ಹೊಸ ಕೆಟಿಎಂ 890 ಡ್ಯೂಕ್ ಟೆಕ್3 ಮೋಟೋ ಜಿಪಿ ಎಡಿಷನ್ ಬಿಡುಗಡೆ

ಹೊಸ ಕೆಟಿಎಂ 890 ಡ್ಯೂಕ್ ಟೆಕ್3 ಮೋಟೋ ಜಿಪಿ ಎಡಿಷನ್ ಮಾದರಿಯ ಎಲ್ಲಾ 100 ಯುನಿಟ್‌ಗಳನ್ನು ಫ್ರಾನ್ಸ್‌ ಮಾರುಕಟ್ಟೆಯಲ್ಲಿ ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುತ್ತದೆ. ಈ ಹೊಸ ಬೈಕ್ ಇಕರ್ ಲೆಕುವಾನಾ ಮತ್ತು ಡ್ಯಾನಿಲೊ ಪೆಟ್ರೂಸಿ ಅವರು ಸವಾರಿ ಮಾಡಿದ ಟೆಕ್ 3 ಮೋಟೋ ಜಿಪಿ ಬೈಕ್‌ನ ಬಣ್ಣದಿಂದ ಸ್ಫೂರ್ತಿ ಪಡೆದುಕೊಂಡಿದೆ. ಇದರಿಂದ ಈ ಬೈಕ್ ಹೆಚ್ಚು ಸ್ಪೋರ್ಟಿಯಾಗಿ ಕಾಣುತ್ತದೆ.

ಇನ್ನು ಈ ಹೊಸ ಕೆಟಿಎಂ 890 ಡ್ಯೂಕ್ ಟೆಕ್3 ಮೋಟೋ ಜಿಪಿ ಎಡಿಷನ್ ಬೆಲ್ಲಿ ಪ್ಯಾನ್, ಒಂದು ಪಿಲಿಯನ್ ಸೀಟ್ ಕೌಲ್ ಮತ್ತು ಸ್ಪೋರ್ಟಿಯರ್ ಭಾವನೆಗಾಗಿ ಅಕ್ರಪೋವಿಕ್ ಎಕ್ಸಾಸ್ಟ್ ಅನ್ನು ಹೊಂದಿದೆ.

MOST READ: ಬಿಡುಗಡೆಯಾಯ್ತು ಹೊಸ ಟ್ರಯಂಫ್ ಬೊನೊವೆಲ್ಲಿ ಸ್ಪೀಡ್‍‍ಮಾಸ್ಟರ್ ಬೈಕ್

ಇನ್ನು ಕಾರ್ಯಕ್ಷಮತೆ ಬಗ್ಗೆ ಹೇಳುವುದಾದರೆ, ಇದರ ಸ್ಟ್ಯಾಂಡರ್ಡ್ ಮಾದರಿಗೆ ಹೋಲಿಸಿದರೆ ಹೆಚ್ಚಾಗಿ ಬದಲಾಗದೆ ಉಳಿದಿದೆ. ಇದರಲ್ಲಿ 889 ಸಿಸಿ, ಪ್ಯಾರಲಲ್ ಟ್ವಿನ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 113.4 ಬಿಹೆಚ್‍ಪಿ ಪವರ್ ಮತ್ತು 92 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ.

ಕೆಟಿಎಂ ಡ್ಯೂಕ್ 890 ಬೈಕಿಗೆ ಆಧಾರವಾಗಿರುವ ಫ್ರೇಮ್ ಕ್ರೋಮಿಯಂ-ಮಾಲಿಬ್ಡಿನಮ್-ಸ್ಟೀಲ್ ನಿಂದ ಮಾಡಲ್ಪಟ್ಟಿದೆ. ಇದು ಡ್ಯೂಕ್ 890 ಬೈಕಿನ ತೂಕವನ್ನು ಕಡಿಮೆ ಮಾಡುತ್ತದೆ. ಆದರೆ ಅತ್ಯಂತ ತೀಕ್ಷ್ಣವಾದ ನಿರ್ವಹಣೆಗೆ ತುಂಬಾ ಕಠಿಣ ಮತ್ತು ಬಿಗಿಯಾಗಿರುತ್ತದೆ.

