ಕೆಸಿಆರ್‌ಗಾಗಿ ಸಿದ್ಧವಾಗಿದೆ ರೂ.7 ಕೋಟಿ ಮೌಲ್ಯದ ಬುಲೆಟ್ ಪ್ರೂಫ್ ಬಸ್

ಕೆ.ಚಂದ್ರಶೇಖರ್‌ ರಾವ್‌ ಅವರಿಗೆ ಜೀವ ಬೆದರಿಕೆಗಳು ಹೆಚ್ಚಾಗುತ್ತಿದ್ದು, ಸಿಎಂ ರಕ್ಷಣೆಗಾಗಿ ರಾಜ್ಯ ಸರ್ಕಾರವು ಬರೋಬ್ಬರಿ 7 ಕೋಟಿ ರೂಪಾಯಿ ಮೌಲ್ಯದ ಬುಲೆಟ್‌‌‌ ಪ್ರೂಫ್‌‌ ಬಸ್‌‌ ಖರೀದಿಸಲು ಮುಂದಾಗಿದೆ ಎಂಬ ಮಾಹಿತಿಗಳು ಲಭ್ಯವಾಗಿವೆ.

Recommended Video

[Kannada] Maruti Swift 2018 - Full Specifications, Features, Price, Mileage, Colours - DriveSpark

ಮುಖ್ಯಮಂತ್ರಿ ಕೆಸಿಆರ್‌‌ ಈಗಾಗಲೇ ಝೆಡ್‌‌ ಪ್ಲಸ್‌‌ ಭದ್ರತೆ ಹೊಂದಿದ್ದರು ನಕ್ಸಲ್‌ರಿಂದ ಜೀವ ಬೆದರಿಕೆ ಹಿನ್ನೆಲೆ ಮತ್ತಷ್ಟು ಬಿಗಿಭದ್ರತೆ ಹೆಚ್ಚಿಸುವ ಉದ್ದೇಶದಿಂದ ಬುಲೆಟ್ ಪ್ರೂಫ್ ಬಸ್ ಖರೀದಿಸುತ್ತಿದ್ದಾರೆ.

ಕೆಸಿಆರ್‌ ಭದ್ರತೆಗಾಗಿ ಬುಲೆಟ್‌‌‌ ಪ್ರೂಫ್‌‌ ಬಸ್‌‌ ಖರೀದಿಸಲು ರಾಜ್ಯ ಸಾರಿಗೆ ಇಲಾಖೆಯು ಉತ್ಸುಕವಾಗಿದ್ದು, ಇದಕ್ಕೆ ಶೀಘ್ರವೇ ಆಡಳಿತಾತ್ಮಕ ಅನುಮೋದನೆ ಸಿಗಲಿದೆ ಎನ್ನುವ ಬಗ್ಗೆ ಪ್ರಮುಖ ಸುದ್ಧಿ ಸಂಸ್ಥೆಗಳು ವರದಿ ಮಾಡಿವೆ.

ನಕ್ಸಲ್ ಬೆದರಿಕೆ ಹಿನ್ನೆಲೆಯಲ್ಲಿ ವಿಶೇಷ ಪೊಲೀಸ್‌ ಭದ್ರತೆ ಬದಲಿಗೆ ಗ್ರೇಹೌಂಡ್ಸ್‌ ಭದ್ರತೆಯನ್ನು ಕೂಡಾ ಒದಗಿಸಲಾಗಿದ್ದು, ಕೆಸಿಆರ್‌ರ ಅಧಿಕೃತ ನಿವಾಸ 'ಪ್ರಗತಿ ಭವನ'ಕ್ಕೂ ಬುಲೆಟ್‌‌‌ ಪ್ರೂಫ್‌‌ ಗಾಜಿನ ಕಿಟಕಿಗಳನ್ನು ಅಳವಡಿಸಲಾಗಿದೆ.

