ಪುರುಷರಿಗಾಗಿ ಯಮಹಾದಿಂದ 125ಸಿಸಿ ಸ್ಕೂಟರ್

ನೂತನ ಆಟೋಮ್ಯಾಟಿಕ್ 125 ಸಿಸಿ ಸ್ಕೂಟರ್ ಮೂಲಕ ಹೊಂಡಾ ಎವಿಯೇಟರ್ ಹಾಗೂ ಸುಜುಕಿ ಆಕ್ಸೆಸ್ 125 ಆವೃತ್ತಿಗೆ ಕಠಿಣ ಪೈಪೋಟಿ ನೀಡುವ ಗುರಿಯನ್ನು ಯಮಹಾ ಹೊಂದಿದೆ.

ದರ ಮಾಹಿತಿ

ಯಮಹಾ 125ಸಿಸಿ ಆಟೋಮ್ಯಾಟಿಕ್ ಸ್ಕೂಟರ್ 40,000ದಿಂದ 50000 ರೂಪಾಯಿಗಳ ವರೆಗಿನ ಬಜೆಟ್‌ನಲ್ಲಿ ಆಗಮನವಾಗಲಿದೆ. ಇದರಿಂದ ಗ್ರಾಹಕರನ್ನು ಮತ್ತಷ್ಟು ಆಕರ್ಷಿಸುವ ಸಾಧ್ಯತೆಯಿದೆ.

ಸ್ಕೂಟರ್‌ಗಳತ್ತ ಹೆಚ್ಚು ಗಮನ ಕೇಂದ್ರಿಕತವಾಗಿರುವ ಯಮಹಾ 2015ರ ವರೆಗೆ ದೊಡ್ಡ ಪ್ರಮಾಣದ ಮಾರುಕಟ್ಟೆಯನ್ನು ಗುರಿಯಾಗಿರಿಸುವ ಮೂಲಕ ಹೆಚ್ಚಿನ ಸ್ಕೂಟರ್ ಆವೃತ್ತಿಗಳನ್ನು ಬಿಡುಗಡೆಗೊಳಿಸಲು ಗುರಿಯಿರಿಸಿಕೊಂಡಿದೆ. ಅಂದ ಹಾಗೆ ಆಟೋಮ್ಯಾಟಿಕ್ ಸ್ಕೂಟರ್ ಸೆಗ್ಮೆಂಟ್‌ಗೆ ದೇಶಿಯ ಮಾರುಕಟ್ಟೆಯಲ್ಲಿ ಭಾರಿ ಬೇಡಿಕೆ ಕಂಡುಬರುತ್ತಿದೆ.

ಮುಂದಿನ ವರ್ಷ ಹಲವು ದ್ವಿಚಕ್ರ ವಾಹನ ತಯಾರಕ ಕಂಪನಿಗಳಿಂದ ಹೆಚ್ಚಿನ 125 ಸಿಸಿ ಆಟೋಮ್ಯಾಟಿಕ್ ಸ್ಕೂಟರ್‌ಗಳು ಆಗಮನವಾಗುವ ನಿರೀಕ್ಷೆಯಿದೆ. ಇದೇ ಯೋಜನೆಯಲ್ಲಿರುವ ಟಿವಿಎಸ್ ಮೋಟಾರ್ ಮುಂದಿನ ವರ್ಷಾರಂಭದಲ್ಲಿ 125 ಸಿಸಿ ಸ್ಕೂಟರ್ ಬಿಡುಗಡೆ ಮಾಡಲಿದೆ.

ಇದೇ ಯೋಜನೆಯಲ್ಲಿರುವ ಪಿಯಜಿಯೊ ಇಂಡಿಯಾ ಕೂಡಾ ಫ್ಲೈ 125 ಆಟೋಮ್ಯಾಟಿಕ್ ಸ್ಕೂಟರ್ ಲಾಂಚ್ ಮಾಡುವ ಮೂಲಕ ಸ್ಕೂಟರ್ ಸೆಗ್ಮೆಂಟ್‌ಗೆ ಪ್ರಬಲ ಪೈಪೋಟಿ ನೀಡುವ ಇರಾದೆಯಲ್ಲಿದೆ. ಅಂದರೆ ಮುಂದಿನ ವರ್ಷ ಆಟೋಮ್ಯಾಟಿಕ್ ಸ್ಕೂಟರ್‌ಗಳ ಪೈಕಿ ಮೂರು ನೂತನ ಸ್ಕೂಟರ್‌ಗಳ ಆಗಮನವಾಗಲಿದೆ. ಅಲ್ಲದೆ 100-110ಸಿಸಿಗಳಿಗಿಂತಲೂ ಹೆಚ್ಚು ಪವರ್‌ಫುಲ್ ಆಗಿರುವ ಇಂತಹ ಸ್ಕೂಟರ್‌ಗಳು ಮಾರುಕಟ್ಟೆಯಲ್ಲಿ ಹೆಚ್ಚಿನ ಸದ್ದು ಮಾಡುವ ನಿರೀಕ್ಷೆಯಿದೆ.