ವಿಶ್ವದ ಅತಿ ದುಬಾರಿ ಕಾರು ಯಾವುದು ಗೊತ್ತೇ?

ಇತಿಹಾಸದತ್ತ ತಿರುಗಿ ನೋಡಿದಾಗ ಅತಿ ಬೇಡಿಕೆಯ ಫೆರಾರಿ 250 ಜಿಟಿಒ ಕಾರಿನ ನಿಗದಿತ 39 ಯುನಿಟ್‌ಗಳಷ್ಟೇ ಉತ್ಪಾದಿಸಲಾಗಿತ್ತು. ಪ್ರಮುಖವಾಗಿಯೂ ಇದನ್ನು ಲಿ ಮ್ಯಾನ್ 24 ಹವರ್‌ಗಳಂತಹ ಜಿಟಿ ರೇಸ್‌ಗಳಿಗಾಗಿ ಮಾತ್ರ ಅಭಿವೃದ್ಧಿಪಡಿಸಲಾಗಿತ್ತು.

ಅಂದ ಹಾಗೆ ಈ ಹಿಂದಿನ ಅತಿ ದುಬಾರಿ ಕಾರೆಂಬ ದಾಖಲೆಯನ್ನು ಫೆರಾರಿ 250 ಜಿಟಿಒ ಕಾರು ಹೊಂದಿತ್ತು ಎಂಬುದು ಸಹ ಅತಿ ವಿಶೇಷ. ಆದರೆ ವ್ಯತ್ಯಾಸವಿಷ್ಟೇ ಅಂದೊಂದು ಹಸಿರು ಬಣ್ಣದ ಫೆರಾರಿ 250 ಜಿಟಿಒ ಕಾರಾಗಿತ್ತು. ಇದು ಬರೋಬ್ಬರಿ 35 ಮಿಲಿಯನ್ ಅಮೆರಿಕನ್ ಡಾಲರ್‌ಗೆ ಮಾರಾಟವಾಗಿತ್ತು.

Giotto Bizzarrini ಮುಂದಾಳತ್ವ ವಹಿಸಿದ್ದ ತಂಡವೊಂದು ಫೆರಾರಿ 250 ಜಿಟಿಒ ಕಾರನ್ನು ತಯಾರಿಸಿತ್ತು.

ಇದು 3.0 ಲೀಟರ್ ವಿ12 ಎಂಜಿನ್‌ನಿಂದ ನಿಯಂತ್ರಿಸ್ಪಡುತ್ತಿದ್ದು, 300 ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ 5 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್‌ಮಿಷನ್ ಹೊಂದಿದೆ.

ಪ್ರಸ್ತುತ ಕಾರು ಪ್ರತಿ ಗಂಟೆಗೆ 280 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.

ಮೊನಲಿಸಾ

ಫೆರಾರಿ 250 ಜಿಟಿಒ ಕಾರಿಗೆ ಕಂಡುಬಂದಿರುವ ಇಷ್ಟೊಂದು ಬೇಡಿಕೆಯ ಪರಿಣಮವಾಗಿಯೇ ಇದನ್ನು ಮೊನಲಿಸಾ ಕಾರೆಂದು ಬಿಂಬಿಸಲಾಗಿದೆ.

ನಿಮ್ಮ ಮಾಹಿತಿಗಾಗಿ 1950 ಹಾಗೂ 1960ರ ದಶಕದ ಫೆರಾರಿ ಕಾರುಗಳ ಮೌಲ್ಯ ವರ್ಷಂಪ್ರತಿ ಸರಾಸರಿ ಶೇಕಡಾ 15ರಷ್ಟು ವರ್ಧನೆಯಾಗುತ್ತಿದೆ. ಇದು ವಿಂಟೇಜ್ ಫೆರಾರಿ ಕಾರುಗಳ ಬೇಡಿಕೆಗೆ ಕಾರಣವಾಗುತ್ತಿದೆ.

ಈ ಎಲ್ಲ ಹರಾಜು ಪ್ರಕ್ರಿಯೆಗಳು ಖಾಸಗಿಯಾಗಿ ನಡೆಯುತ್ತಿರುವ ಹಿನ್ನಲೆಯಲ್ಲಿ ಫೆರಾರಿಗಳಂತಹ ಅತಿ ಬೇಡಿಕೆಯ ಕಾರುಗಳಿಗೆ 300 ಕೋಟಿಗಿಂತಲೂ ಹೆಚ್ಚು ಮೊತ್ತ ಪಾವತಿಸಲು ವ್ಯಕ್ತಿಗಳು ತಯಾರಾಗಿರುತ್ತಾರೆ ಎಂದು ವಾಹನ ತಜ್ಞರು ಅಭಿಪ್ರಾಯಪಡುತ್ತಾರೆ.