ಎಲೆಕ್ಟ್ರಿಕ್ ಸಮಸ್ಯೆಗಳನ್ನು ಆಟೋಮ್ಯಾಟಿಕ್ ಆಗಿ ಸರಿಪಡಿಸುತ್ತದೆ ಈ ಎಲೆಕ್ಟ್ರಿಕ್ ಸ್ಕೂಟರ್

ಈ ಎಲೆಕ್ಟ್ರಿಕ್ ಸ್ಕೂಟರ್ ಎಲ್ಲಾ ವಯಸ್ಸಿನವರ ಬಳಕೆಗೂ ಸೂಕ್ತವಾಗಿದೆ ಎಂದು ಕೋಮಕಿ ಕಂಪನಿ ತಿಳಿಸಿದೆ. ಈ ಹೈಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಗಾರ್ನೆಟ್ ರೆಡ್, ಡಾರ್ಕ್ ಬ್ಲೂ, ಮೆಟಾಲಿಕ್ ಗೋಲ್ಡ್ ಹಾಗೂ ಜೆಟ್ ಬ್ಲ್ಯಾಕ್ ಎಂಬ ನಾಲ್ಕು ಬಣ್ಣಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಕೋಮಕಿ ಎಸ್‌ಇ ಎಲೆಕ್ಟ್ರಿಕ್ ಸ್ಕೂಟರಿನ ಬೆಲೆ 96 ಸಾವಿರ ರೂಪಾಯಿಗಳಾಗಿದೆ.

ಈ ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ಕಂಪನಿಯು ಹಲವಾರು ವಿಶೇಷ ಫೀಚರ್'ಗಳನ್ನು ಅಳವಡಿಸಿದೆ. ಈ ಸ್ಕೂಟರಿನಲ್ಲಿ ಯಾವುದೇ ಸಮಸ್ಯೆಯನ್ನು ಆಟೋಮ್ಯಾಟಿಕ್ ಆಗಿ ಸರಿಪಡಿಸುವ ಫೀಚರ್ ಅನ್ನು ಅಳವಡಿಸಲಾಗಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಸ್ಕೂಟರ್ ತನ್ನೊಳಗೆ ಸಂಭವಿಸುವ ಎಲೆಕ್ಟ್ರಿಕ್ ಸಮಸ್ಯೆಗಳನ್ನು ಆಟೋಮ್ಯಾಟಿಕ್ ಆಗಿ ಪತ್ತೆಹಚ್ಚಿ, ಸರಿಪಡಿಸುವ ಫೀಚರ್ ಅನ್ನು ಹೊಂದಿದೆ. ಇದರಿಂದಾಗಿ ಸ್ಕೂಟರ್ ಅನ್ನು ಚಾಲನೆ ಮಾಡುವವರು ಎಲೆಕ್ಟ್ರಿಕ್ ಕಡಿತದ ಬಗ್ಗೆ ಚಿಂತಿಸದೆ ಪ್ರಯಾಣಿಸಬಹುದು.

ಇದರ ಜೊತೆಗೆ ಈ ಸ್ಕೂಟರಿನಲ್ಲಿ ಮಲ್ಟಿಮೀಡಿಯಾ-ಎನೆಬಲ್ ಆದ ಬ್ಲೂಟೂತ್ ಸ್ಪೀಕರ್, ಎಲ್‌ಇಡಿ ಡಿಆರ್'ಎಲ್, ಸೆಲ್‌ಫೋನ್ ಯುಎಸ್‌ಬಿ ಚಾರ್ಜಿಂಗ್ ಪಾಯಿಂಟ್, ಕ್ರೂಸ್ ಕಂಟ್ರೋಲ್, ತ್ರೀ-ವೇ ರೈಡಿಂಗ್ ಮೋಡ್‌, ರಿಮೋಟ್ ಲಾಕಿಂಗ್ ಹಾಗೂ ಕಳ್ಳತನವಾಗುವುದನ್ನು ತಡೆಯುವ ಹಲವಾರು ಫೀಚರ್'ಗಳನ್ನು ಅಳವಡಿಸಲಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಎಲೆಕ್ಟ್ರಿಕ್ ಸ್ಕೂಟರ್ ಇತರ ಕಂಪನಿಯ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗೆ ಹೋಲಿಸಿದರೆ ಹೆಚ್ಚು ವ್ಯಾಪ್ತಿಯನ್ನು ನೀಡುತ್ತದೆ. ಕೋಮಕಿ ಎಸ್‌ಇ ಎಲೆಕ್ಟ್ರಿಕ್ ಸ್ಕೂಟರ್ ಪೂರ್ತಿಯಾಗಿ ಚಾರ್ಜ್‌ ಆದ ನಂತರ 125 ಕಿ.ಮೀಗಳವರೆಗೆ ಚಲಿಸುತ್ತದೆ.

ಈ ಎಲೆಕ್ಟ್ರಿಕ್ ಸ್ಕೂಟರಿನಲ್ಲಿ ಲಿಥಿಯಂ ಐಯಾನ್ ಬ್ಯಾಟರಿಗಳನ್ನು ಅಳವಡಿಸಲಾಗಿದೆ. ಈ ಬ್ಯಾಟರಿಯು 3 ಸಾವಿರ ವ್ಯಾಟ್ ಸಾಮರ್ಥ್ಯದ ಎಲೆಕ್ಟ್ರಿಕ್ ಮೋಟರ್'ಗೆ ಅಗತ್ಯವಾದ ಎಲೆಕ್ಟ್ರಿಕ್ ಅನ್ನು ಒದಗಿಸುತ್ತದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಈ ಎಲೆಕ್ಟ್ರಿಕ್ ಮೋಟಾರ್ 125 ಸಿಸಿಯ ಪೆಟ್ರೋಲ್ ಎಂಜಿನ್ ಸ್ಕೂಟರ್‌ನಂತೆಯೇ ಪರ್ಫಾಮೆನ್ಸ್ ನೀಡುತ್ತದೆ ಎಂಬುದು ಗಮನಾರ್ಹ. ಈ ಕಾರಣಕ್ಕೆ ಕೋಮಕಿ ಕಂಪನಿಯು ಈ ಸ್ಕೂಟರ್ ಅನ್ನು ಹೈಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ಎಂದು ಕರೆದಿದೆ.