ಬೆನೆಲ್ಲಿ 150 ಸಿಸಿ ಸ್ಕೂಟರ್ ಭಾರತದಲ್ಲಿ ಟೆಸ್ಟಿಂಗ್ ನಡೆಸಿದ್ದು ಏಕೆ?

ಈಗ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಬೆನೆಲ್ಲಿ ಎಕ್ಸ್ ಟಿ 150 ಸಿಸಿ ಸ್ಕೂಟರನ್ನು ಪುಣೆಯ ಸಮೀಪ ರಾಷ್ಟ್ರೀಯ ಹೆದ್ದಾರಿ 4ರಲ್ಲಿ ಸಂಚಾರಿ ಪರೀಕ್ಷೆ ನಡೆಸಲಾಗಿದೆ. ಈ ಸಂದರ್ಭದನ್ನು ಸ್ಕೂಟರಿಗೆ ಕಪ್ಪು ಪಟ್ಟಿ ಧರಿಸಿ ಮರೆಮಾಚುವ ಪ್ರಯತ್ನ ಮಾಡಲಾಗಿತ್ತು.

ಶಕ್ತಿಯುತ ದೇಹ ರಚನೆ, ಮುಂಭಾಗದಲ್ಲಿ ದೊಡ್ಡದಾದ ವಿಂಡ್ ಸ್ಕ್ರೀನ್, ಫೈವ್ ಸ್ಪೋಕ್ ಅಲಾಯ್ ವೀಲ್, ಡಿಸ್ಕ್ ಬ್ರೇಕ್ ಮತ್ತು ಎಕ್ಸಾಸ್ಟ್ ಕೊಳವೆಗಳು ಹೆಚ್ಚಿನ ಆಕರ್ಷಣೆಗೆ ಪಾತ್ರವಾಗಿದೆ.

ಈ ಸಂಬಂಧ ಬೆನೆಲ್ಲಿಯಾಗಲಿ ಅಥವಾ ದೇಶದಲ್ಲಿ ಬೆನೆಲ್ಲಿ ಪಾಲುದಾರಿಕೆ ಹೊಂದಿರುವ ಡಿಎಸ್‌ಕೆಯಿಂದ ಯಾವುದೇ ಖಚಿತ ಮಾಹಿತಿಗಳು ಇದುವರೆಗೆ ಬಂದಿಲ್ಲ. ಆದರೂ ಪರೀಕ್ಷೆ ನಡೆಸಿರುವುದು 150 ಸಿಸಿ ಸ್ಕೂಟರ್ ಎಂಬುದಂತೂ ಸ್ಪಷ್ಟವಾಗಿದೆ.

ನೂತನ ಬೆನೆಲ್ಲಿ 150 ಸಿಸಿ ಸ್ಕೂಟರ್ ಕೆಫೆನೀರೋ ಎಂದು ಅಂದಾಜಿಸಲಾಗಿದ್ದು, ಇದು 13.4 ಅಶ್ವಶಕ್ತಿಯನ್ನು ಉತ್ಪಾದಿಸುವಷ್ಟು ಸಾಮರ್ಥ್ಯ ಹೊಂದಿರುತ್ತದೆ.

ಸಾಮಾನ್ಯ ಸ್ಕೂಟರ್ ಗಳಿಗೆ ಹೋಲಿಸಿದಾಗ 150 ಕೆ.ಜಿ. ಯಷ್ಟು ತೂಕ ಹೊಂದಿರುವ ಖೆಫೆನೀರೋ ಯಾವಾಗ ಭಾರತ ಪ್ರವೇಶ ಪಡೆಯಲಿದೆ ಎಂಬುದಕ್ಕೆ ಸಂಬಂಧಿಸಿದಂತೆ ಖಚಿತ ಮಾಹಿತಗಳು ಲಭ್ಯವಾಗಿಲ್ಲ.