ಡುಕಾಟಿ ಸೂಪರ್‌ಸ್ಪೋರ್ಟ್ ಮತ್ತು ಸೂಪರ್‌ಸ್ಪೋರ್ಟ್ ಎಸ್ ಬೈಕುಗಳು ಭಾರತದಲ್ಲಿ ಬಿಡುಗಡೆ

ಇಟಾಲಿಯನ್ ಸೂಪರ್ ಬೈಕ್ ಉತ್ಪಾದಕ ಕಂಪನಿ ಡುಕಾಟಿ, ಭಾರತದಲ್ಲಿ ಸೂಪರ್ ಸ್ಪೋರ್ಟ್ ಮತ್ತು ಸೂಪರ್ ಸ್ಪೋರ್ಟ್ ಎಸ್ ಬೈಕುಗಳನ್ನು ಬಿಡುಗಡೆಗೊಳಿಸಿದ್ದು, ಈ ಬೈಕುಗಳು ಕ್ರಮವಾಗಿ ರೂ.12.08 ಲಕ್ಷ ಮತ್ತು ರೂ.13.39 ಲಕ್ಷ ಬೆಲೆಯೊಂದಿಗೆ ಬಿಡುಗಡೆಯಾಗಿವೆ.

ಡುಕಾಟಿ ಸೂಪರ್ ಸ್ಪೋರ್ಟ್ ಬೈಕ್ 937 ಸಿಸಿ ಟೆಸ್ಟ್‌ಸ್ಟ್ರೆಟ್ಟ 11 ಎಲ್-ಟ್ವಿನ್ ಲಿಕ್ವಿಡ್-ಕೋಲ್ಡ್ ಎಂಜಿನ್ ಹೊಂದಿದ್ದು, ಈ ಬೈಕ್ 93 ಎನ್‌ಎಂ ತಿರುಗುಬಲದಲ್ಲಿ 110 ಬಿಎಚ್‌ಪಿ ಶಕ್ತಿ ಉತ್ಪಾದನೆ ಮಾಡುತ್ತದೆ.

ಹೈಪರ್‌ಮೋಟರರ್ಡ್ 939 ಮತ್ತು ಮಲ್ಟಿಸ್ಟ್ರಾಡಾ 950ನಲ್ಲಿ ಸಹ ಡುಕಾಟಿ ಸಂಸ್ಥೆಯು ಇದೇ ಎಂಜಿನ್ ಅಳವಡಿಸಿದ್ದು, ಈ ಎಂಜಿನ್‌ನಲ್ಲಿ 6 ಸ್ಪೀಡ್ ಗೇರ್ ಬಾಕ್ಸ್ ಜೋಡಿಸಲಾಗಿದೆ.

ಈ ಮೋಟಾರ್ ಸೈಕಲ್ ಡಕ್ಯಾಟಿ ಸೇಫ್ಟಿ ಪ್ಯಾಕ್ (ಡಿಎಸ್‌ಪಿ) ಒಳಗೊಂಡಿದೆ, ಇದರಲ್ಲಿ ಬಾಷ್ 9 ಎಂಪಿ ಎಬಿಎಸ್ ಮತ್ತು ಡುಕಾಟಿ ಟ್ರಾಕ್ಷನ್ ಕಂಟ್ರೋಲ್ ಆಯ್ಕೆ ನೀಡಲಾಗಿದೆ ಮತ್ತು ಇದರಿಂದಾಗಿ ಬೈಕಿನ ಕಾರ್ಯಕ್ಷಮತೆ ಹೆಚ್ಚಿಗೆಯಾಗಲಿದೆ.

ಮೋಟಾರು ಸೈಕಲ್ ನಡವಳಿಕೆಯನ್ನು ಮಾರ್ಪಡಿಸಲು ರೈಡ್-ಬೈ-ವೈರ್ ಥ್ರೊಟಲ್, ಎಬಿಎಸ್ ಮತ್ತು ಡಿಟಿಸಿ ಆಯ್ಕೆಗಳಲ್ಲಿ ಈ ಸೂಪರ್ ಬೈಕ್ ಅನಾವರಣಗೊಂಡಿದ್ದು, ಸ್ಪೋರ್ಟ್, ಟೂರಿಂಗ್ ಮತ್ತು ಅರ್ಬನ್ ಎಂಬ ಮೂರು ಸವಾರಿ ವಿಧಾನಗಳನ್ನು ಈ ಮೋಟಾರ್ ಸೈಕಲ್ ಒಳಗೊಂಡಿರಲಿದೆ.

ಸೂಪರ್ ಸ್ಪೋರ್ಟ್ ಮತ್ತು ಸೂಪರ್ ಸ್ಪೋರ್ಟ್ ಎಸ್ ಎರಡೂ ಬೈಕುಗಳು ಒಂದೇ-ಬದಿಯ ಅಲ್ಯುಮಿನಿಯಂ ಸ್ವಿಂಗ್ಆರ್ಮ್ ಹೊಂದಿವೆ. ಬ್ರೇಕ್ ವಿಚಾರದ ಬಗ್ಗೆ ಹೇಳುವುದಾದರೆ ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 245 ಎಂಎಂ ಡಿಸ್ಕ್ ಕಾರ್ಯ ನಿರ್ವಹಿಸಲಿವೆ.