ವಿಹಾರ ನೌಕೆಯೊಳಗೊಂದು ನೌಕೆ; ತೇಲುವ ಗ್ಯಾರೇಜ್

196 ಅಡಿ ಉದ್ದದ ಈ ವಿಹಾರ ನೌಕೆಯು ಹೆಡ್ರಾಲಿಕ್‌ನಿಂದ ಕಾರ್ಯ ನಿರ್ವಹಿಸುತ್ತದೆ. ಅಲ್ಲದೆ ಸ್ಪೀಡ್ ಬೋಟ್‌ನ ಉಪಯೋಗ ಇಲ್ಲದಾಗ ಈ ಒಳಾಂಗಣ ಪ್ರದೇಶವನ್ನು ಓಷಿಯನ್ ಪೂಲ್ ಆಗಿಯೂ ಬಳಕೆ ಮಾಡಬಹುದಾಗಿದೆ.

ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ಈ ಎಂಟು ಮೀಟರ್ ಉದ್ದದ ತೇಲುವ ಬೋಟ್ ಹಡಗಿನೊಳಗೆ ತರಲು ಯಾವುದೇ ಭಾರ ಎತ್ತುವ ಕ್ರೇನ್‌ಗಳ ಅಗತ್ಯವಿರುದಿಲ್ಲ. ಬದಲಾಗಿ ಕೇವಲ ಮೂರು ನಿಮಿಷಗಳಲ್ಲೇ 18,000 ಲೀಟರ್ ನೀರು ಖಾಲಿ ಮಾಡುವ ವ್ಯವಸ್ಥೆ ಹೊಂದಿದ್ದು, ಇದು ದೋಣಿ ಸುಲಭವಾಗಿ ಒಳ ಪ್ರವೇಶಿಸಲು ನೆರವಾಗಲಿದೆ.

2014 ಮೊನಕೊ ವಿಹಾರ ನೌಕೆ ಶೋದಲ್ಲೂ ಶ್ರೇಷ್ಠ ಒಳಮೈಗಾಗಿ ಫೈನಲ್‌ಗೆ ನಾಮನಿರ್ದೇಶನ ಪಡೆದಿದ್ದ ಜೇಡ್ ಸ್ವಲ್ಪದರಲ್ಲೇ ಪ್ರಶಸ್ತಿ ಮಿಸ್ ಮಾಡಿಕೊಂಡಿತ್ತು. ಆದರೆ ಇದಕ್ಕೂ ಮೊದಲು 2013ರಲ್ಲಿ ಅಂತಾರಾಷ್ಟ್ರೀಯ ಬೋಟ್ ಶೋದಲ್ಲಿ ವಿಶ್ವ ವಿಹಾರ ನೌಕೆ ಪ್ರಶಸ್ತಿಗೆ ಪಾತ್ರವಾಗಿತ್ತು.

ಈ ಖಾಸಗಿ ವಿಹಾರ ನೌಕೆಯನ್ನು ಸ್ಟುಡಿಯೋ ಝುಕೊನ್ ಇಂಟರ್‌ನ್ಯಾಷನಲ್ ಪ್ರೊಜೆಕ್ಟ್ ರಚಿಸಿದೆ. ಇದು ನಾಲ್ಕು ಕ್ಯಾಬಿನ್‌ಗಳಾಗಿ 10 ಆತಿಥಿಗಳಿಗೆ ಐಷಾರಾಮಿ ಅನುಭವ ನೀಡಲಿದೆ. ಜೊತೆಗೆ 13 ಸಿಬ್ಬಂದಿಗಳು ಇದರಲ್ಲಿ ಸೇವೆಗೆ ನಿರತರಾಗಿರಲಿದ್ದಾರೆ.

ಅಕ್ವೇರಿಯಂ, ಜಿಮ್ನೇಸಿಯಂ, ಐಷಾರಾಮಿ ಬೆಡ್ ರೂಂ, ಶೌಚಾಲಯ, ಮೇಲ್ಛಾವಣಿ, ಪ್ರತ್ಯೇಕ ಈಜುಕೊಳ, ಮನರಂಜನೆ, ಡೈನಿಂಗ್ ಟೇಬಲ್, ಕಾಫಿ ಟೇಬಲ್ ಇನ್ನು ಇತ್ಯಾದಿ ಹೆಚ್ಚಿನ ವಿಲಾಸಿ ಸೌಲಭ್ಯಗಳನ್ನು ಅನುಭವಿಸಬಹುದಾಗಿದೆ.