ಬಹಿರಂಗವಾಯ್ತು ಬಿ‍ಎಸ್ 6 ಕೆಟಿ‍ಎಂ 390 ಡ್ಯೂಕ್ ಬೆಲೆ

ಇದರಿಂದ ಕೆಟಿ‍ಎಂ ಕಂಪನಿಯು ಸಹ ಹೊರತಾಗಿಲ್ಲ. ಕೆಟಿ‍ಎಂ ಕಂಪನಿಯು ಈ ಮೊದಲು ತನ್ನ 390 ಅಡ್ವೆಂಚರ್ ಬೈಕ್ ಅನ್ನು ಬಿ‍ಎಸ್ 6 ಎಂಜಿನ್‍‍ನೊಂದಿಗೆ ಬಿಡುಗಡೆಗೊಳಿಸಿತ್ತು. ಈಗ ಡ್ಯೂಕ್ 390 ಬೈಕ್ ಅನ್ನು ಸಹ ಬಿ‍ಎಸ್ 6 ಎಂಜಿನ್‍‍ನೊಂದಿಗೆ ಬಿಡುಗಡೆಗೊಳಿಸಲು ಮುಂದಾಗಿದೆ.

ಕೆಲ ದಿನಗಳ ಹಿಂದೆ ಕೆಟಿಎಂ ಕಂಪನಿಯು ಬಿ‍ಎಸ್ 6 ಎಂಜಿನ್ ಹೊಂದಿರುವ ಹೊಸ ಡ್ಯೂಕ್ 250 ಬೈಕಿನ ಬೆಲೆಯನ್ನು ಬಹಿರಂಗಪಡಿಸಿತ್ತು. ಈಗ ಹೊಸ ಡ್ಯೂಕ್ 390 ಬೈಕಿನ ಬೆಲೆಯನ್ನು ಬಹಿರಂಗಪಡಿಸಿದೆ. ಜಿಗ್‍‍ವ್ಹೀಲ್‍ ವರದಿಗಳ ಪ್ರಕಾರ ಈ ಬೈಕಿನ ಬೆಲೆಯು ಎಕ್ಸ್ ಶೋರೂಂ ದರದಂತೆ ರೂ.2.52 ಲಕ್ಷಗಳಾಗಿದೆ.

ಬಿ‍ಎಸ್ 6 ಎಂಜಿನ್ ಹೊಂದಿರುವ ಹೊಸ ಡ್ಯೂಕ್ 390 ಬೈಕಿನ ಬೆಲೆಯು ಬಿ‍ಎಸ್ 4 ಎಂಜಿನ್ ಹೊಂದಿರುವ ಬೈಕಿನ ಬೆಲೆಗಿಂತ ರೂ.5,000 ಹೆಚ್ಚಾಗಿರಲಿದೆ. ಹೊಸ ಡ್ಯೂಕ್ 390 ಬೈಕಿನಲ್ಲಿ ಹಲವಾರು ಕಾಸ್ಮೆಟಿಕ್ ಬದಲಾವಣೆಗಳನ್ನು ಮಾಡಲಾಗುವುದು.

ಹೊಸ ಡ್ಯೂಕ್ 390 ಬೈಕ್ ಅನ್ನು ಗ್ರೇ ಬಣ್ಣದಲ್ಲಿ ಬಿಡುಗಡೆಗೊಳಿಸಲಾಗುವುದು. ಬಿ‍ಎಸ್ 4 ಹಾಗೂ ಬಿ‍ಎಸ್ 6 ಬೈಕುಗಳಲ್ಲಿರುವ ಪ್ರಮುಖ ವ್ಯತ್ಯಾಸವೆಂದರೆ ಬಿ‍ಎಸ್ 6 ಬೈಕ್‍‍ಗಳಲ್ಲಿ ಕ್ವಿಕ್ ಶಿಫ್ಟರ್ ಅನ್ನು ಸ್ಟಾಂಡರ್ಡ್ ಆಗಿ ನೀಡಲಾಗುವುದು. ಈ ಫೀಚರ್ ಅನ್ನು ಆರ್‍‍ಸಿ 390 ಬೈಕಿನಲ್ಲಿಯೂ ಸಹ ನೀಡಲಾಗುವುದು.

ಸದ್ಯಕ್ಕೆ ಹೊಸ ಡ್ಯೂಕ್ 390 ಬಿ‍ಎಸ್ 6 ಬೈಕಿನ ಎಂಜಿನ್ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡಲಾಗಿಲ್ಲ. ಆದರೆ ಬಿ‍ಎಸ್ 4 ಎಂಜಿನ್ ಹಾಗೂ ಬಿ‍ಎಸ್ 6 ಎಂಜಿನ್‍‍ಗಳ ಮಧ್ಯೆ ಹೆಚ್ಚಿನ ವ್ಯತ್ಯಾಸಗಳಿರುವುದಿಲ್ಲವೆಂದು ಹೇಳಲಾಗಿದೆ.

ಹೊಸ ಡ್ಯೂಕ್ 390 ಬೈಕಿನಲ್ಲಿ 390 ಅಡ್ವೆಂಚರ್ ಬೈಕಿನಲ್ಲಿ ಅಳವಡಿಸಲಾಗಿರುವ 373 ಸಿಸಿಯ ಅಪ್‍‍ಡೇಟೆಡ್ ಬಿ‍ಎಸ್ 6 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 42.9 ಬಿ‍‍ಹೆಚ್‍‍ಪಿ ಪವರ್ ಹಾಗೂ 37 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಬಿ‍ಎಸ್ 6 ಎಂಜಿನ್ ಹೊಂದಿರುವ ಹೊಸ ಡ್ಯೂಕ್ 390 ಬೈಕ್ ಹೆಚ್ಚು ಕಡಿಮೆ ಬಿಎಸ್ 4 ಎಂಜಿನ್ ಹೊಂದಿರುವ ಡ್ಯೂಕ್ 390 ಬೈಕಿನಲ್ಲಿರುವ ಫೀಚರ್‍‍ಗಳನ್ನೇ ಹೊಂದಿರಲಿದೆ. ಇವುಗಳಲ್ಲಿ ಸಸ್ಪೆಂಷನ್ ಹಾಗೂ ಬ್ರೇಕ್‍‍ಗಳೂ ಸಹ ಸೇರಿವೆ.

ಇದರ ಜೊತೆಗೆ ಹೊಸ ಡ್ಯೂಕ್ 390 ಬೈಕಿನಲ್ಲಿ, 390 ಅಡ್ವೆಂಚರ್ ಬೈಕಿನಲ್ಲಿರುವಂತಹ ಎಲೆಕ್ಟ್ರಾನಿಕ್ ಪ್ಯಾಕೇಜ್ ಅಳವಡಿಸಲಾಗುವುದು.