ಕೈಗೆಟುಕುವ ಬೆಲೆಯ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್‌ಗಾಗಿ ಅಕ್ಸೆಸರೀಸ್ ಪರಿಚಯಿಸಿದ ಓಲಾ

ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಅಕ್ಟೋಬರ್ 24 ರೊಳಗೆ ಬುಕ್ಕಿಂಗ್ ಮಾಡಿಕೊಳ್ಳುವ ಗ್ರಾಹಕರಿಗೆ ಎಕ್ಸ್ ಶೋ ರೂಂ ಪ್ರಕಾರ 79,999 ರೂ. ಬೆಲೆಯಲ್ಲಿ ಲಭ್ಯವಿತ್ತು. ಅಕ್ಟೋಬರ್ 24ರ ದಿನಾಂಕದ ನಂತರದ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.84,999 ಆಗಿದೆ. ಓಲಾ ಎಸ್1 ಏರ್ ಎಸ್1 ಸರಣಿಯ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ. ಇದರಿಂದ ಸಾಮಾನ್ಯ ಸ್ಕೂಟರ್ ಖರೀದಿಸುವವರು ಕೂಡ ಈ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಈ ಹೊಸ ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಗಾಗಿ ಓಲಾ ಎಲೆಕ್ಟ್ರಿಕ್ ಕಂಪನಿಯು ಅಕ್ಸೆಸರೀಸ್ ಮತ್ತು ಉಡುಪುಗಳನ್ನು ಸಹ ಬಿಡುಗಡೆ ಮಾಡಿದೆ. ಉಡುಪುಗಳು 5 ಹೊಸ ಟೀ-ಶರ್ಟ್‌ಗಳಾಗಿದೆ. ಇನ್ನು ಅಕ್ಸೆಸರೀಸ್ ಸೆಂಟರ್ ಸ್ಟ್ಯಾಂಡ್, ಒಂದು ಸೈಡ್ ಸ್ಟೆಪ್ ಮತ್ತು ಓಲಾ ಎಲೆಕ್ಟ್ರಿಕ್ ಸ್ಕೂಟರ್‌ಗೆ ಬಾಡಿ ಕವರ್ ಅನ್ನು ಒಳಗೊಂಡಿದೆ.

ಇದಲ್ಲದೆ, ಕೆಲವು ವಾಹನ ತಯಾರಕರು ಬಿಡುಗಡೆ ಮಾಡಿದ ಅಕ್ಸೆಸರೀಸ್ ಗಳಿಗಿಂತ ಭಿನ್ನವಾಗಿ, ಓಲಾ ಎಲೆಕ್ಟ್ರಿಕ್ ಬಿಡುಗಡೆ ಮಾಡಿದ ಅಕ್ಸೆಸರೀಸ್ ಮತ್ತು ಉಡುಪುಗಳು ಸಮಂಜಸವಾದ ಬೆಲೆಯನ್ನು ಹೊಂದಿವೆ ಮತ್ತು ಅವುಗಳಲ್ಲಿ ಕೆಲವು 'ಸ್ಟೀಲ್ ಡೀಲ್' ಟ್ಯಾಗ್‌ಗೆ ನಿಜವಾಗಿಯೂ ಯೋಗ್ಯವಾಗಿವೆ.

ಓಲಾ ಎಲೆಕ್ಟ್ರಿಕ್ ವೆಬ್‌ಸೈಟ್‌ನಲ್ಲಿನ ಮೊದಲ ಅಕ್ಸೆಸರೀಸ್ ಎಂದರೆ ಓಲಾ ಎಲೆಕ್ಟ್ರಿಕ್ ಸ್ಕೂಟರ್‌ನ ಬಾಡಿ ಕವರ್ ಆಗಿದೆ. ಚಿತ್ರಗಳನ್ನು ನೋಡುವಾಗ, ಬಾಡಿ ಕವರ್ ಬಹುತೇಕ ಬ್ಲ್ಯಾಕ್ ಬಣ್ಣದಲ್ಲಿ ಕಾಣುತ್ತದೆ. ಇದಲ್ಲದೆ, ಬಾಡಿ ಕವರ್ ಬೆಲೆಯು 999 ರೂ. ಆಗಿದೆ.

