ಒಂದು ಕಿ.ಮೀಗೆ ಕೇವಲ 25 ಪೈಸೆ ಖರ್ಚು: ನಹಕ್ ಇ-ಮೊಪೆಡ್‌ನ ಹಲವು ವೈಶಿಷ್ಟಗಳು ಇಲ್ಲಿವೆ..

ಈ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನವು ಭಾರತದಲ್ಲಿ ಪ್ರಸಿದ್ದಿ ಪಡೆದಿರುವ ಟಿವಿಎಸ್ ಎಕ್ಸ್‌ಎಲ್ ಮೊಪೆಡ್ ಅನ್ನು ಪ್ರತಿಬಿಂಬಿಸುವಂತೆ ವಿನ್ಯಾಸಗೊಳಿಸಲಾಗಿದೆ. ಇದು ಎಕ್ಸಿಡೊ ಸೋಲೊ ಮೊಪೆಡ್ ಎಲೆಕ್ಟ್ರಿಕ್ ಬೈಕ್ ಆಗಿದ್ದು, ಈ ವಾಹನವು ಇದೀಗ ಮಾರಾಟಕ್ಕೆ ಲಭ್ಯವಿದೆ. ಇದು ಸಂಪೂರ್ಣವಾಗಿ ಭಾರತದಲ್ಲಿ ತಯಾರಿಸಿರುವ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನವಾಗಿದೆ.

ಹರಿಯಾಣದ ಫರಿದಾಬಾದ್ ಮೂಲದ ನಹಕ್ ಮೋಟಾರ್ಸ್ ಈ ವಾಹನವನ್ನು ಮಾರಾಟಕ್ಕೆ ತಂದಿದೆ. ಇದರ ಪರಿಚಯಾತ್ಮಕ ಬೆಲೆ ರೂ. 85,999ಕ್ಕೆ ನಿಗದಿಪಡಿಸಲಾಗಿದೆ. ಇದು ಕೇವಲ ಎಕ್ಸ್‌ ಶೋರೂಮ್ ಬೆಲೆ ಎಂಬುದು ಗಮನಿಸಬೇಕಾದ ಅಂಶವಾಗಿದೆ.

ಇದರ ಸಂಪೂರ್ಣ ಕಾರ್ಯ ವೈಖರಿಯನ್ನು ಕಂಪನಿಯ ಅಧಿಕೃತ ವೆಬ್ ಪೇಜ್‌ ಮೂಲಕ ತಿಳಿಸಲಾಗುತ್ತಿದೆ. ಜತೆಗೆ ವಿತರಕರ ಮೂಲಕ ಬುಕ್ಕಿಂಗ್ ಕಾರ್ಯ ನಡೆಯಲಿದೆ. ಈ ದ್ವಿಚಕ್ರ ವಾಹನವನ್ನು ಏಪ್ರಿಲ್‌ನಿಂದ ಗ್ರಾಹಕರಿಗೆ ತಲುಪಿಸುವುದಾಗಿ ಕಂಪನಿ ತಿಳಿಸಿದೆ.

ಇದರ ವಿನ್ಯಾಸವು ಮೊಪೆಡ್ ಟಿವಿಎಸ್ ಎಕ್ಸ್‌ಎಲ್‌ನಂತೆ ಕಾಣುತ್ತದೆ, ಅದರ ನೋಟದಷ್ಟೇ ಬಹುಮುಖಿ ಕಾರ್ಯಗಳನ್ನು ಈ ಮೊಪೆಡ್ ಮಾಡಲಿದೆ. ಡಿಜಿಟಲ್ ಸ್ಕ್ರೀನ್ ಮತ್ತು ಎಲ್‌ಇಡಿ ಎಲೆಕ್ಟ್ರಿಕ್ ಲೈಟ್‌ಗಳು ಸೇರಿದಂತೆ ಹಲವು ವೈಶಿಷ್ಟ್ಯಗಳು ನಹಕ್ ಎಕ್ಸಿಡೊ ಸೋಲೊ ಇ-ಮೊಬಾಟ್‌ನಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆಯಿದೆ.

ಈ ಬಗ್ಗೆ ವಿವರವಾದ ಮಾಹಿತಿ ಲಭ್ಯವಾಗಿಲಿಲ್ಲ, ಏಕೆಂದರೆ ಯಾವೆಲ್ಲಾ ವೈಶಿಷ್ಟ್ಯಗಳನ್ನು ಈ ವಾಹನ ಒಳಗೊಂಡಿದೆ ಎಂಬ ವಿವರಗಳನ್ನು ಅಧಿಕೃತವಾಗಿ ಕಂಪನಿ ಬಿಡುಗಡೆ ಮಾಡಿಲ್ಲ. ಇದನ್ನು ಹೊರತುಪಡಿಸಿ ಈ ಇ-ಮೊಪೆಡ್‌ನ ಇತರ ಪ್ರಮುಖ ಅಂಶಗಳ ಬಗ್ಗೆ ಮಾಹಿತಿ ಬಹಿರಂಗವಾಗಿದೆ.

ಅತ್ಯುತ್ತಮ ಶ್ರೇಣಿಯ ಸಾಮರ್ಥ್ಯವನ್ನು ಒದಗಿಸಲು 48ಎಕ್ಸ್30 ಎಸಿ ಪ್ಯಾಕ್ ಅನ್ನು ಬಳಸಲಾಗಿದೆ ಎಂದು ತಿಳಿದುಬಂದಿದೆ. ಸಂಪೂರ್ಣ ಚಾರ್ಜ್ ಮಾಡಿದರೆ 80 ಕಿ.ಮೀ.ವರೆಗೆ ಸಂಚರಿಸಬಹುದು. ಅಲ್ಲದೇ ಸುಮಾರು 150 ಕೆಜಿ ತೂಕದ ವಸ್ತುಗಳನ್ನು ಸಹ ಇ-ವಾಹನದಲ್ಲಿ ಯಾವುದೇ ಶ್ರಮವಿಲ್ಲದೇ ಸಾಗಿಸಬಹುದು.

