ಎಲೆಕ್ಟ್ರಿಕ್ ಬೈಕ್ ಕಂಪನಿಗಳಿಗಿದು ಸವಾಲಿನ ಸಮಯ

Posted By:
To Follow DriveSpark On Facebook, Click The Like Button
ದೇಶದ ಎಲೆಕ್ಟ್ರಿಕ್ ಬೈಕ್ ತಯಾರಿಕಾ ಕಂಪನಿಗಳಿಗೆ ಇದು ಕಠಿಣ ಸಮಯವಾಗಿದ್ದು, ತಮ್ಮ ಭವಿಷ್ಯದ ಕಾರ್ಯತಂತ್ರಗಳನ್ನು ಪುನರ್ ಪರಿಶೀಲಿಸುತ್ತಿವೆ ಎಂದು ಬಿಸಿನೆಸ್ ಸ್ಟಾಂಡರ್ಡ್ ವರದಿ ಮಾಡಿದೆ. ಪೆಟ್ರೋಲ್ ದರ ಹೆಚ್ಚಾದ ಸಂದರ್ಭದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಸಹಜವಾಗಿ ಬೇಡಿಕೆ ಏರಬೇಕಿತ್ತು. ಆದರೆ ಇ ಬೈಕ್ ಮಾರುಕಟ್ಟೆಯಲ್ಲಿ ಅಂತಹ ಯಾವುದೇ ಬದಲಾವಣೆಯಾಗಿಲ್ಲ.

"ದೇಶದಲ್ಲಿ ಬೇಡಿಕೆ ಕಡಿಮೆ ಇರುವ ಕಾರಣ ವಿದೇಶಿ ಮಾರುಕಟ್ಟೆಗೆ ಎಲೆಕ್ಟ್ರಿಕ್ ಮಾರುಕಟ್ಟೆ ರಫ್ತು ಮಾಡುವ ಸಾಧ್ಯತೆಯ ಕುರಿತು ಗಮನ ಹರಿಸಿದ್ದೇವೆ" ಎಂದು ವಿಜಯ್ ಮುಂಜಾಲ್ ನೇತೃತ್ವದ ಹೀರೊ ಎಲೆಕ್ಟ್ರಿಕ್ ಕಂಪನಿಯ ಮುಖ್ಯಸ್ಥರು ಹೇಳಿದ್ದಾರೆ. "ಗ್ರಾಹಕರಿಗೆ ದರ ವಿನಾಯಿತಿ ಮೂಲಕ ಸೆಳೆಯಲು ಯತ್ನಿಸುತ್ತಿದ್ದೇವೆ" ಎಂದು ಜನಪ್ರಿಯ ಇ-ಸ್ಕೂಟರ್ ಯೊಗ್ಯಕ್ಸ್ ತಯಾರಕಾ ಕಂಪನಿ ಎಲೆಕ್ಟ್ರೊಥೆಮ್ ಇಂಡಿಯಾ ಲಿಮಿಟೆಡ್ ಹೇಳಿದೆ.

ಪ್ರಸಕ್ತ ವರ್ಷದ ಆರಂಭದಲ್ಲಿ ಹೀರೊ ಎಲೆಕ್ಟ್ರಿಕ್ ಕಂಪನಿಯು ಇಂಗ್ಲೆಂಡ್ ಮೂಲದ ಎಲೆಕ್ಟ್ರಿಕ್ ದ್ವಿಚಕ್ರವಾಹನ ಕಂಪನಿಯನ್ನು ಸ್ವಾಧೀನಪಡಿಸಿಕೊಂಡಿತ್ತು. ತದನಂತರ ಕಂಪನಿಯು ಹೀರೊ ಎಕೊ ಪ್ರೈವೆಟ್ ಲಿಮಿಟೆಡ್ ಹೆಸರಿನಲ್ಲಿ ಜಾಗತಿಕ ಮಾರುಕಟ್ಟೆಯಲ್ಲಿ ಮಾರಾಟ ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸುತ್ತಿದೆ.

ಈ ಹಿಂದೆ ಹೀರೊ ಎಲೆಕ್ಟ್ರಿಕ್ ಕಂಪನಿಯ ಬೈಕುಗಳು ತಿಂಗಳಿಗೆ ಕನಿಷ್ಠವೆಂದರೂ 7-8 ಸಾವಿರ ಯುನಿಟ್ ಮಾರಾಟವಾಗುತ್ತಿದ್ದವು. ಈಗ ಈ ಸಂಖ್ಯೆ ಮೂರು ಸಾವಿರ ಯುನಿಟ್ ಇದೆ. "ಕಳೆದ ಕೆಲವು ತಿಂಗಳಿನಿಂದ ಎಲೆಕ್ಟ್ರಿಕ್ ಬೈಕ್ ಮಾರಾಟವು ಶೇಕಡ 70-80ರಷ್ಟು ಕುಸಿದಿದೆ" ಎಂದು ಕಂಪನಿ ಹೇಳಿದೆ. ಅಜಂತಾ ಗ್ರೂಪಿನ ಎಲೆಕ್ಟ್ರಿಕ್ ಬೈಕ್ ಮಾರಾಟವೂ ಇಳಿಕೆ ಕಂಡಿದೆ.

English summary
Increasing petrol price not increasing electric bike sales. E-Bike makers strugling to increase sales in India. Hero Electric, Ajanta Group and Electrotherm India Ltd Electric Bike Sales down trend day by day.
Story first published: Thursday, June 28, 2012, 11:43 [IST]
Please Wait while comments are loading...

Latest Photos

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark