ಟಾರ್ಕ್ ಎಲೆಕ್ಟ್ರಿಕ್ ಬೈಕ್ ಮ್ಯಾಜಿಕ್; 24 ತಾಸಿನಲ್ಲೇ 1000ಕ್ಕೊ ಹೆಚ್ಚು ಬುಕ್ಕಿಂಗ್ಸ್!

By Nagaraja

Updated: Monday, October 3, 2016, 15:21 [IST]

ಭಾರತಕ್ಕೆ ಭರ್ಜರಿ ಎಂಟ್ರಿ ಕೊಟ್ಟಿರುವ ಟಾರ್ಕ್ ಟಿ6ಎಕ್ಸ್ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್, 24 ತಾಸಿನಲ್ಲೇ 1000ಗಿಂತಲೂ ಹೆಚ್ಚು ಮುಂಗಡ ಬುಕ್ಕಿಂಗ್ಸ್ ಗಳನ್ನು ಗಿಟ್ಟಿಸಿಕೊಳ್ಳುವ ದಾಖಲೆ ಬರೆದಿದೆ.

ಇವನ್ನೂ ಓದಿ: ಆಶ್ಚರ್ಯಕರ ಬೆಲೆಯಲ್ಲಿ ದೇಶದ ಚೊಚ್ಚಲ ಎಲೆಕ್ಟ್ರಿಕ್ ಬೈಕ್ ಬಿಡುಗಡೆ

ಬೆಂಗಳೂರು ಸೇರಿದಂತೆ ದೇಶದ ಮೂರು ಪ್ರಮುಖ ನಗರಗಳಲ್ಲಿ ಬಿಡುಗಡೆಗೊಂಡಿರುವ ದೇಶದ ಚೊಚ್ಚಲ ಎಲೆಕ್ಟ್ರಿಕ್ ಬೈಕ್ ಟಿ6ಎಕ್ಸ್, ಪರಿಸರ ಸ್ನೇಹಿ ಭವಿಷ್ಯದತ್ತ ದಿಟ್ಟ ಹೆಜ್ಜೆಯನ್ನಿಟ್ಟಿದೆ.

ಟಾರ್ಕ್ ಎಲೆಕ್ಟ್ರಿಕ್ ಬೈಕ್ ಮ್ಯಾಜಿಕ್; 24 ತಾಸಿನಲ್ಲೇ 1000ಕ್ಕೊ ಹೆಚ್ಚು ಬುಕ್ಕಿಂಗ್ಸ್!

ಭಾರತದ್ದೇ ತಳಹದಿಯ ಟಾರ್ಕ್ ಟಿ6ಎಕ್ಸ್ ವಿದ್ಯುತ್ ಚಾಲಿತ ನಿರ್ವಹಣಾ ಬೈಕ್ ಪರಿಚಾಯತ್ಮಕ 1.25 ಲಕ್ಷ ರುಪಾಯಿಗಳಿಗೆ ಬೆಂಗಳೂರಿಗೆ ಎಂಟ್ರಿ ಕೊಟ್ಟಿತ್ತು.

ಮೊದಲನೇ ಹಂತವಾಗಿ ಬೆಂಗಳೂರು ಹೊರತಾಗಿ ರಾಷ್ಟ್ರ ರಾಜಧಾನಿ ನವದೆಹಲಿ ನಗರದಲ್ಲಿ ಟಾರ್ಕ್ ಟಿ6ಎಕ್ಸ್ ಎಲೆಕ್ಟ್ರಿಕ್ ನಿರ್ವಹಣಾ ಬೈಕ್ ಬಿಡುಗಡೆಗೊಂಡಿದೆ.

ಟಾರ್ಕ್ ಟಿ6ಎಕ್ಸ್ ಎಲೆಕ್ಟ್ರಿಕ್ ಬೈಕ್, ಬ್ರಶ್ ಲೆಸ್ ಡಿಸಿ 6 ಕೆಡ್ಬ್ಲ್ಯು ಲಿಥಿಯಂ ಇಯಾನ್ ಬ್ಯಾಟರಿಂದ ನಿಯಂತ್ರಿಸಲ್ಪಡುತ್ತಿದ್ದು, 27 ಎನ್ ಎಂ ತಿರುಗುಬಲವನ್ನು ನೀಡುತ್ತದೆ.

ಟಾರ್ಕ್ ಟಿ6ಎಕ್ಸ್ ಭಾರತದ ಮೊತ್ತ ಮೊದಲ ಎಲೆಕ್ಟ್ರಿಕ್ ನಿರ್ವಹಣಾ ಮೋಟಾರ್ ಸೈಕಲ್ ಆಗಿದ್ದು, ಏಳು ವರ್ಷಗಳ ಸಮಗ್ರ ಅಧ್ಯಯನ ಮತ್ತು ಅಭಿವೃದ್ಧಿಯ ಬಳಿಕ ಬಿಡಗಡೆಗೊಳಿಸಲಾಗಿದೆ.

