ನೆಲದಿಂದಲೇ ಸಾಗರದಲ್ಲಿ ಸಾಗುವ ಹಡಗುಗಳನ್ನು ನಿಯಂತ್ರಿಸಲಿರುವ ರೋಲ್ಸ್ ರಾಯ್ಸ್

ಹಾಗಿರುವಾಗ ಸಾಗರದಲ್ಲಿ ಸಂಚರಿಸುವ ಹಡಗುಗಳನ್ನು ಭೂಮಿಯಿಂದ ಹೇಗೆ ನಿಯಂತ್ರಿಸಲು ಸಾಧ್ಯ ಎಂಬ ಸಂಶಯ ನಿಮ್ಮಲ್ಲಿ ಮೂಡಬಹುದಾಗಿದೆ. ಇದಕ್ಕಾಗಿ ರೋಲ್ಸ್ ರಾಯ್ಸ್ ಸಂಸ್ಥೆಯು ಅತಿ ನೂತನ ನಿಯಂತ್ರಣ ಕೇಂದ್ರಕ್ಕೆ ರೂಪುರೇಷೆಯನ್ನು ನೀಡುತ್ತಿದೆ.

ಏಳರಿಂದ 14 ಮಂದಿಯಷ್ಟು ಕಾರ್ಯ ನಿರ್ವಹಿಸಬಹುದಾದ ಈ ಸಣ್ಣದಾದ ಕೇಂದ್ರದಿಂದಲೇ ಹಡಗು ಸಂಚಲನವನ್ನು ಬಹಳ ದೂರದಲ್ಲಿದ್ದುಕೊಂಡೇ ನಿಯಂತ್ರಿಸಬಹುದಾಗಿದೆ.

ಮಾನವ ರಹಿತ ಸ್ವಯಂಚಾಲಿತ ಹಡಗುಗಳ ನಿಯಂತ್ರಣಕ್ಕಾಗಿ ನಿಯಂತ್ರಣ ಕೇಂದ್ರದಲ್ಲಿ ವಿನಿಮಯ ಸ್ಮಾರ್ಟ್ ಸ್ಕ್ರೀನ್, ಧ್ವನಿ ಗುರುತಿಸುವಿಕೆ ಮತ್ತು ಹೊಲೊಗ್ರಾಂ ವ್ಯವಸ್ಥೆಗಳನ್ನು ಲಗತ್ತಿಸಲಾಗುವುದು.

ಇವೆಲ್ಲದಕ್ಕೂ ಮಿಗಿಲಾಗಿ ಹಡಗುಗಳ ಚಲನವಲನಗಳನ್ನು ಸೂಕ್ಷ್ಮವಾಗಿ ವೀಕ್ಷಿಸಲು ಕಣ್ಗಾವಲು ಡ್ರೋನ್ ವ್ಯವಸ್ಥೆಗಳನ್ನು ಒದಗಿಸಲಾಗುತ್ತಿದೆ.

ರಿಮೋಟ್ ಮತ್ತು ಸ್ವಯಂಚಾಲಿತ ಹಡಗು ತಂತ್ರಜ್ಞಾನವು ಸಂಸ್ಥೆಯು ಅಭಿವೃದ್ಧಿಪಡಿಸುತ್ತಿರುವ ಮೂರು ನಾವೀನ್ಯ ಹಡಗು ಗುಪ್ತಚರ ತಂತ್ರಗಾರಿಕೆಯಲ್ಲಿ ಒಂದಾಗಿದೆ. ಈ ಮೂಲಕ ಗ್ರಾಹಕರಿಗೆ ಸಮುದ್ರ ವ್ಯವಹಾರಗಳನ್ನು ಮತ್ತಷ್ಟು ಸುಲಭವಾಗಿ ನಿರ್ವಹಿಸಬಹುದಾಗಿದೆ.

ಈ ಸಂಬಂಧ ಆರು ನಿಮಿಷಗಳ ಉಪಯುಕ್ತ ವಿಡಿಯೋವನ್ನು ನಿರ್ಮಿಸಿರುವ ರೋಲ್ಸ್ ರಾಯ್ಸ್, ತನ್ನ ತಂತ್ರಜ್ಞಾನ ಹೇಗೆ ಕೆಲಸ ಮಾಡಲಿದೆ ಎಂಬುದನ್ನು ವಿಡಿಯೋ ತುಣುಕುಗಳ ಮೂಲಕ ವಿವರಣೆಯನ್ನು ನೀಡಿದೆ.

2014ರಲ್ಲಿ ರೋಲ್ಸ್ ರಾಯ್ಸ್ ಭವಿಷ್ಯದ ದೃಷ್ಟಿಕೋನದ ಭಾಗವಾಗಿ 'ಒಎಕ್ಸ್' ಕಾನ್ಸೆಪ್ಟ್ ರಚಿಸಿತ್ತು. ಈ ಸರಣಿಯ ಮುಂದಿನ ಭಾಗ ಇದಾಗಿದ್ದು, ಭವಿಷ್ಯದ ಸರಕು ನೌಕಾ ತಂತ್ರಜ್ಞಾನವನ್ನು ಹಂಚಿಕೊಂಡಿದೆ.

ವಿಟಿಟಿ ಮತ್ತು ಯುನಿವರ್ಸಿಟಿ ಆಫ್ ಟ್ಯಾಂಪ್ ರಿಸರ್ಚ್ ಸೆಂಟರ್ ತಾವುಚಿ (University of Tampere research centre TAUCHI) ಜೊತೆ ಸೇರಿಕೊಂಡು ರೋಲ್ಸ್ ರಾಯ್ಸ್ ಗಾಢವಾದ ಅಧ್ಯಯನವನ್ನು ಕೈಗೊಂಡಿದೆ.

ವ್ಯೋಮಯಾನ, ಶಕ್ತಿ ಸಂಪನ್ಮೂಲ, ಭದ್ರತೆ ಮತ್ತು ಬಾಹ್ಯಾಕಾಶ ಕ್ಷೇತ್ರದಲ್ಲಿ ಸಂಶೋಧನೆಗಳು ಹೇರಳವಾಗಿ ನಡೆಯುತ್ತಿರುವಾಗ ರೋಲ್ಸ್ ರಾಯ್ಸ್ ಸಂಸ್ಥೆಯ ಈ ವಿನೂತನ ಮರೈನ್ ತಂತ್ರಗಾರಿಕೆಯು ಅತಿ ಹೆಚ್ಚು ಮೆಚ್ಚುಗೆಗೆ ಪಾತ್ರವಾಗುತ್ತಿದೆ.