ಬ್ರಿಟನ್ ರಾಯಲ್ ದಂಪತಿಗಳ ರೇಂಜ್ ರೋವರ್ ಕಾರು ಹರಾಜಿಗೆ!

ಪ್ರಖ್ಯಾತ ಆನ್ ಲೈನ್ ಹರಾಜು ವೆಬ್ ಸೈಟ್ ಆಗಿರುವ ಚಾರಿಟಿ ಸ್ಟಾರ್ಸ್, ರೇಂಜ್ ರೋವರ್ ವೋಗ್ ಎಸ್ ಇ ಕಾರನ್ನು ಹರಾಜಿಗಿಡುತ್ತಿದೆ. ತನ್ಮೂಲಕ ರಾಯಲ್ ದಂಪತಿಗಳ ವೈಯಕ್ತಿಕ ಆಸ್ತಿಯನ್ನು ಪಡೆಯುವ ಅವಕಾಶ ನಿಮಗೂ ದೊರೆಯಲಿದೆ.

ಲ್ಯಾಂಡ್ ರೋವರ್ ವಿಐಪಿ ವಿಭಾಗದಿಂದ ಹಸ್ತಾಂತರ ಮಾಡಲಾಗಿರುವ ಐಷಾರಾಮಿ ರೇಂಜ್ ರೋವರ್ ಕಾರಲ್ಲಿ ಅನೇಕ ವೈಶಿಷ್ಟ್ಯಗಳನ್ನು ಆಳವಡಿಸಲಾಗಿದೆ.

ತಮ್ಮ ಮೊದಲ ಹೆರಿಗೆಯ ಬಳಿಕ ರಾಣಿ ಕ್ಯಾಥರಿನ್ ಜೊತೆ ವಿಲಿಯಮ್ ಆಸ್ಪತ್ರೆಯಿಂದ ಅರಮನೆಯತ್ತ ಇದೇ ಕಾರಲ್ಲಿ ಪ್ರಯಾಣ ಬೆಳೆಸಿದ್ದರು.

ರಾಯಲ್ ದಂಪತಿಗಳ ಭಾಗವಾಗಿರುವ ರೇಂಜ್ ರೋವರ್ ಈಗ ಐಕಾನಿಕ್ ವಾಹನಗಳ ಸಾಲಿನಲ್ಲಿ ಗುರುತಿಸಿಕೊಂಡಿದೆ.

ರೇಂಜ್ ರೋವರ್ ವೋಗ್ ಎಸ್ ಇ ಮಾದರಿಯು ಎಸ್ ಡಿ ವಿ8 4.4 ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತಿದ್ದು, 334 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಹಾಗೆಯೇ 8 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇದರಲ್ಲಿದೆ.

ಆಲ್ ಟರೈನ್ ಫೋರ್ ವೀಲ್ ಚಾಲನಾ ವ್ಯವಸ್ಥೆಯನ್ನು ಹೊಂದಿರುವ ರೇಂಜ್ ರೋವರ್ ಲೆಥರ್ ಸೀಟುಗಳೊಂದಿಗೆ ಆರಾಮದಾಯಕ ಚಾಲನೆಯನ್ನು ಖಾತ್ರಿಪಡಿಸುತ್ತದೆ.

ಮೆಮರಿ ಸೀಟು, ಹೀಟಡ್ ರಿಯರ್ ಸೀಟು, ಇಂಟಿರಿಯರ್ ಮೂಡ್ ಲೈಟಿಂಗ್, ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್, ಇಂಟೆಲಿಜೆಂಟ್ ಎಮರ್ಜನ್ಸಿ ಬ್ರೇಕಿಂಗ್ ಮತ್ತು ಆಕ್ಟಿವ್ ಸೀಟು ಬೆಲ್ಟ್, ಮೆರಿಡಿಯನ್ ಸೌರಂಡ್ ಸಿಸ್ಟಂ, ಎಂಟು ಇಂಚುಗಳ ಹೈ ರೆಸೊಲ್ಯೂಷನ್ ಟಚ್ ಸ್ಕ್ರೀನ್ ಜೊತೆ ಡ್ಯುಯಲ್ ವ್ಯೂ, ಸ್ಯಾಟಲೈಟ್ ನೇವಿಗೇಷನ್, ಬ್ಲೂಟೂತ್, ಫೋನ್ ಸಂಪರ್ಕ, ಡಿಜಿಟಲ್ ಟಿವಿ ಇತ್ಯಾದಿ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ.

ಇದರ ಜೊತೆಗೆ ಅಡಾಪ್ಟಿವ್ ಕ್ಸೆನಾನ್ ಹೆಡ್ ಲ್ಯಾಂಪ್, ಆಟೋಮ್ಯಾಟಿಕ್ ಹೈ ಬೀಮ್ ಅಸಿಸ್ಟ್, ಪ್ಯಾನರಾಮಿಕ್ ಸನ್ ರೂಫ್, ಸೌರಂಡ್ ಕ್ಯಾಮೆರಾ, ಪಾರ್ಕಿಂಗ್ ಅಸಿಸ್ಟ್ ಮುಂತಾದ ಸೇವೆಗಳನ್ನು ಪಡೆದಿದೆ.