ಪಟ್ಟಿಯಲ್ಲಿರುವ ಮುಂದಿನ ಪರಿಕರವೆಂದರೆ 'ಬಡ್ಡಿ ಸ್ಟೆಪ್', ಇದು ಮೂಲಭೂತವಾಗಿ ಅನೇಕ ಭಾರತೀಯ ಕುಟುಂಬಗಳಿಗೆ ಸಾಕಷ್ಟು ಸೂಕ್ತವಾದ ಪರಿಕರವಾಗಿದೆ. ಅದರ ಜೊತೆಗೆ, 'ಬಡ್ಡಿ ಸ್ಟೆಪ್ ಸಾಕಷ್ಟು ಗಟ್ಟಿಮುಟ್ಟಾದ, ಕ್ರಿಯಾತ್ಮಕ ಮತ್ತು ಸೊಗಸಾದ ಕಾಣುತ್ತದೆ. ಬೆಲೆಯ ವಿಷಯದಲ್ಲಿ, ಓಲಾ ಎಲೆಕ್ಟ್ರಿಕ್ ಬಡ್ಡಿ ಸ್ಟೆಪ್ ಬೆಲೆಯು 1,999 ರೂ. ಆಗಿದೆ.

ಪಟ್ಟಿಯಲ್ಲಿರುವ ಮೂರನೇ ಅಕ್ಸೆಸರೀಸ್ ಸೆಂಟರ್ ಸ್ಟ್ಯಾಂಡ್ ಮತ್ತು ಇದರ ಬೆಲೆ ರೂ 999, ಇದು ತನ್ನದೇ ಆದ ಸಾಕಷ್ಟು ಸಮಂಜಸವಾಗಿದೆ. ಇನ್ನು ಓಲಾ ಎಲೆಕ್ಟ್ರಿಕ್ 5 ಟೀ ಶರ್ಟ್‌ಗಳನ್ನು ಪರಿಚಯಿಸಿದೆ, ಪ್ರತಿಯೊಂದರ ಬೆಲೆ 999 ರೂ. ಆಗಿದೆ.

ಇನ್ನು ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ 2.5kWh ಬ್ಯಾಟರಿ ಪ್ಯಾಕ್‌ನಿಂದ ಚಾಲಿತವಾಗಿದ್ದು, ಈ ಹೊಸ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಇಕೋ ಮೋಡ್‌ನಲ್ಲಿ ಸವಾರಿ ಮಾಡುವಾಗ ಸಿಂಗಲ್ ಚಾರ್ಜ್‌ನಲ್ಲಿ 101 ಕಿಲೋಮೀಟರ್ (ARAI) ರೇಂಜ್ ಅನ್ನು ನೀಡುತ್ತದೆ.

ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಸಣ್ಣ ಬ್ಯಾಟರಿ ಪ್ಯಾಕ್ ಫ್ಲಾಟ್ ಫುಟ್‌ಬೋರ್ಡ್ ಅನ್ನು ಹೊಂದಿದೆ ಮತ್ತು ಇದು ಎಲೆಕ್ಟ್ರಿಕ್ ಸ್ಕೂಟರ್‌ನ ತೂಕವನ್ನು ಕೇವಲ 99 ಕಿಲೋಗ್ರಾಂಗಳಿಗೆ ಇಳಿಸಲು ಸಹಾಯ ಮಾಡಿದೆ. 500W ಪೋರ್ಟಬಲ್ ಚಾರ್ಜರ್ ಬಳಸಿ ಬ್ಯಾಟರಿ ಪ್ಯಾಕ್ ಚಾರ್ಜ್ ಮಾಡಲು 4 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ.

ಈ ಹೊಸ ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಬ್ಯಾಟರಿ ಪ್ಯಾಕ್ ಹಬ್-ಮೌಂಟೆಡ್ ಎಲೆಕ್ಟ್ರಿಕ್ ಮೋಟರ್ ಅನ್ನು ಫೀಡ್ ಮಾಡುತ್ತದೆ ಅದು 4.5kW ಅಥವಾ 6.03 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಎಲೆಕ್ಟ್ರಿಕ್ ಸ್ಕೂಟರ್ ಕೇವಲ 4.3 ಸೆಕೆಂಡುಗಳಲ್ಲಿ 0-40 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ ಎಂದು ಓಲಾ ಹೇಳಿದೆ.

ಇದು ಎಸ್1 ಗಿಂತ ಅರ್ಧ ಸೆಕೆಂಡ್ ನಿಧಾನವಾಗಿರುತ್ತದೆ ಮತ್ತು ಎಸ್1 ಪ್ರೊ ಗಿಂತ 1.4 ಸೆಕೆಂಡ್ ನಿಧಾನವಾಗಿರುತ್ತದೆ. ಇನ್ನು ಹೊಸ ಎಲೆಕ್ಟ್ರಿಕ್ ಸ್ಕೂಟರ್ 9.8 ಸೆಕೆಂಡುಗಳಲ್ಲಿ 0-60 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇನ್ನು ಈ ಸ್ಕೂಟರ್ ಟಾಪ್ ಸ್ಪೀಡ್ 90 ಕಿ.ಮೀ ಆಗಿದೆ.

