ರಸ್ತೆ ಮೇಲಿರಲಿ.

ವೇಗದ ಮಿತಿ ಮೀರದಿರಲಿ

ಸಾಮಾನ್ಯವಾಗಿ ಟಿನೇಜ್ ಹುಡುಗಿಯರು ತಮ್ಮ ಸೌಂದರ್ಯದ ಬಗ್ಗೆ ತುಂಬಾನೇ ಕಾಳಜಿ ವಹಿಸುತ್ತಿದ್ದು, ತೆಳ್ಳಗಿರಲು ಬಯಸುತ್ತಾರೆ. ಅದೇ ರೀತಿ ನಿಮ್ಮ ಕಾರಿನ ವೇಗದ ಮಿತಿ ಮೀರದಿರಲಿ ಎಂಬುದು ನಮ್ಮ ಆಶಯವಾಗಿದೆ.

ಡ್ರೈವಿಂಗ್ ವೇಳೆ ಮೇಕಪ್‌ ಬೇಡ

ಇದು ಟಿನೇಜ್ ಹುಡುಗಿಯರಲ್ಲಿ ಕಂಡುಬಂದಿರುವ ಇನ್ನೊಂದು ನೆಗೆಟಿವ್ ಅಂಶ. ಎಲ್ಲೇ ಹೋದರೂ ಮೇಕಪ್ ಕಿಟ್ ತಮ್ಮ ಜತೆ ಸಾಗಿಸುವ ಯುವತಿಯರು ಕಾರು ಚಾಲನೆ ಸಂದರ್ಭದಲ್ಲೂ ಇದನ್ನು ಬಳಸುವ ಮೂಲಕ ಅಪಾಯ ಆಹ್ವಾನಿಸುತ್ತಾರೆ. ಯಾವುದೇ ಕಾರಣಕ್ಕೂ ಡ್ರೈವಿಂಗ್ ಸಂದರ್ಭದಲ್ಲಿ ಮೆಕಪ್‌ನಲ್ಲಿ ತೊಡಗದಿರಿ. ಲಿಪ್‌ಸ್ಟಿಕ್ ಹಚ್ಚುವುದು, ನೈಲ್ ಶೈನಿಂಗ್ ಇತ್ಯಾದಿ ಕಾರ್ಯಗಳನ್ನು ಸುರಕ್ಷಿತವಾಗಿ ಗುರಿ ತಲುಪಿದ ಬಳಿಕವೂ ಮಾಡಬಹುದಲ್ಲವೇ?

ಏಕಾಗ್ರತೆಗೆ ಭಂಗವುಂಟಾಗದಿರಲಿ

ಯುವತಿಯರು ತಮ್ಮ ಗೆಳೆಯ, ಗೆಳತಿಯರ ಜತೆ ಜಾಲಿ ರೈಡ್ ಹೊಡೆಯುವುದು ಅಥವಾ ವಿಕೆಂಡ್ ಪ್ರವಾಸ ತೆರಳುವುದನ್ನು ಇಷ್ಟಪಡುತ್ತಾರೆ. ಹಾಗಿರಬೇಕೆಂದರೆ ಸಹ ಪ್ರಯಾಣಿಕರು ನಿಮ್ಮ ಏಕಾಗ್ರತೆಗೆ ಭಂಗವನ್ನುಂಟು ಮಾಡುವ ಸಾಧ್ಯತೆಯಿದೆ.

ನಿಧಾನವೇ ಪ್ರಧಾನ

ಡ್ರೈವಿಂಗ್ ವೇಳೆಯಲ್ಲಿ 'ನಿಧಾನವೇ ಪ್ರಧಾನ' ಎಂಬ ವೇದ ವಾಕ್ಯವನ್ನು ಎಂದಿಗೂ ಮರೆಯದಿರಿ. ಹಾಗೆಯೇ ಓವರ್‌ಟೇಕ್ ಗೋಜಿಗೆ ಹೋಗದೇ ಸಂಚಾರ ನಿಯಮಗಳನ್ನು ಪಾಲಿಸುತ್ತಾ ಮುಂದಕ್ಕೆ ಸಾಗಿರಿ.

ಆತ್ಮವಿಶ್ವಾಸ

ಇಷ್ಟೆಲ್ಲ ಆಧರೂ ಲಾಸ್ಟ್ ಬಟ್ ನಾಟ್ ಲೀಸ್ಟ್ ಎಂಬಂತೆ ನಿಮ್ಮ ಡ್ರೈವಿಂಗ್ ಮೇಲೆ ಸಂಪೂರ್ಣ ಆತ್ಮವಿಶ್ವಾಸ ಇರಬೇಕಾಗಿರುವುದು ಅತಿ ಅಗತ್ಯವಾಗಿದೆ. ಇಂದಿನ ಯುವಕ-ಯುವತಿಯರು ತಮ್ಮ ವಯಸ್ಸಿಗೆ ತಕ್ಕದಲ್ಲದ ವಾಹನಗಳನ್ನು ಚಾಲನೆ ಮಾಡಿ ತಪ್ಪಿಗೆ ಸಿಕ್ಕಿಹಾಕಿಕೊಳ್ಳುತ್ತಾರೆ. ಒಟ್ಟಿನಲ್ಲಿ ಈ ಎಲ್ಲ ಅಂಶಗಳ ಬಗ್ಗೆ ಟಿನೇಜ್ ಹುಡುಗಿಯರು ಹೆಚ್ಚಿನ ಗಮನ ಹರಿಸಬೇಕಾಗಿರುವುದು ಅತಿ ಮುಖ್ಯವಾಗಿದೆ. ಇದೀಗ ನಿಮ್ಮ ಅನಿಸಿಕೆಗಳನ್ನು ನಮ್ಮ ಕಾಮೆಂಟ್ ಬಾಕ್ಸ್ ಮುಖಾಂತರ ಹಂಚಿಕೊಳ್ಳಿರಿ.