ಕರೋನಾ ವೈರಸ್: ಹೊಸ ವಿಧಾನದ ಮೂಲಕ ಜನರ ಬಳಿ ಬರಲಿರುವ ಪೊಲೀಸರು

ಚೆನ್ನೈನಲ್ಲಿರುವ ಅನೇಕ ಪ್ರದೇಶಗಳನ್ನು ಹಾಟ್ ಸ್ಪಾಟ್‌ಗಳನ್ನಾಗಿ ಗುರುತಿಸಲಾಗಿದೆ. ಈ ಪ್ರದೇಶಗಳಲ್ಲಿ ಜನರನ್ನು ಹೊರಬರದಂತೆ ತಡೆಯಲು ಪೊಲೀಸರನ್ನು ನಿಯೋಜಿಸಲಾಗಿದೆ. ಚೆನ್ನೈ ಪೊಲೀಸರು ಈಗ ರೋಬೋಟ್ ಕಾಪ್ ಎಲ್‌ಡಿಯನ್ನು ಬಳಸಲು ಆರಂಭಿಸಿದ್ದಾರೆ. ಇದರ ಸಹಾಯದಿಂದ ಪೊಲೀಸರು ಆ ಹಾಟ್ ಸ್ಪಾಟ್ ಪ್ರದೇಶಗಳನ್ನು ಪರಿಶೀಲಿಸಬಹುದು.

ಈ ರೋಬೋಟ್ ಅನ್ನು ರಿಮೋಟ್ ಕಂಟ್ರೋಲ್ ಮೂಲಕ ನಿಯಂತ್ರಿಸಬಹುದು. ವೈರ್‌ಲೈಸ್ ಕನೆಕ್ಟಿವಿಟಿ ಮೂಲಕ ಈ ರೋಬೋಟ್ ಅನ್ನು 1 ಕಿ.ಮೀ ದೂರದಿಂದ ನಿಯಂತ್ರಿಸಬಹುದು. ಪೊಲೀಸರು ಇನ್ನಿತರ ಕಾರ್ಯಗಳನ್ನು ಸಹ ಈ ರೋಬೋಟ್ ಮೂಲಕ ನಿರ್ವಹಿಸಬಹುದು.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಇವುಗಳಲ್ಲಿ ಮೇಲ್ವಿಚಾರಣೆ, ಸ್ಥಳೀಯ ಜನರನ್ನು ಸಂಪರ್ಕಿಸುವುದು ಸೇರಿದಂತೆ ಹಲವು ಕಾರ್ಯಗಳಿವೆ. ಈ ರೋಬೋಟ್‌ನಲ್ಲಿ ಮೇಲ್ವಿಚಾರಣೆಗಾಗಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಜೊತೆಗೆ ಟೂ ವೇ ಇಂಟರ್‌ಕಾಮ್ ಅಳವಡಿಸಲಾಗಿದೆ.

ಈ ಇಂಟರ್‌ಕಾಮ್ ಮೂಲಕ ಪೊಲೀಸರು ಸಾರ್ವಜನಿಕರನ್ನು ತಲುಪುವುದು ಮಾತ್ರವಲ್ಲದೆ ಸಾರ್ವಜನಿಕರೂ ಸಹ ತಮ್ಮ ವಿಷಯಗಳನ್ನು ಪೊಲೀಸರಿಗೆ ತಿಳಿಸಬಹುದು. ಈ ರೋಬೋಟ್ ಕೂಪ್ ಎಲ್‌ಡಿ ನಿಖರ ಚಲನಶೀಲತೆಗಾಗಿ ಸ್ಟೀಯರಿಂಗ್ ಕಂಟ್ರೋಲ್‌ನಂತಹ ಹಲವು ಫೀಚರ್‌ಗಳನ್ನು ಹೊಂದಿದೆ.

MOST READ:ಮನೆ ತಲುಪಲು 1800 ಕಿ.ಮೀ ಸೈಕಲ್ ತುಳಿದ ಯುವಕ..!

ಇದರ ಜೊತೆಗೆ ಎಲ್ಇಡಿ ಡಿಸ್ಪ್ಲೇಯನ್ನು ಸಹ ಅಳವಡಿಸಲಾಗಿದೆ. ಈ ಡಿಸ್ಪ್ಲೇಯಲ್ಲಿ ಯಾವುದೇ ಸಂದೇಶವನ್ನು ನೋಡಬಹುದು. ಈ ರೋಬೋಟ್ ಅನ್ನು ಬಳಸಲು, ಪೊಲೀಸರು ಬ್ಯಾರಿಕೇಡ್‌ಗಳ ಹಿಂದೆ ನಿಂತು ಈ ರೋಬೋಟ್ ಮೂಲಕ ಜನರನ್ನು ಸಂಪರ್ಕಿಸಬೇಕಾಗುತ್ತದೆ.

ಪೊಲೀಸರು ಈ ರೋಬೋಟ್ ತಯಾರಿಸಲು ಅನೇಕ ಸಂಸ್ಥೆಗಳ ನೆರವನ್ನು ಪಡೆದಿದ್ದಾರೆ. ಈ ರೋಬೋಟ್ ಅನ್ನು ತಯಾರಿಸಲು ಸುಮಾರು ಒಂದು ವಾರ ತೆಗೆದುಕೊಳ್ಳಲಾಗಿದೆ. ಈ ರೋಬೋಟ್ ಅನ್ನು ರೋಬೋಥಾಟ್ಸ್, ಸೈ-ಫೈ ಇನ್ನೋವೇಶನ್ ಮತ್ತು ಕ್ಯಾಲಿಡೈ ಮೋಟರ್ ವರ್ಕ್ಸ್ ತಯಾರಿಸಿವೆ. ಈ ರೋಬೋಟ್ ಪೊಲೀಸರ ಕೆಲಸವನ್ನು ಸುಲಭಗೊಳಿಸುತ್ತದೆ.