MOST READ: ಬಿಡುಗಡೆಯಾಯ್ತು ಹೊಸ ಕವಾಸಕಿ ವಲ್ಕನ್ ಎಸ್ ಬೈಕ್

ಕೆಟಿಎಂ ಡ್ಯೂಕ್ 890 ಹೆಚ್ಚಿಮ ಪವರ್ ಫುಲ್ ಬೈಕ್ ಆದರೂ ಉತ್ತಮ ಹ್ಯಾಂಡಲಿಂಗ್ ಗುಣವನ್ನು ಹೊಂದಿದೆ. ಕೆಟಿಎಂ ಡ್ಯೂಕ್ 890 ಮತ್ತು ಟೆಕ್ 3 ಮೋಟೋ ಜಿಪಿ ಎಡಿಷನ್ ಮತ್ತು ಕೆಟಿಎಂ ಡ್ಯೂಕ್ 890 ಒಂದೇ ಸಮಯದಲ್ಲಿ ಬಹಳ ತ್ವರಿತ ಮತ್ತು ಹೆಚ್ಚಿನ ಸುರಕ್ಷತೆಗಾಗಿ ಹಲವಾರು ಎಲೆಕ್ಟ್ರಾನಿಕ್ ರೈಡರ್ ಅಸಿಸ್ಟ್ ಗಳೊಂದಿಗೆ ಬರುತ್ತವೆ.

ಈ ಎಲೆಕ್ಟ್ರಾನಿಕ್ಸ್ ಪ್ಯಾಕೇಜ್‌ನಲ್ಲಿ ಲೀನ್ ಆಂಗಲ್ ಸೆನ್ಸಿಟಿವ್ ಟ್ರ್ಯಾಕ್ಷನ್ ಕಂಟ್ರೋಲ್, ಮೋಟಾರ್ ಸ್ಲಿಪ್ ಕಂಟ್ರೋಲ್, ಸೂಪರ್‌ಮೊಟೊ ಮೋಡ್‌ನೊಂದಿಗೆ ಎಬಿಎಸ್ ಅನ್ನು ಹೊಂದಿದೆ. ಇದರೊಂದಿಗೆ ಇತರ ಅತ್ಯಾಧುನಿಕ ತಂತ್ರಜ್ಙಾನಗಳನ್ನು ಒಳಗೊಂಡಿದೆ.

MOST READ: ಯೂನಿಕಾರ್ನ್ ಬೈಕಿನ ಬೆಲೆ ಹೆಚ್ಚಿಸಿದ ಹೋಂಡಾ ಮೋಟಾರ್‌ಸೈಕಲ್

ಇನ್ನು ಈ ಹೊಸ ಕೆಟಿಎಂ 890 ಡ್ಯೂಕ್ ಟೆಕ್3 ಮೋಟೋ ಜಿಪಿ ಎಡಿಷನ್ ನಲ್ಲಿ ರೈನ್, ರೋಡ್, ಸ್ಪೋರ್ಟ್ ಮತ್ತು ಟ್ರ್ಯಾಕ್ ಎಂಬ ನಾಲ್ಕು ಮೋಡ್‌ಗಳನ್ನು ನೀಡಿದ್ದಾರೆ. ಈ ನಾಲ್ಕು ಮೋಡ್‌ಗಳಲ್ಲಿ ವಿಭಿನ್ನವಾದ ರೈಡಿಂಗ್ ಅನುಭವವನ್ನು ಪಡೆಯಬಹುದು.

ಕೆಟಿಎಂ 890 ಡ್ಯೂಕ್‌ನ ಟೆಕ್ 3 ಮೋಟೋ ಜಿಪಿ ಆವೃತ್ತಿ ಫ್ರಾನ್ಸ್‌ನಲ್ಲಿ ಮಾತ್ರ ಲಭ್ಯವಿರುವುದು ಇತರ ದೇಶಗಳ ಕೆಟಿಎಂ ಅಭಿಮಾನಿಗಳಿಗೆ ಬೇಸರ ಮೂಡಿಸುವ ಸುದ್ದಿಯಾಗಿದೆ. ಆದರೆ ಫ್ರಾನ್ಸ್‌ನಲ್ಲಿ 100 ಯುನಿಟ್‌ಗಳು ಕೂಡ ಉತ್ತಮ ಬೇಡಿಕೆಯೊಂದಿಗೆ ಕಡಿಮೆ ಅವಧಿಯಲ್ಲಿ ಮಾರಾಟವಾಗಬಹುದು.