ಆದ್ದರಿಂದ, ಇದನ್ನು ಎಕ್ಸ್‌ಎಲ್ ನಂತಹ ಸರಕು ವಾಹಕವಾಗಿ ಬಳಸಬಹುದು ಎಂಬುದು ಸ್ಪಷ್ಟವಾಗಿದೆ. ತನ್ನ ಬ್ಯಾಟರಿಯನ್ನು ಮನೆಯಲ್ಲ್ಏ ಪ್ಲಗ್ ಪಾಯಿಂಟ್‌ನಲ್ಲಿಯೂ ಚಾರ್ಜ್ ಮಾಡಬಹುದು ಎಂದು ಕಂಪನಿ ಹೇಳಿದೆ. ಈ ಬ್ಯಾಟರಿಯನ್ನು ಹೋಮ್ ಸಾಕೆಟ್‌ನಲ್ಲಿ ಚಾರ್ಜ್ ಮಾಡಿದಾಗ ಅದನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು 5 ಗಂಟೆಗಳವರೆಗೆ ಸಮಯ ತೆಗೆದುಕೊಳ್ಳುತ್ತದೆ.

ಈ ಇ-ಮೊಪೆಡ್ ಬಳಕೆಯಿಂದ ಸಾಕಷ್ಟು ಲಾಭಗಳಿವೆ ಎಂದು ನಹಕ್ ಮೋಟಾರ್ಸ್ ಹೇಳಿದೆ. ನಹಕ್ ಎಕ್ಸಿಡೊ ಸೋಲೊ ಇ-ಮೊಪೆಡ್‌ ಅನ್ನು ಒಂದು ಕಿ.ಮೀ. ನಿರ್ವಹಿಸಲು ಕೇವಲ 25 ಪೈಸೆ ವೆಚ್ಚವಾಗಲಿದೆ ಎಂದು ಕಂಪನಿ ಹೇಳಿದೆ.

ಸದ್ಯ ಕಂಪನಿಯ ಅಡಿಯಲ್ಲಿ ಎರಡು ಉತ್ಪಾದನಾ ಘಟಕಗಳು ಕಾರ್ಯನಿರ್ವಹಿಸುತ್ತಿವೆ. ಒಂದು ಹರಿಯಾಣದ ಫರಿದಾಬಾದ್‌ನಲ್ಲಿ ಮತ್ತು ಇನ್ನೊಂದು ಉತ್ತರ ಪ್ರದೇಶದ ನೋಯ್ಡಾದಲ್ಲಿದೆ. ನಹಕ್ ಮೋಟಾರ್ಸ್ ಬಹುಮುಖಿ ವಿದ್ಯುತ್ ಉತ್ಪಾದನೆಯಲ್ಲಿ ತೊಡಗಿದೆ. ಕಂಪನಿಯು ದ್ವಿಚಕ್ರ ವಾಹನ ಮಾತ್ರವಲ್ಲದೆ ತ್ರಿಚಕ್ರ ವಾಹನಗಳನ್ನು ತಯಾರಿಸುತ್ತಿರುವುದು ಗಮನಾರ್ಹ.

ಕಂಪನಿಯು ತಯಾರಿಸುವ ಎಲೆಕ್ಟ್ರಿಕ್ ವಾಹನಗಳನ್ನು ಭಾರತಕ್ಕೆ ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಕೆಲವು ದೇಶಗಳಿಗೆ ರಫ್ತು ಮಾಡುತ್ತಿದೆ. ಅದರಂತೆ ಕಂಪನಿಯು ಯುಕೆ, ನೇಪಾಲ್, ಅರಬ್ ರಾಷ್ಟ್ರಗಳು, ಮಾರಿಷಸ್, ಬಂಗಾಳ, ಕೆನಡಾ ಮತ್ತು ಜರ್ಮನಿ ಸೇರಿದಂತೆ ಇತರ ದೇಶಗಳಿಗೆ ಇ-ವಾಹನಗಳನ್ನು ರಫ್ತು ಮಾಡುತ್ತದೆ.

ಕಂಪನಿಯು ಎಲೆಕ್ಟ್ರಿಕ್ ರಿಕ್ಷಾಗಳು, ಇ-ಬೈಸಿಕಲ್‌ಗಳು, ಎಲೆಕ್ಟ್ರಿಕ್ ಮೋಟಾರ್ ಸೈಕಲ್‌ಗಳು ಮತ್ತು ಇ-ಸ್ಕೂಟರ್‌ಗಳನ್ನು ತಯಾರಿಸುತ್ತಿದೆ. ಇವುಗಳಲ್ಲಿ ಇ-ರಿಕ್ಷಾ, ಆಟೋಗಳನ್ನು ಸರ್ಕಾರಕ್ಕೆ ಸರಬರಾಜು ಮಾಡಲಾಗುತ್ತಿದೆ. ಸಾರ್ವಜನಿಕ ವಲಯದ ಬಳಕೆಗೆ ನೆಲಹಾಸು ಮಾಡುವ ಮೂಲಕ ಇದನ್ನು ಒದಗಿಸಲಾಗುತ್ತದೆ.