ಉಗ್ರರ ಪ್ರತಿದಾಳಿಗಾಗಿ ಬೆಂಗಳೂರು ಬಂದಿಳಿದ ಬುಲೆಟ್ ಫ್ರೂಪ್ ಗಾಡಿ

ದೇಶದಲ್ಲಿ ಶಿಪ್ರ ಗತಿಯಲ್ಲಿ ಬೆಳೆದು ಬರುತ್ತಿರುವ ನಗರಗಳಲ್ಲಿ ಬೆಂಗಳೂರು ಕೂಡಾ ಒಂದಾಗಿದೆ. ಈ ನಿಟ್ಟಿನಲ್ಲಿ ಭದ್ರತೆಗೂ ಹೆಚ್ಚಿನ ಆದತ್ಯೆ ಕೊಡಬೇಕಾಗಿದೆ. ಪ್ರಮುಖವಾಗಿಯೂ ಮಹೀಂದ್ರ ಮಾರ್ಕ್ಸ್ ಮ್ಯಾನ್ ವಾಹನಗಳನ್ನು ಅರೆಸೇನಾ ಪಡೆ ಹಾಗೂ ಪೊಲೀಸ್ ಇಲಾಖೆಯು ಬಳಕೆ ಮಾಡಲಿದೆ.

7.62 x 51ಎಂಎಂ SLR, 7.62 x 39 ಎಂಎಂ ಎಕೆ-47/56 ಮತ್ತು 5.56 ಇನ್ಸಾಸ್ ಶ್ರೇಣಿಯ ಬುಲೆಟ್ ಗಳನ್ನು ತಡೆಯುವ ಸಾಮರ್ಥ್ಯವನ್ನು ಮಹೀಂದ್ರ ಮಾರ್ಕ್ಸ್ ಮ್ಯಾನ್ ಹೊಂದಿರುತ್ತದೆ.

ಇದು ಸಣ್ಣ ಸ್ಪೋಟಕ ಹಾಗೂ ಗ್ರೇನೆಡ್ ದಾಳಿಗಳನ್ನು ಎದುರಿಸುವಷ್ಟು ಶಕ್ತವಾಗಿದೆ. ಇನ್ನು ಪ್ರತಿದಾಳಿಗಾಗಿ ಮೆಷಿನ್ ಗನ್ ಮೌಂಟೆಡ್, ಏಳು ಫೈರಿಂಗ್ ಕ್ರ್ಯೂ ಪೋರ್ಟ್, ರಿಯರ್ ವ್ಯೂ ಕ್ಯಾಮೆರಾ, ಎಲ್‌ಸಿಡಿ ಸ್ಕ್ರೀನ್ ವ್ಯವಸ್ಥೆಯಿರಲಿದೆ.

2009ರಲ್ಲೇ ಮುಂಬೈ ಪೊಲೀಸ್ ಮಹೀಂದ್ರ ಮಾರ್ಕ್ಸ್ ಮ್ಯಾನ್ ವಾಹನವನ್ನು ತಮ್ಮದಾಗಿಸಿಕೊಂಡಿತ್ತು. ಈಗ ಬೆಂಗಳೂರಿಗೂ ಬಂದು ಸೇರಿದ್ದು, ನಗರ ಪೊಲೀಸ್ ಗೆ ಆನೆ ಬಲ ಬಂದಂತಾಗಿದೆ.

ಅಂದ ಹಾಗೆ ಮಹೀಂದ್ರ ಮ್ಯಾಕ್ಸ್ ಮ್ಯಾನ್ ‌ನಲ್ಲಿ 2.5 ಲೀಟರ್ ಸಿಆರ್ ಡಿಇ ಎಂಜಿನ್ ಬಳಕೆ ಮಾಡಲಾಗಿದ್ದು, 105 ಅಶ್ವಶಕ್ತಿ (228 ತಿರುಗುಬಲ) ಉತ್ಪಾದಿಸು ಸಾಮರ್ಥ್ಯ ಹೊಂದಿದೆ. ಅಲ್ಲದೆ 3200 ಕೆ.ಜಿಗಳಷ್ಟು ಭಾರವನ್ನು ಹೊಂದಿರಲಿದೆ.

ಇನ್ನು 5 ಸ್ಪೀಡ್ ಗೇರ್ ಬಾಕ್ಸ್, 4 ವೀಲ್ ಡ್ರೈವ್, ಪವರ್ ಸ್ಟೀರಿಂಗ್, ಎಸಿ ವ್ಯವಸ್ಥೆಯು ಇದರಲ್ಲಿರುತ್ತದೆ. ಫ್ಲ್ಯಾಟ್ ಟೈರ್ (ಪಂಚರ್) ನಲ್ಲೂ ಸುಮಾರು ಕೀ.ಮೀ.ಗಳಷ್ಟು ಮುಂದಕ್ಕೆ ಚಲಿಸುವ ಸಾಮರ್ಥ್ಯ ಹೊಂದಿರುತ್ತದೆ. ಹಾಗೆಯೇ ಗಂಟೆಗೆ ಗರಿಷ್ಠ 120 ಕೀ.ಮೀ. ವೇಗದಲ್ಲಿ ಚಲಿಸಲಿದೆ.