ರೈಲನ್ನೇ ಎತ್ತಿಕೊಂಡು ಸಾಗುವ ವಿಮಾನವಿದು!

ಇಲ್ಲಿ ವಿದ್ಯಾರ್ಥಿಗಳ ತಂಡ ಅವಿಷ್ಕರಿಸಿರುವ ತಂತ್ರಜ್ಞಾನವನ್ನು ವಿವರಿಸುವುದಾದ್ದಲ್ಲಿ ನಿಮ್ಮಲ್ಲಿ ಅಚ್ಚರಿಯುಂಟಾಗಬಹುದು. ಯಾಕೆಂದರೆ ಈ ವ್ಯವಸ್ಥೆಯ ಪ್ರಕಾರ ವಿಮಾನಗಳು ಚಲಿಸುವ ರೈಲುಗಳನ್ನು 'ಪೊಡ್'ಗಳಂತೆ ಎತ್ತಿಕೊಂಡು ಹೋಗುವ ಸಾಮರ್ಥ್ಯ ಹೊಂದಿದೆ. ಈ ಮೂಲಕ ಸಂಚಾರ ಅವಧಿಯನ್ನು ಗಣನೀಯವಾಗಿ ಕಡಿತಗೊಳಿಸಬಹುದಾಗಿದೆ.

ದೀರ್ಘ ಪ್ರಯಾಣದ ವೇಳೆ ಎದುರಾಗುತ್ತಿರುವ ತೊಂದರೆಯನ್ನು ನಿಖರವಾಗಿ ಅಧ್ಯಯನ ಮಾಡಿರುವ ಆಂಡ್ರ್ಯೂ ಫ್ಲೈನ್, ಇವಾನ್ ಅಲ್‌ಸ್ಟನ್, ಮಾರ್ಟಿನ್ ಕೇನೆ ಮತ್ತು ಮಾಸನ್ ಹೋಲ್ಡನ್, ಇಂತಹದೊಂದು ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿದ್ದಾರೆ.

ಪಿಕಪ್ ಪೊಡ್

ಹಾಗೊಂದು ವೇಳೆ 2050ರ ವೇಳೆಗೆ ಹೊರೈಝನ್ ಕಾನ್ಸೆಪ್ಟ್ ನನಸಾದ್ದಲ್ಲಿ, ಸಾಂಪ್ರಾದಾಯಿಕ ವಿಮಾನ ನಿಲ್ದಾಣಗಳನ್ನು ಇಂತಹ ಸ್ಕೈಲೈನ್ ಪೊಡ್‌ಗಳು ಬದಲಿ ವ್ಯವಸ್ಥೆಯಾಗಲಿದ್ದು, ಪಿಕಪ್ ಡ್ರಾಪ್ ಸೇವೆ ಸಲ್ಲಿಸಲಿದೆ.

ಸ್ಕೈಲೈನ್ ಸ್ಟೇಷನ್

ಹೊರೈಝನ್ ಪ್ರಯಾಣಿಕರು ತಮ್ಮ ಸ್ಥಳೀಯ ಸ್ಕೈಸ್ಟೇಷನ್‌ನಿಂದ ಪಯಣ ಆರಂಭಿಸಬಹುದಾಗಿದೆ. ಅಲ್ಲದೇ ಅಲ್ಲಿಯೇ ಭದ್ರತಾ ಪರಿಶೀಲನೆಯ ಬಳಿಕ ತಮ್ಮ ಪ್ರವಾಸ ಆರಂಭಿಸಬಹುದಾಗಿದೆ.

ಒಳಾಂಗಣ ವಿನ್ಯಾಸ

ಪ್ರಸ್ತುತ ವಿಮಾನವು ಬಾಗಿದ ರೆಕ್ಕೆ ವಿನ್ಯಾಸ ಹೊಂದಿದೆ. ಇದು ಸಾಂಪ್ರಾದಾಯಿಕ ವಿಮಾನಗಳಿಗಿಂತಲೂ ಹೆಚ್ಚಿನ ಪರಿಣಾಮಕಾರಿ ವಿನ್ಯಾಸ ಕಾಯ್ದುಕೊಂಡಿದೆ.

ಆಸನ ವ್ಯವಸ್ಥೆ

ಇದು 48 ಪ್ರಯಾಣಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದ್ದು, ಪ್ರಯಾಣಿಕರು ಪ್ರವಾಸದುದ್ಧಕ್ಕೂ ತಮ್ಮ ಆಸನವನ್ನು ಕಾಯ್ದುಕೊಳ್ಳಬಹುದಾಗಿದೆ. ಅಲ್ಲದೆ ಸಂಪೂರ್ಣ ವಿದ್ಯುತ್ ಚಾಲಿತವಾಗಿದ್ದು, ಪರಿಸರ ಸ್ನೇಹಿ ಎನಿಸಿಕೊಳ್ಳಲಿದೆ.

ವಿಮಾನಕ್ಕೆ ರೈಲು ಸಂಪರ್ಕವಾದ ಬಳಿಕ ಪ್ರಯಾಣಿಕರು ವಿಮಾನ ಕೊಠಡಿಯೊಳಗೆ ತೆರಳಬಹುದಾಗಿದ್ದು, ಇಲ್ಲಿ ಮನರಂಜನೆಗಾಗಿ ಹೆಚ್ಚಿನ ಒತ್ತು ಕೊಡಲಾಗಿದೆ. ಇದರಲ್ಲಿ ಕೆಫೆ, ಬಾರ್ ಮುಂತಾದ ವ್ಯವಸ್ಥೆಗಳಿವೆ. ಅಲ್ಲದೆ ಗಾಜಿನ ಮುಖಾಂತರ ಹೊರಂಗಣ ಪ್ಯಾನಾರೋಮಿಕ್ ವೀಕ್ಷಣೆಯನ್ನು ಪಡೆಯಬಹುದಾಗಿದೆ.

ಪ್ರಯಾಣಿಕರು ತಮ್ಮ ಗುರಿ ತಲುಪುವ ಮೊದಲ ಮತ್ತೆ ತಮ್ಮ ಸೀಟಿಗೆ ಮರಳಬೇಕಾಗಿದೆ. 240 ಕೀ.ಮೀ. ವೇಗದಲ್ಲಿ ಚಲಿಸುವ ಈ ಹೊರೈಝನ್ ವಿಮಾನ ಲ್ಯಾಂಡ್ ಆಗಲು ಚಕ್ರಗಳು ಇಲ್ಲವಾಗಿದ್ದರಿಂದ ಪ್ರತ್ಯೇಕ ಆಯಸ್ಕಾಂತೀಯ ಶಕ್ತಿಯಿಂದ ನಿಯಂತ್ರಿಸಲ್ಪಡಲಿದೆ. ಆದರೆ ಪ್ರಾಯೋಗಿಕವಾಗಿ ಎಷ್ಟರ ಮಟ್ಟಿಗೆ ಯಶ ಕಾಣಲಿದೆ ಎಂಬುದು ಇನ್ನು ವಿಜ್ಞಾನಿಗಳಿಗೆ ಕಾಡುತ್ತಿರುವ ಪ್ರಶ್ನೆಯಾಗಿದೆ.