ಇದರ ಜೊತೆಗೆ ದಿನದ 24 ಗಂಟೆಯೂ 50 ಜನ ಭದ್ರತಾ ಸಿಬ್ಬಂದಿಯನ್ನು ನಿವಾಸದಲ್ಲಿ ನಿಯೋಜಿಸಲಾಗುತ್ತಿದ್ದು, ಯಾವುದೇ ಮಾದರಿಯ ಗುಂಡಿನ ದಾಳಿ ನಡೆದರು ಆತ್ಮರಕ್ಷಣೆಗಾಗಿ ಈ ವಿಶೇಷ ಬಸ್ ಬಳಕೆಯಾಗಲಿದೆ.

ಬುಲೆಟ್ ಪ್ರೂಫ್ ವ್ಯವಸ್ಥೆ ಹೊಂದಿರುವ ಈ ಬಸ್‌ನಲ್ಲಿ ಬೆಡ್ ರೂಮ್, ವಿಶ್ರಾಂತಿ ಕೋಣೆ, ಸಭೆ ನಡೆಸುವ ಹಾಲ್, ಇಂಟರ್ನೆಟ್ ಸೇರಿದಂತೆ ಅನೇಕ ಐಷಾರಾಮಿ ಸೌಲಭ್ಯಗಳನ್ನು ಅಳವಡಿಸಲಾಗಿದ್ದು, ವಿಲಾಸಿ ಸೌಕರ್ಯಗಳು ಬಸ್ ಪ್ರಯಾಣವನ್ನು ಸುಖಕರವಾಗಿಸಲಿವೆ.

ಮುಖ್ಯಮಂತ್ರಿ ರಾವ್ ಪ್ರಸ್ತುತ ರಾಜ್ಯದಲ್ಲಿ ಪ್ರವಾಸ ಕೈಗೊಳ್ಳಲು ಹೆಲಿಕಾಪ್ಟರ್ ಬಳಸುತ್ತಿದ್ದಾರೆ. ಯಾವುದೇ ಕಾರ್ಯಕ್ರಮವಿರಲಿ ಹೆಲಿಕಾಪ್ಟರ್‌ನಲ್ಲಿ ಪ್ರಯಾಣಿಸುವುದು ಹವ್ಯಾಸವಾಗಿದೆ ಎಂದು ಕಾಂಗ್ರೆಸ್ ಕೂಡಾ ಈ ಹಿಂದೆ ಟೀಕೆ ಮಾಡಿತ್ತು.

ಇದೇ ಕಾರಣಕ್ಕೊ ಏನೋ ಗೊತ್ತಿಲ್ಲಾ. ಹೆಲಿಕಾಪ್ಟರ್ ಬದಲಾಗಿ ಐಷಾರಾಮಿ ಬಸ್ ಮೂಲಕವೇ ರಾಜ್ಯ ಪ್ರವಾಸ ಮಾಡಲು ಮುಂದಾಗಿರುವ ಕೆಸಿಆರ್, ಭಾರೀ ಪ್ರಮಾಣದ ಭದ್ರತೆಯೊಂದಿಗೆ ಬುಲೆಟ್ ಪ್ರೂಫ್ ಬಸ್ ಏರಿ ಪ್ರವಾಸಕ್ಕಾಗಿ ಸಿದ್ದರಾಗುತ್ತಿದ್ದಾರೆ.

ಇನ್ನು ಹೊಸ ರಾಜ್ಯ ಉದ್ಭವ ಆದಮೇಲೆ ತೆಲಂಗಾಣವನ್ನ ಅಭಿವೃದ್ಧಿ ಮಾಡೋ ಕನಸು ಕಾಣುತ್ತಿರುವ ಮುಖ್ಯಮಂತ್ರಿ ಕೆಸಿಆರ್ ಅವರ ಮೋಜಿನ ಬದುಕು ಮಾತ್ರ ಸಿಕ್ಕಾಪಟ್ಟೆ ದುಬಾರಿಯಾಗಿದೆ.