ದುಬಾರಿ ಬೆಲೆಯ ಲಂಬೊರ್ಗಿನಿ ಕಸ್ಟಮ್ ಪೇಂಟ್ ಅವೆಡೆಡರ್ ಎಸ್ ಖರೀದಿಸಿದ ತಮಿಳುನಾಡಿನ ವ್ಯಾಪಾರಿ

ಸೂಪರ್ ಕಾರು ಅಂದತಕ್ಷಣ ನಮಗೆಲ್ಲಾ ನೆನಪಿಗೆ ಬರುವುದೇ ಲಂಬೊರ್ಗಿನಿ. ಹೌದು.. ಸೂಪರ್ ಕಾರು ವಿಭಾಗದಲ್ಲಿ ತನ್ನದೇ ಆದ ಜನಪ್ರಿಯತೆ ಹೊಂದಿರುವ ಲಂಬೊರ್ಗಿನಿ ಸದ್ಯ ಸಾವಿರಾರು ಭಾರತೀಯ ಗ್ರಾಹಕರ ಕನಸನ್ನು ನನಸು ಮಾಡಿದೆ. ಯಾಕಂದ್ರೆ ಸೂಪರ್ ಕಾರು ಖರೀದಿಸಬೇಕೆಂಬ ಪ್ರತಿ ವ್ಯಕ್ತಿ ಕನಸಲ್ಲೂ ಲಂಬೊರ್ಗಿನಿ ಇದ್ದೆ ಇರುತ್ತೆ.

ಇದಕ್ಕೆ ಹಲವು ಕಾರಣಗಳಿವೆ. ಸೂಪರ್ ಕಾರುಗಳಲ್ಲೇ ಅತ್ಯತ್ತಮ ಕಾರ್ಯಕ್ಷಮತೆ, ಉತ್ತಮ ವಿನ್ಯಾಸದೊಂದಿಗೆ ಎಂತವರನ್ನು ಸೆಳೆಯಬಲ್ಲ ಶಕ್ತಿ ಲಂಬೊರ್ಗಿನಿ ಇದೆ. ಹೀಗಾಗಿಯೇ ವಿಶ್ವಮಟ್ಟದಲ್ಲಿ ಜನಪ್ರಿಯತೆ ಸಾಧಿಸಲು ಸಾಧ್ಯವಾಗಿದೆ.

ಸದ್ಯ ತಮಿಳುನಾಡು ಮೂಲದ ಮಲೀಕ್ ಸಹೋದರರಾದ ಮತ್ತು ಅಕ್ರಮ್ ಮಲೀಕ್ ಹಾಗೂ ಗಡಾಫಿ ಮಲೀಕ್ ಎನ್ನುವರು ಲಂಬೊರ್ಗಿನಿ ಕಸ್ಟಮ್ ಪೇಂಟ್ ಅವೆಡೆಡರ್ ಎಸ್ ಆವೃತ್ತಿಯನ್ನು ಖರೀದಿ ಮಾಡಿದ್ದು, ಬೆಂಗಳೂರು ಮೂಲದ ಉದ್ಯಮಿ ಕೆ.ವಿ.ಪ್ರಸಾದ್ ನಂತರ ಕಸ್ಟಮ್ ಪೇಂಟ್ ಅವೆಡೆಡರ್ ಎಸ್ ಆವೃತ್ತಿಯನ್ನು ಖರೀದಿ ಮಾಡಿದ 2ನೇ ಕಾರು ಇದಾಗಿದೆ.

ಇನ್ನೊಂದು ಪ್ರಮುಖ ವಿಚಾರ ಏನೆಂದರೇ ಸಾಮಾನ್ಯ ಮಾದರಿಯಲಂಬೊರ್ಗಿನಿ ಅವೆಡೆಡರ್ ಎಸ್ ಮತ್ತು ಕಸ್ಟಮ್ ಪೇಂಟ್ ಅವೆಡೆಡರ್ ಎಸ್ ಆವೃತ್ತಿಯ ಬೆಲೆಗೂ ಭಾರೀ ವ್ಯತ್ಯಾಸವಿದ್ದು, ಮೂಲ ಬೆಲೆಗಿಂತ ಹೆಚ್ಚುವರಿಯಾಗಿ 1 ಕೋಟಿ ಪಾವತಿಸಿ ಹೊಸ ಆವೃತ್ತಿಯನ್ನು ಖರೀದಿ ಮಾಡಲಾಗಿದೆ.

ಎಂಜಿನ್ ಸಾಮರ್ಥ್ಯ

ಲಂಬೊರ್ಗಿನಿ ಅವೆಡೆಡರ್ ಎಸ್ ಮಾದರಿಯು 6.5-ಲೀಟರ್ ಎನ್ಎ ವಿ12 ಎಂಜಿನ್ ಹೊಂದಿದ್ದು, 730-ಬಿಎಚ್‌ಪಿ ಮತ್ತು 690-ಎನ್ಎಂ ಟಾರ್ಕ್ ಉತ್ಪಾದನೆ ಮಾಡಬಲ್ಲದು.

ಇದರ ಜೊತೆಗೆ 7-ಸ್ಪೀಡ್ ಸಿಂಗಲ್ ಕ್ಲಚ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿರುವ ಲಂಬೊರ್ಗಿನಿ ಅವೆಡೆಡರ್ ಎಸ್, 2.9 ಸೇಕೆಂಡುಗಳಲ್ಲಿ 100 ಕಿಮಿ ವೇಗ ಪಡೆದುಕೊಳ್ಳಕೊಳ್ಳುವ ಶಕ್ತಿಯನ್ನು ಹೊಂದಿದೆ.

ಈ ಮೂಲಕ ಪ್ರತಿ ಗಂಟೆಗೆ 350 ಕಿಮಿ ಕ್ರಮಿಸುವ ಗುಣ ಹೊಂದಿದ್ದು, ಪ್ರತಿ ಲೀಟರ್ ಪೆಟ್ರೋಲ್‌ಗೆ ಹೆದ್ದಾರಿಯಲ್ಲಿ 6 ಕಿಮಿ ಮೈಲೇಜ್ ಮತ್ತು ಟ್ರಾಕ್‌ಗಳಲ್ಲಿ ಪ್ರತಿ ಲೀಟರ್ ಪೆಟ್ರೋಲ್‌ಗೆ ಕೇವಲ 3 ಕಿಮಿ ಮೈಲೇಜ್ ನೀಡುವುದು.