ಈ ಹೊಸ ಓಲಾ ಎಸ್1 ಏರ್ ಕೆಲವು ಇತರ ಬದಲಾವಣೆಗಳನ್ನು ಸಹ ಹೊಂದಿದೆ, ಅದು ಎಸ್1 ಸರಣಿಯ ಇತರ ಮಾದರಿಗಳಿಂದ ಅದನ್ನು ಪ್ರತ್ಯೇಕಿಸಲು ಸಹಾಯ ಮಾಡಿದೆ, ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಎರಡು-ಟೋನ್ ಬಾಹ್ಯ ಥೀಮ್ ಅತ್ಯಂತ ಗಮನಾರ್ಹ ಬದಲಾವಣೆಯಾಗಿದೆ.

ಈ ಓಲಾ ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ ಸಸ್ಪೆನ್ಶನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಈ ಸ್ಕೂಟರ್ ಸಸ್ಪೆನ್ಶನ್ ಸೆಟಪ್‌ನಲ್ಲಿ ಕೆಲವು ಬದಲಾವಣೆಗಳು ಬರುತ್ತವೆ, ಇದು ಈಗ ಮುಂಭಾಗದಲ್ಲಿ ಸಾಂಪ್ರದಾಯಿಕ ಟೆಲಿಸ್ಕೋಪಿಕ್ ಫೋರ್ಕ್‌ಗಳನ್ನು ಮತ್ತು ಹಿಂಭಾಗದಲ್ಲಿ ಡ್ಯುಯಲ್ ಶಾಕ್‌ಗಳನ್ನು ಹೊಂದಿದೆ.

ಇನ್ನು ಈ ಸ್ಕೂಟರ್ ಬ್ರೇಕಿಂಗ್ ಸಿಸ್ಟಂಗಳಲ್ಲಿ ಬದಲಾವಣೆ ಮಾಡಲಾಗಿದೆ. ಈ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಮುಂಭಾಗ ಮತ್ತು ಹಿಂಭಾಗಕ್ಕೆ ಡ್ರಮ್ ಬ್ರೇಕ್‌ಗಳನ್ನು ನೀಡಲಾಗಿದೆ. ಇದರಲ್ಲಿ ಗ್ರ್ಯಾಬ್-ರೈಲ್‌ಗಳನ್ನು ಪಡೆಯುವ ಜೊತೆಗೆ ಸೀಟ್ ಕೂಡ ಹೊಸದಾಗಿದೆ. ಓಲಾ ಎಸ್1 ಮತ್ತು ಎಸ್1 ಪ್ರೊ ನಂತೆ, ಹೊಸ ಎಸ್1 ಏರ್ 7-ಇಂಚಿನ ಟಚ್‌ಸ್ಕ್ರೀನ್ ಡಿಸ್ಪ್ಲೇಯನ್ನು Move OS 3.0 ಇನ್ ಬಿಲ್ಟ್ ಆಗಿ ಹೊಂದಿದೆ.

ಇದರಲ್ಲಿ ಬಹು ಪ್ರೊಫೈಲ್‌ಗಳು, ಕಾಲ್, ನ್ಯಾವಿಗೇಷನ್ ಮತ್ತು ಹೊಸದಾಗಿ ಘೋಷಿಸಲಾದ ಪಾರ್ಟಿ ಮೋಡ್‌ನಂತಹ ವೈಶಿಷ್ಟ್ಯಗಳನ್ನು ತರುತ್ತದೆ. ಇನ್ನು ಎಸ್1 ಏರ್ ಎಲೆಕ್ಟ್ರಿಕ್ ಸ್ಕೂಟರ್ 4 ಲೀಟರ್‌ಗಳಷ್ಟು ಸೀಟಿನ ಕೆಳಗಿರುವ ಸ್ಟೋರೇಜ್ ಸ್ಪೇಸ್ ಅನ್ನು ನೀಡಿದೆ. ಇದು S1 ಮತ್ತು S1 Pro ನಲ್ಲಿ ಕಂಡುಬರುವುದಕ್ಕಿಂತ 2 ಲೀಟರ್‌ಗಳಷ್ಟು ಕಡಿಮೆಯಾಗಿದೆ. ಈ ಸ್ಕೂಟರ್ ಇಕೋ, ನಾರ್ಮಲ್ ಮತ್ತು ಸ್ಪೋರ್ಟ್ಸ್ ಎಂಬ ಮೂರು ರೈಡಿಂಗ್ ಮೋಡ್‌ಗಳನ್ನು ನೀಡಿದೆ.