ಎಚ್ಚರ! ಮದ್ಯಪಾನಗಿಂತಲೂ ಡೇಂಜರ್ ವಾಟ್ಸಪ್

ವಾಹನ ಚಾಲನೆ ವೇಳೆ ಬಹುತೇಕರು ತಮ್ಮ ಪ್ರೀತಿ ಪಾತ್ರರಿಗೆ ಮೊಬೈಲ್ ಹ್ಯಾಂಡ್ ಸೆಟ್ ಗಳಲ್ಲಿ ಮೆಸೇಜ್ ಮಾಡುವುದರಲ್ಲಿ ಬ್ಯುಸಿಯಾಗಿರುತ್ತಾರೆ. ಈ ಪೈಕಿ ವಾಟ್ಸಪ್ ಬಳಕೆ ಅತಿ ಹೆಚ್ಚಾಗಿ ಕಂಡುಬರುತ್ತಿದೆ ಎಂಬ ಆಘಾತಕಾರಿ ವಿಚಾರವನ್ನು ಅಧ್ಯಯನ ವರದಿ ತಿಳಿಸಿದೆ.

ಡ್ರಿಂಕ್ ಆಂಡ್ ಡ್ರೈವ್ ನಿಂದಾಗಿ ಅಪಘಾತಗಳ ಸಾಧ್ಯತೆ ಹೆಚ್ಚು ಎಂಬುದು ಸತ್ಯ. ಆದರೆ ವಾಟ್ಸಪ್ ದುಶ್ಚಟಕ್ಕೆ ಬಿದ್ದವನು ಇದಕ್ಕಿಂತಲೂ ಮಾರಕ ಎಂಬುದು ಬಯಲಾಗಿದೆ.

ಅಷ್ಟಕ್ಕೂ ಬ್ರಿಟನ್ ನಲ್ಲಿ ಹಮ್ಮಿಕೊಳ್ಳಲಾಗಿರುವ ಸೇಫ್ಟಿ ಕಲ್ಚರ್ ಇಂಡೆಕ್ಸ್ ರಿಪೋರ್ಟ್ ನಲ್ಲಿ ಈ ವಿವರಗಳು ದಾಖಲಾಗಿದೆ. ಇದಕ್ಕಾಗಿ 2000ದಷ್ಟು ಚಾಲಕರನ್ನು ಪರೀಕ್ಷೆಗೊಳಪಡಿಸಲಾಗಿತ್ತು.

ವರದಿಯ ಪ್ರಕಾರ ಚಾಲನೆ ವೇಳೆ ಚಾಲಕರ ಏಕಾಗ್ರತೆಗೆ ಭಂಗವನ್ನುಂಟು ಮಾಡುವುದರಲ್ಲಿ ಮದ್ಯಪಾನಗಿಂತಲೂ ಸಾಮಾಜಿಕ ಜಾಲತಾಣಗಳ ಪರಿಣಾಮವೇ ಜಾಸ್ತಿ ಎಂಬುದು ತಿಳಿದು ಬಂದಿದೆ.

ಇಲ್ಲಿ ಶೇಕಡಾ 77ರಷ್ಟು ಮಂದಿ ಸೋಷಿಯಲ್ ಮೀಡಿಯಾ ಅತ್ಯಂತ ಅಪಾಯಕಾರಿ ಎಂದು ತಿಳಿಸಿದ್ದರೆ ಶೇಕಡಾ 23ರಷ್ಟು ಮಂದಿ ಮಾತ್ರ ಪಾನಮತ್ತರಾಗಿ ಗಾಡಿ ಚಾಲನೆ ಮಾಡುವುದು ಅಪಾಯಕಾರಿ ಎಂದಿದ್ದಾರೆ.

ಇದೇ ವೇಳೆ ಚಾಲನೆ ವೇಳೆ ಮೊಬೈಲ್ ಸಂಭಾಷಣೆ ಸಹ ಅತ್ಯಂತ ಅಪಾಯಕಾರಿ ಎಂಬುದನ್ನು ನಾವಿಲ್ಲಿ ಎಚ್ಚರಿಸಲು ಬಯಸುತ್ತಿದ್ದೇವೆ.

ಪ್ರಾಣ ತೆಗೆಯುವ 8 ಕೇರ್ ಲೆಸ್ ಡ್ರೈವಿಂಗ್ ಹ್ಯಾಬಿಟ್