ರೈಲಲ್ಲಿ ಬೈಕ್ ಪಾರ್ಸೆಲ್; ನಿಮ್ಮ ಸಂದೇಹಗಳನ್ನ ದೂರ ಮಾಡಿ!

ಮೋಟಾರ್ ಸೈಕಲ್ ಬುಕ್ಕಿಂಗ್

ನೀವು ಬೈಕ್ ಪಾರ್ಸೆಲ್ ಮಾಡುವುದಾದ್ದಲ್ಲಿ ಎರಡು ವಿಧಾನಗಳಲ್ಲಿ ಬೈಕ್ ಗಳನ್ನು ಬುಕ್ಕಿಂಗ್ ಮಾಡಿಕೊಳ್ಳಬಹುದಾಗಿದೆ. ಅವುಗಳ ವಿವರಗಳನ್ನು ಮುಂದಿನ ಪುಟಗಳಲ್ಲಿ ಕೊಡಲಾಗಿದೆ.

ವಿಧಾನ 1

ಪಾರ್ಸೆಲ್

ವಿಧಾನ 2

ಪ್ರಯಾಣಿಕ ಅಥವಾ ಏಜೆಂಟ್ ಮುಖಾಂತರ

ವಿಧಾನ 1 - ಪಾರ್ಸೆಲ್ ಮುಖಾಂತರ

1. ರೈಲ್ವೆ ಕಾರ್ಯಕಲಾಪದ ಸಮಯದಲ್ಲಿ (10ರಿಂದ 05 ಗಂಟೆಯ ವರೆಗೆ) ಪಾರ್ಸೆಲ್ ಕಚೇರಿಯಲ್ಲಿ ಮುಂಗಡ ಬುಕ್ಕಿಂಗ್ ಮಾಡಿಕೊಳ್ಳಬೇಕು.

2. ಪಾರ್ಸೆಲ್ ಕಚೇರಿಯಲ್ಲಿ ರೈಲ್ವೆ ಕಾರ್ಯಕಲಾಪದ ಸಮಯದಲ್ಲಿ ಮಾತ್ರ ವಾಹನ ತಲುಪುವ ಸ್ಥಾನವನ್ನು ನಿರ್ಧರಿಸಬೇಕಾಗುತ್ತದೆ.

3. ಟಿಕೆಟ್ ಬುಕ್ಕಿಂಗ್ ಗಾಗಿ ಪ್ರಯಾಣ ಟಿಕೆಟ್ ನ ಅಗತ್ಯವಿರುವುದಿಲ್ಲ.

ವಿಧಾನ 2 - ಪ್ಯಾಸೆಂಜರ್/ಏಜೆಂಟ್ ಜೊತೆ ಬುಕ್ಕಿಂಗ್

1. ಪ್ರಯಾಣಿಕರು ತಾವು ಸಂಚರಿಸುವ ರೈಲಿನಲ್ಲೇ ಬೈಕನ್ನು ಪಾರ್ಸೆಲ್ ಮಾಡಿಸಬಹುದಾಗಿದೆ. ಇದಕ್ಕಾಗಿ ರೈಲು ನಿರ್ಗಮನಕ್ಕೂ 2-3 ತಾಸು ಮುಂಚೆಯೂ ಲಗ್ಗೇಜ್ ಕಚೇರಿಯನ್ನು ಸಂಪರ್ಕಿಸಬೇಕಾಗಿದೆ.

2. ಸರಿಯಾದ ಬುಕ್ಕಿಂಗ್ ಟಿಕೆಟ್ ನೊಂದಿಗೆ ಪ್ರಯಾಣಿಕರು ಹಾಜರಾಗತಕ್ಕದ್ದು.

3. ಬೈಕ್ ಮಾಲಿಕ ಸಂಚರಿಸುವುದಿಲ್ಲವಾದ್ದಲ್ಲಿ ಅವರ ಪರವಾಗಿ ಏಜೆಂಟ್ ಹಾಜರಾಗಬೇಕು.

4. ಕಚೇರಿ ಕಾರ್ಯಕಲಾಪದ ಅವಧಿಯಲ್ಲಿ ಮಾತ್ರ ಬುಕ್ಕಿಂಗ್ ಹಾಗೂ ವಿತರಣೆ ಪ್ರಕ್ರಿಯೆ ನಡೆಯಲಿದೆ.

ಬುಕ್ಕಿಂಗ್ ವೇಳೆ ಬೇಕಾಗುವ ಪ್ರಮಾಣ ಪತ್ರಗಳು

1. ಆರ್ ಸಿ ಬುಕ್ ಪ್ರತಿ. ಬುಕ್ಕಿಂಗ್ ವೇಳೆ ನೈಜ ಪ್ರತಿಯನ್ನು ದೃಢೀಕರಿಸಲಾಗುವುದು.

2. ವಾಹನ ವಿಮೆಯ ಪ್ರತಿ.

3. ಬೈಕ್ ಮೌಲ್ಯ, ಭಾರತ, ರಿಜಿಸ್ಟ್ರೇಷನ್ ನಂಬರ್, ತಲುಪುದಾಣ, ಪ್ರಯಾಣ ಟಿಕೇಟು, ಗುರುತು ಚೀಟಿ, ಕಳುಹಿಸುವವ ಮತ್ತು ಪಡೆಯುವವನ ಪೂರ್ಣ ವಿಳಾಸ ಇತ್ಯಾದಿ ಅಗತ್ಯ ವಿವರಗಳನ್ನು ನೀಡತಕ್ಕದ್ದು.

ಸಾಮಾನ್ಯ ಪಾರ್ಸೆಲ್ ಷರತ್ತುಗಳು

1. ಪೆಟ್ರೋಲ್ ಟ್ಯಾಂಕ್ ಸಂಪೂರ್ಣವಾಗಿ ಖಾಲಿ ಮಾಡಬೇಕು.

2. ಪಾಲಿಥಿನ್ ಕವರ್ ಅಥವಾ ಗೋಣಿ ಚೀಲ ಉಪಯೋಗಿಸಿ ಮಾತ್ರ ಪ್ಯಾಕ್ ಮಾಡತಕ್ಕದ್ದು.

3. ಲೋಡಿಂಗ್ ವೇಳೆ ಮಾರ್ಕಿಂಗನ್ನು ರೈಲ್ವೇ ವಿಭಾಗದವರು ಮಾಡಲಿದ್ದಾರೆ.

4. ಸರಕು ಶುಲ್ಕ ಪಾವತಿಸಿದ ಬಳಿಕ ಅದರ ಪ್ರತಿಯನ್ನು ತಲುಪುದಾಣದ ಸ್ಟೇಷನ್ ನಲ್ಲಿ ಹಾಜರುಪಡಿಸತಕ್ಕದ್ದು.