ಆಧುನಿಕ ನಗರ ಪ್ರಯಾಣಿಕ ವ್ಯವಸ್ಥೆಗೆ ಹೊಸ ಜೀವ ತುಂಬಿರುವ ಟಿ6ಎಖ್ಸ್, ಕಟ್ಟಿಂಗ್ ಎಡ್ಜ್ ತಂತ್ರಗಾರಿಕೆಯೊಂದಿಗೆ ಪಾರುಪತ್ಯ ಸಾಧಿಸಿದೆ.

ಇವೆಲ್ಲದಕ್ಕೂ ಹೊರತಾಗಿ ಟೈಯೊಸ್ ಅಥವಾ ಟಾರ್ಕ್ ಟಾರ್ಕ್ ಇಟ್ಯೂಟಿವ್ ಸಿಗ್ನೇಚರ್ ಓಪರೇಟಿಂಗ್ ಸಿಸ್ಟಂ (TRIOS) ಟಿ6ಎಕ್ಸ್ ಎಲೆಕ್ಟ್ರಿಕ್ ಬೈಕನ್ನು ಮೇಲ್ದರ್ಜೆಯಲ್ಲಿ ಗುರುತಿಸುವಂತೆ ಮಾಡಿದೆ. ಇದು ಸವಾರಿಯ ಎಲ್ಲ ವಿವರಗಳ ಹೊರತಾಗಿ ಪವರ್ ಮ್ಯಾನೇಜ್ ಮೆಟ್, ರಿಯಲ್ ಟೈಮ್ ಪವರ್ ಬಳಕೆ, ವ್ಯಾಪ್ತಿ ಹಾಗೂ ಹೇಗೆ ಚಾಲನೆ ಮಾಡಿದರೆ ಸೂಕ್ತ ಎಂಬುದರ ಬಗ್ಗೆ ಮಾಹಿತಿಯನ್ನು ಒದಗಿಸಲಿದೆ.

ಕಸ್ಟಮೈಸ್ಡ್ ಚಾಲನೆ ಆಯ್ಕೆ ಇರುವುದರಿಂದ ಶಕ್ತಿ ವಿತರಣೆಯನ್ನು ಹೊಂದಾಣಿಸಬಹುದಾಗಿದೆ. ಕೇವಲ ಒಂದೇ ಬಟನ್ ಟಚ್ ನಲ್ಲಿ ಸ್ಪೋರ್ಟ್ ನಿಂದ ಇಕೊ ಕ್ರೂಸರ್ ಮೋಡ್ ಗಳನ್ನು ಆಯ್ಕೆ ಮಾಡಬಹುದಾಗಿದೆ. ಕ್ಲೌಡ್ ಆಟೋಮ್ಯಾಟಿಕ್ ತಂತ್ರಜ್ಞಾನವನ್ನು ಟಿ6ಎಕ್ಸ್ ಪಡೆದುಕೊಂಡಿದ್ದು, ರಸ್ತೆಯ ಸ್ಮಾರ್ಟ್ ಮೋಟಾರ್ ಸೈಕಲ್ ಆಗಿ ಪರಿವರ್ತಿಸಲಿದೆ.

ಶೇಕಡಾ 80ರಷ್ಟು ಚಾರ್ಜ್ ಮಾಡಿಸಿದ್ದಲ್ಲಿ ಟಾರ್ಕ್ ಬೈಕ್ ನಲ್ಲಿ 100 ಕೀ.ಮೀ. ವ್ಯಾಪ್ತಿಯನ್ನು ಸರಾಗವಾಗಿ ಸಾಗಬಹುದಾಗಿದೆ. ಇನ್ನು ಗಂಟೆಗೆ ಗರಿಷ್ಠ 100 ಕೀ.ಮೀ. ವೇಗವರ್ಧಿಸಿಕೊಳ್ಳಬಹುದಾಗಿದೆ.

ಇದರಲ್ಲಿ ಜೋಡಣೆ ಮಾಡಲಾಗಿರುವ ಲಿಥಿಯಂ ಇಯಾನ್ ಬ್ಯಾಟರಿಯು ಶೇಕಡಾ 80ರಷ್ಟು ಚಾರ್ಜ್ ಆಗಲು 60 ನಿಮಿಷಗಳು ತಗುಲಲಿದೆ. ಅದೇ ಹೊತ್ತಿಗೆ ಸಂಪೂರ್ಣವಾಗಿ ಚಾರ್ಜ್ ಆಗಲು ಎರಡು ತಾಸುಗಳಷ್ಟು ಸಮಯ ಬೇಕಾಗುವುದು.