ವೆಸ್ಪಾ 150-125 ಸಿಸಿ ಪ್ರೀಮಿಯಂ ಶ್ರೇಣಿಗಳ ಸ್ಕೂಟರ್ ಬಿಡುಗಡೆ

By Nagaraja

Published: Wednesday, September 2, 2015, 11:03 [IST]

ಇಟಲಿ ಮೂಲದ ಐಕಾನಿಕ್ ಸಂಸ್ಥೆ ವೆಸ್ಪಾ, ಭಾರತದಲ್ಲಿ ಪ್ರೀಮಿಯಂ ಶ್ರೇಣಿಯ 150 ಹಾಗೂ 125 ಸಿಸಿ ಸ್ಕೂಟರ್ ಗಳನ್ನು ಬಿಡುಗಡೆ ಮಾಡಿದೆ. ಸಂಸ್ಥೆಯ ಜಾಗತಿಕ ಬ್ರಾಂಡ್ ಅಂಬಾಸಿಡರ್ ಹಾಗೂ ಖ್ಯಾತ ಫುಟ್ಬಾಲ್ ಆಟಗಾರ ಅಲೆಸ್ಸ್ಯಾಂಡ್ರೋ ಡೆಲ್ ಪಿಯರೋ ದೇಶಕ್ಕೆ ಹೊಸ ವೆಸ್ಪಾ ಸ್ಕೂಟರ್ ಗಳನ್ನು ಪರಿಚಯಿಸಿದರು.

ಇದೇ ವೇಳೆಯಲ್ಲಿ "ಮಕ್ಕಳಿಗಾಗಿ ವೆಸ್ಪಾ" (Vespa for Children) ಸಹಾಯಾರ್ಥ ನಿಧಿ ಸಂಗ್ರಹ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿತ್ತು. ಈ ವೇಳೆಯಲ್ಲಿ ಪಿಯರೋ ಸಹಿ ಮಾಡಿದ ವೆಸ್ಪಾ ಸ್ಕೂಟರ್ ಹರಾಜಿಗಿಡಲಾಗಿತ್ತು.

ವೆಸ್ಪಾ 150-125 ಸಿಸಿ ಪ್ರೀಮಿಯಂ ಶ್ರೇಣಿಗಳ ಸ್ಕೂಟರ್ ಬಿಡುಗಡೆ

ತನ್ನದೇ ವಿಶೇಷ ವಿನ್ಯಾಸ, ಕಟ್ಟಿಂಗ್ ಎಡ್ಜ್ ತಂತ್ರಜ್ಞಾನದೊಂದಿಗೆ ವೆಸ್ಪಾ ಸ್ಕೂಟರ್, ವಾಹನ ಪ್ರೇಮಿಗಳ ಜೀವನ ಶೈಲಿಯನ್ನೇ ಬದಲಾಯಿಸಿದೆ. ನೂತನ ವೆಸ್ಪಾ ಎಸ್‌ಎಕ್ಸ್‌ಎಲ್ ಮತ್ತು ವೆಸ್ಪಾ ವಿಎಕ್ಸ್‌ಎಲ್ ಸ್ಕೂಟರ್ ಗಳು 150 ಸಿಸಿ 3 ವಾಲ್ವ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 125 ಸಿಸಿ 3 ವಾಲ್ವ್ ಎಂಜಿನ್ ಆಯ್ಕೆಯೊಂದಿಗೂ ಲಭ್ಯವಿರುತ್ತದೆ.