ಜೂನ್ ತಿಂಗಳಲ್ಲಿ ಅತಿಹೆಚ್ಚು ಮಾರಾಟವಾದ ಬೆಸ್ಟ್ ಸ್ಕೂಟರ್ ಯಾವುದು ಗೊತ್ತಾ?

ಹೌದು, ಭಾರತೀಯ ಗ್ರಾಹಕರು ಇತ್ತೀಚಿಗೆ ಸ್ಕೂಟರ್ ವಿಭಾಗದ ಕಡೆ ಹೆಚ್ಚು ಒಲವನ್ನು ತೋರುತ್ತಿದ್ದು, ಪರಿಣಾಮಕಾರಿಯಾದ ಮತ್ತು ಸೊಗಸಾದ ಸ್ಕೂಟರ್ ಮಾರುಕಟ್ಟೆಗೆ ಆಗಮನವಾಗಿದ್ದು, ಇದರಿಂದ ಸ್ಕೂಟರ್ ವಿಭಾಗ ಮತ್ತೆ ಜನಪ್ರಿಯತೆ ಮರಳಿ ಪಡೆದುಕೊಂಡಿದೆ.

ಭಾರತದಲ್ಲಿ ದ್ವಿಚಕ್ರ ಮಾರುಕಟ್ಟೆಯಲ್ಲಿ ಮೋಟಾರ್ ಸೈಕಲ್ ವಿಭಾಗ ಹೆಚ್ಚು ಪ್ರಖ್ಯಾತಿ ಹೊಂದಿದ್ದು, ಇತ್ತೀಚಿಗೆ ನಿಧಾನವಾಗಿ ಸ್ಕೂಟರ್ ತನ್ನ ಅಸ್ತಿತ್ವ ಸ್ಥಾಪಿಸಿಕೊಳ್ಳುತ್ತಿದೆ.

ಇನ್ನೂ ಜೂನ್ ತಿಂಗಳಿನಲ್ಲಿ ಭಾರತದ ಅಗ್ರ ಹತ್ತು ಸ್ಕೂಟರ್‌ಗಳ ಬಗ್ಗೆ ಹೇಳುವುದಾದರೆ, AutocarPro ಈ ಪಟ್ಟಿಯನ್ನು ತಯಾರಿಸಿದ್ದು, ಇದರ ಪ್ರಕಾರ ಹೆಚ್ಚು ಪ್ರಖ್ಯಾತ ಪಡೆದುಕೊಂಡ ಸ್ಕೂಟರ್ ಬಗ್ಗೆ ಮುಂದೆ ಓದಿ.

2017ರ ಜೂನ್ ತಿಂಗಳಿನಲ್ಲಿ 234767 ಹೋಂಡಾ ಆಕ್ಟಿವಾ ಸ್ಕೂಟರ್‌ಗಳನ್ನು ಮಾರಾಟವಾಗಿದ್ದು ಮೊದಲನೇ ಸ್ಥಾನವನ್ನು ಪಡೆದುಕೊಂಡಿದೆ. ಟಿವಿಎಸ್ ಸಂಸ್ಥೆಯ 60,570 ಜುಪಿಟರ್ ಸ್ಕೂಟರ್‌ಗಳು ಮಾರಾಟಗೊಂಡ ಎರಡನೇ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.

ಮೂರನೇ ಸ್ಥಾನವನ್ನು ಪಡೆದುಕೊಳ್ಳಲು ಹೋಂಡಾ ಡಿಯೊ ಮತ್ತು ಹೀರೊ ಮ್ಯಾಸ್ಟ್ರೋ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತಾದರೂ, ಕೊನೆಗೆ ಹೀರೊ ಮ್ಯಾಸ್ಟ್ರೋ ಮೂರನೇ ಸ್ಥಾನವನ್ನು ಪಡೆದುಕೊಳ್ಳಲು ಸಫಲವಾಯಿತು.

ಹೋಂಡಾ ಡಿಯೊ 26890 ವಾಹನಗಳ ಮಾರಾಟದೊಂದಿಗೆ ನಾಲ್ಕನೇ ಸ್ಥಾನವನ್ನು ಪಡೆದುಕೊಂಡಿದ್ದು, ಸುಜುಕಿ ಆಕ್ಸೆಸ್ 125 ಸ್ಕೂಟರ್ ಡಿಯೊಗೆ ಹೋಲಿಸಿದರೆ ಕೇವಲ 379 ವಾಹನಗಳು ಕಡಿಮೆ ಮಾರಾಟಗೊಂಡು ಐದನೇ ಸ್ಥಾನ ತನ್ನದಾಗಿಸಿಕೊಂಡಿತು.

ಉಳಿದ ಐದು ಸ್ಥಾನಗಳನ್ನು ಕ್ರಮವಾಗಿ, ಹೀರೊ ಡ್ಯುಯೆಟ್, ಹೀರೊ ಪ್ಲೇಜರ್, ಫ್ಯಾಸಿನೊ, ಟಿವಿಎಸ್ Pep+ ಮತ್ತು ಯಮಹ ರೇ ಸ್ಕೂಟರ್‌ಗಳು ಗಳಿಸಿಕೊಂಡಿವೆ.